Aposel 26:3 - Nupela Testamen long tokples Kandas

³ Uni ui a tene mananos tagun a kum ngasino anun a taro Juda, ma tagun a kum utna kai ra det ser wasiso to i. I mo ra a saring ui sur un kis wowowon ma un longoro iau.

Aposel 26:3 Iomraidhean Croise

Aposel 21:21

Det sa longoro a wasiso un ui lena, u ser ususer a taro Juda rop ra det kis nisan a taro ra awu sur a taro Juda, sur gong det mur a Warkurai anun o Moses. Det longoro i lena, u inanos det sur gong det tok talilis a pinin a kum nutnutun det, ma gong det mur a kum petutna anun a taro Juda.

Aposel 24:10

O Peliks, a labino mugumugu tagun a gapman, i pikmato o Pol sur in wasiso, ra o Pol i watungi lena, “A gas sur an wasiso batbat iau, uni a tasmani lena u sa tene warkurai a susut na kilalo torom met a taro Juda.

Aposel 24:4

Ikut kan wasiso suano i, sako a pinim in ngoro. A saring ui sur un maris met ma un longoro anumet tu nat na wasiso.

Aposel 25:26

Ka tasman mulus tu utna ra an tumus ukai i uni, torom a Sisa. I mo ra a ben pati torom mot rop, ma torom ui, King Agripa, sur dat in ting tari sur an tasman asau ra an tumusi.

Aposel 26:2

“King Agripa, a gas doko sur an tur umatam ra an wasiso bat iau una kum utna rop ra a taro Juda det takun iau nami.

Aposel 26:26

A king i tasmani ut a kum utna ri, ra a langolango sur an wasiso uni. Uni a tasmani lena katu utna i parau umatano ma una nun a longlongoro, uni awu sur di pam eno i.

Aposel 26:7

Anumet a noino ma aru kabotaro, det kis langlang nama nurnur sur din pam sot pas a liliman ra torom det, ra det ser lotu torom o God una kum mirum ma a waspi rop. King, a taro Juda det takun iau, uni a nurnur ut una liliman ra.

Aposel 28:17

Ra a tulu bung i sa rop, o Pol i kabo tomo pas a kum mugumugu anun a taro Juda. Ra det wanpat tomo, i watungi tandet lena, “A kum tistising, ka ban laulau anundat a taro, o lako kum petutna kai anun a kum tumtubun dat tagun numugu. Ikut det pam ukai pas iau sapat o Jerusalem, ma det pitar tar iau torom a taro Rom.

Aposel 6:14

Met longoro i, ra i watungi lena o Iesu, a te Nasaret, in rege ru a rumu ri, ma in keles ru a kum ngasino ra o Moses i sa ususer tar dat nami.”

1 Korin 13:2

Ra an utur ukai a etabor sur an wasiso na poropet, ma ra an tasman a kum utna na pidik rop ma a kum mananos rop, ma ra an utur ukai a nurnur sur an ukarai a kum tangai nami, ikut ra ka lason una marmaris, iau a utna oros kut.