Aposel 26:22 - Nupela Testamen long tokples Kandas

²² Ikut, tuk uniri, o God i warut iau, ra a tur nin umatam ra a wasiso talapor torom a taro oros kut, ma a kum lamlabino kai. Ka watung tu matok na utna, a wasiso kut una utna ra o Moses ma a kum poropet det sa watung tari ra in nanpat.

Aposel 26:22 Iomraidhean Croise

Matiu 26:24

A Nutun a Musano in mat elar nami ra di sa tumus tari una Buk Tabu. Ikut in laulau sakit torom a musano ra in pitar tari torom a kum ebar. In wakak toromi ra ka din ususi, sur gong i taramo a dekdek na warkurai ra uni.”

Luk 16:28

Uni a limo na tistising a kum musano kura det uni, ma in utumarong tar det, sako det bulung det in nan urin una nubual na ngunungut ri.’

Luk 24:27

Turpasi una kum buk anun o Moses ma a kum poropet rop, o Iesu i papalos torom der una kum utna, ra di sa tumus tari uni ut, una Buk Tabu.

Luk 24:44

Ma i watungi tandet lena, “Ra a kis utmakai tomo nam mot, a sa inanos tar mot lenri: A kum utna rop ra di sa tumus tari un iau, una Warkurai anun o Moses, una wasiso anun a kum poropet ma una Kum Kelekele anun o Dewid din pam sot rop pasi.”

Luk 24:46

I watungi tandet lena, “Di sa tumus tari lenri: A Karisito in iru, ra a tulu bung in rop, in katutur melet gusun a minat,

A Wakak na Wasiso un o Iesu Karisito o Jon i tumusi 1:17

Un o Moses, o God i pitar tar a Warkurai torom dat, ikut un o Iesu Karisito i pitar tar a marmaris ma a lingmulus torom dat.

A Wakak na Wasiso un o Iesu Karisito o Jon i tumusi 1:45

O Pilip i sio pas o Natanael, ra i inanosi lena, “Met sa sio pas a musano ra o Moses i tumtumus mugu taru uni una Buk na Warkurai, ma a kum poropet kai det sa tumtumus mugu taru uni. I ra, o Iesu a te Nasaret, a nutun o Josep.”

A Wakak na Wasiso un o Iesu Karisito o Jon i tumusi 5:39

Mot ser luki ut a Buk Tabu, uni mot nuki lena mot in los a nilaun tukum uni. Ikut a Buk Tabu kai i wasiso ut un iau!

A Wakak na Wasiso un o Iesu Karisito o Jon i tumusi 5:46

Ra gunuk mot nurnur un o Moses, mot in nurnur utkai un iau, uni anun a kum tumtumus i wasiso ut un iau.

Aposel 10:43

Ma a kum poropet rop det wasiso puaso un o Iesu, lena osi ra i nurnur uni, din unus ru anun a kum sakino petutna nama risano.”

Aposel 13:29

Ra det sa pam sot rop tar a kum wasiso ra di sa tumus tari uni, det palos pirso ru i gusun in nanai kutus, ma det inep tari una kulam na minat.

Aposel 24:14

“Ikut uniri an inanos talapor ui lena, a ser mur a Kisapi anun o Karisito, ra det watungi nama torotoro na lotu. Una kisapi ri, a lotu ut torom o God anun a kum tumtubu met tagun numugu, ma a nurnur una kum utna rop ra di sa tumus tari una Warkurai anun o Moses ma una kum buk anun a kum poropet.

Aposel 26:17

Ma an ulaun ui gusun a kabotaro anum, ma gusun a taro kai ra awu sur a taro Juda, ra an tulu ui torom det.

Aposel 26:6

Ra uniri a tur una warkurai, uni a kis langlang nama nurnur sur a liliman ra o God i pam tari torom a kum tumtubu met tagun numugu.

Aposel 28:23

Det nam o Pol det kubus pas ara bung sur det in wasiso. A susut na taro det wanpat toromi, una rumu ra i kis uni. I turpas a wasiso una kobot ma i tuk una lirop. I papalos torom det una matanitu anun o God. Ma i papalos utkai una Warkurai anun o Moses ma a kum tumtumus anun a kum poropet, sur in ukatutur a nuknukin det sur det in nurnur un o Iesu.

A Pas anun o Pol torom a taro Rom 3:21

Ikut uniri, o God i sa pam tar a kisapi sur a taro det in tokodos umatano, ma awu sur uni det mur a kum Warkurai. A kisapi ri, a Buk na Warkurai ma a wasiso anun a kum poropet det sa wasiso puaso taru uni.

1 Korin 15:3

Uni a wasiso ra i labo doko, ra a sa los pasi, a sa pitar tari tamot. A wasiso ra i lenri: O Karisito i mat una nundat a kum sakino petutna, elar nami ra di sa tumus tari una Buk Tabu.

1 Korin 15:4

Di uruk tari una kulam na minat, ma tulu bung bat tari o God i ukatutur melet pasi gusun a minat, elar nami ra di sa tumus tari una Buk Tabu.

2 Timoti 3:11

anung a kum mamaut, ma a kum ngunungut ra a taramo i. U tasman rop a kum lamlabino ngunungut ra a taramo i tong una tulu tamon ri: o Antiok, Aikoniam ma o Listra. Ikut a Labino ut i ulaun pas iau gusun a kum utna ri.

Tamtama 11:18

A kum gapman gisen det kankan, ma anum a kankan kai i sa wanpat. A du bung i sa wanpat sur un warkurai det ra det sa mat, ma sur un pitar a ikul torom anum a kum tultul a kum poropet, ma anum a taro, det ra det urur una risam, a kum lamlabino ma det ra ka di ulabo pas det, ma un kamar ru det ra det ban laulau a rakrakon bual.”

Tamtama 15:3

Det kele a kelekele anun o Moses, a tultul anun o God, ma a kelekele anun a Barman na Sipsip lena, “Labino o God u dekdek sakit, anum a kum pinapam det labo ma di kisin doko un det. Ui a King anun a taro tagun a kum gapman rop, anum a kum petutna det tokodos ma det lingmulus.

Tamtama 20:12

A tama a kum minat rop, a kum lamlabino ma det ra ka di ulabo pas det, ra det tur numugu tan a kiskis na king, ra di papok a kum buk. Di papok melet ara buk, i a buk na nilaun. Ma di warkurai a kum minat, elar nama nundet a kum pinapam, ra di sa tumus ukai tari una kum buk.