Aposel 26:6 - Nupela Testamen long tokples Kandas

⁶ Ra uniri a tur una warkurai, uni a kis langlang nama nurnur sur a liliman ra o God i pam tari torom a kum tumtubu met tagun numugu.

Aposel 26:6 Iomraidhean Croise

Aposel 23:6

O Pol i tasmani lena, a ramano taro tagun det, a kum Sadusi, ma ara taro kai a kum Parisi, ra i kakabo una kiwung lena, “A kum tistising, iau a Parisi, ma a nutun a Parisi. Uniri di takun iau uni a kis langlang nama nurnur una katkatutur melet anun a kum minat.”

Aposel 24:15

Anung a nurnur un o God i elar nama taro ri. Iau kai a kis langlang nama nurnur lena o God in ukatutur melet pas a wakak na taro ma a laulau na taro gusun a minat.

Aposel 24:21

Kutiro, det takun iau una nung ara wasiso kut. Ra a tur umatandet, a kakabo lena, ‘A tur una warkurai umatamot uniri, uni a nurnur una nilaun melet gusun a minat.’”

Aposel 26:8

Sur asau ra mot ri mot nuki lena o God ken pet lar pasi sur in ukatutur melet a kum minat?

Aposel 28:20

A itula sur mot, sur dat in kis tomo ma an wasiso talapor una kibino ra di sen ukai tar iau. Di sen ukai tar iau uni a kis langlang nama nurnur sur o naro ra a taro Israel kai det kis langlang suri.”

Aposel 3:24

“A kum poropet rop, ra det wasiso puaso una wasiso anun o God, turpasi un o Samuel, ma det ra det wanpat numur tano, det wasiso mugu una kum bung ri.

A Pas anun o Pol torom a taro Rom 15:8

A watungi tamot lena, o Karisito i wanpat elar nama tultul anun a taro Juda, sur in pam sot pas a kum liliman anun o God ra i sa pam tari torom a kum tumtubun det. Ra i pami lenra, i ese i lena a wasiso anun o God i lingmulus.

Galesia 4:4

Ra a kilalo i sot, o God i tulu ru o Nutunulik urin. A ino i usus pasi, ma i kis utuntudu ina Warkurai.

Taitus 2:13

ra dat kis langlang nama nurnur sur a bung na gasgas ra in nanpat. A bung ra anundat a Labino o God, o Iesu Karisito, a Tene Ulaun anundat in nanpat nama nun a minamar.