Aposel 26:20 - Nupela Testamen long tokples Kandas

²⁰ A warawai mugu torom a taro tong o Damaskus, ma numur sapat o Jerusalem ma una kum tamon una papor Judia rop, ra numur torom det kai ra awu sur a taro Juda. A warawai lena, det in nukpukus, ma det in tupukus torom o God, ma det in pam a kum pinapam, sur in ese i lena det sa nukpukus.

Aposel 26:20 Iomraidhean Croise

Matiu 3:2

ra i watungi lena, “Mot in nukpukus, uni a matanitu tagisapat una langit i sa milau.”

Matiu 3:8

Mot in pam a kum utna ra in upuaso i lena, mot sa nukpukus.

Matiu 4:17

Turpasi una kilalo ra, o Iesu i warawai lena, “Mot in nukpukus, uni a matanitu tagisapat una langit i sa milau.”

Matiu 9:13

Mot in nan, ma mot in sisio sur a kukurai ina wasiso ri tagun a Buk Tabu, ‘A nem a marmaris, ma ka nem a etabor ra di ser tuni.’ Os 6:6 Uni ka wanpat sur an kabo pas a kum tene tokodos, awu. A wanpat sur an kabo pas a kum tene sakino.”

A Wakak na Wasiso un o Iesu Karisito o Mak i tumusi 6:12

Ra det wan ma det warawai torom a taro, sur det in nukpukus.

Luk 1:16

Ma in ben pukus tar a susut na taro Israel torom a Labino anundet a God.

Luk 13:3

Awu! Ikut an inanos mot, ra ka mot in nukpukus gusun anumot a kum sakino petutna, mot kai mot in iru rop.

Luk 13:5

Awu! Ikut an inanos mot, ra ka mot in nukpukus gusun anumot a kum sakino petutna, mot kai mot in iru rop.”

Luk 15:10

A watungi tamot, i lenkutkai ra a gasgas epotor nisan a kum ensel anun o God un ara tene sakino ra i nukpukus.”

Luk 15:7

A watungi tamot, i lenkutkai ra sapat una langit, a gasgas una tene sakino ra i nukpukus in labo taun a gasgas una lisu na noino ma lisu ra det sa tokodos, ma ka det in nukpukus melet.

Aposel 11:18

Det longoro a wasiso ri, ra ka det wasiso melet mo, ma det watung ulabo pas o God lena, “O God i sa pam tar a kisapi sur det kai ra awu sur a taro Juda, det in nukpukus ma det in laun.”

Aposel 15:19

“I mo ra a nuknuking i lenri, gong dat pitar a mamaut torom a taro ra awu sur a taro Juda, ra det tupukus torom o God.

Aposel 17:30

Una kum kilalo numugu, o God ke nuknuk una kum petutna anun a taro ra ka det nuk pasi. Ikut uniri, i pitar a warkurai sur a taro rop una rakrakon bual det in nukpukus.

Aposel 2:38

O Pita i balu det lena, “Mot rop taktakai mot in nukpukus, ma din baptaiso mot nama risan o Iesu Karisito, sur din unus ru anumot a kum sakino petutna, ra din tabor mot nama Tokodos na Nion.

Aposel 20:21

A warawai torom a taro rop, a taro Juda ma det ra awu sur a taro Juda kai, sur det in nukpukus torom o God ma det in nurnur una nundat a Labino o Iesu.

Aposel 26:17

Ma an ulaun ui gusun a kabotaro anum, ma gusun a taro kai ra awu sur a taro Juda, ra an tulu ui torom det.

Aposel 26:19

“King Agripa, ka rosumur gusun a tamtama ra tagisapat una langit.

Aposel 3:19

Mot in nukpukus, ma mot in nan torom o God, sur in unus ru anumot a kum sakino petutna,

Aposel 9:15

Ikut a Labino i watungi tano lena, “Un nan kut, uni a sa pilok pasi, sur i anung a tene pinapam. In wasiso puaso una risang torom a taro ra awu sur a taro Israel, torom a kum king, ma torom a taro Israel kai.

Aposel 9:35

Numur, det rop ra det kis una ru tamon, o Lida ma o Saron, det tama a musano ra, ma det nukpukus torom a Labino.

A Pas anun o Pol torom a taro Rom 2:4

I sa ese anun a wakak na petutna ra i bukus torom mot, ma ke warkurai lakit mot una numot a kum sakino petutna, ma a pinino ke ngoro lakit nam mot. Pepetlai, mot nuk penpen kut una nun a kum wakak na petutna ra? Pepetlai, ka mot tasmani lena, i maris mot lenri sur mot in nukpukus?

2 Korin 3:16

Ikut ra taio i milet torom a Labino, o Karisito in rakon ru a du malu ra gusuni.

2 Korin 7:10

A tupunuk ra o God i nemi, i utupunuk a taro sur det in nukpukus. Ra det in nukpukus, o God in ulaun det. Dat in gas una ngas na tupunuk ra. Ikut a tupunuk tagun a rakrakon bual, i pam pati kut a minat.

Epeses 4:17

Una risan a Labino, a inanos mot ma a utumarong mot lena, gong melet mo mot laun elar nama kum taro ra ka det nurnur. A nuknukin det ke topas tu utna.

1 Tesalonaika 1:9

Uni det ut det wasiso talapor una numot a wakak na petutna ra mot gas pas metul. Ma det wasiso talapor kai un mot lena, mot sa tupukus torom o God, ma ka mot lotu mo torom a kum torotoro na god. Mot papam mo torom o God, i ra a lingmulusino ma i laun.

Tamtama 16:11

ma det watung laulau o God ra i kis sapat una langit, i kibino una labino ngunungut ma a kum laulau na inangon ra i kis un det, ikut ka det nukpukus gusun anundet a kum sakino petutna.

Tamtama 2:21

A sa pitar tar a du bung tano sur in nukpukus uni gusun anun a kum pamuk na petutna, ikut ke nemi.

Tamtama 2:5

Mot in nuk pas anumot a wakak na kinkinis sakit ra mot sa puku taru gusuni! Mot in nukpukus, ma mot in pam melet a kum pinapam ra numugu mot ser pami. Ra ka mot in nukpukus, an nanpat torom mot, ma an rakon ru anumot a turtur na lam gusun a kinano.

Tamtama 3:3

I mo ra, mot in nuk pas a etowo ra di sa pitar tari tamot ma mot sa longoro tari, mot in muri ma mot in nukpukus. Ikut, ra ka mot in tuangun, an nanpat torom mot elar nama tene wolong ma ka mot in tasman a du bung ra an nanpat uni.