Aposel 26:16 - Nupela Testamen long tokples Kandas

¹⁶ Un katutur ma un tur. A wanpat torom ui, uni a sa pilok pas ui, sur un pam anung a pinapam ma un wasiso talapor una kum utna ra u sa tama tari un iau, ma una kum utna kai ra an ese i tam.

Aposel 26:16 Iomraidhean Croise

Luk 1:2

A taro ra det sa tama tar a kum utna ri numugu, ma det ser ususer a taro una Wakak na Wasiso, det ut det inanos met una kum utna ri.

Aposel 1:17

I ara tagun met, ma i kai i los a tinibo tomo nam met una pinapam ri.”

Aposel 1:25

sur in los a pinapam na aposel, ra o Judas i sa mat pas gusuni ma i sa wan sur a tamon ra i sot nam anun a sakino petutna.”

Aposel 20:24

Ikut ka nuk labo pas anung a nilaun, ma ka maris bati. Awu! A pitar tar iau kut sur an pam sot rop tar anung a inawan ma a pinapam, ra a Labino o Iesu i pitar tari torom iau, sur an wasiso puaso una Wakak na Wasiso una marmaris anun o God.

Aposel 21:19

O Pol i wasiso na ugasgas pas torom det, ra i inanos wakak det mo nama sau rop ra o God i sa pam tari una pinapam anun o Pol torom det ra awu sur a taro Juda.

Aposel 22:10

Ma a tingi lena, ‘Labino, asau ra an pami?’ Ra a Labino i balu iau lena, ‘Un katutur ma un nan utiro una tamon Damaskus, ra din inanos ui nama sau ra un pami.’

Aposel 23:11

Una mirum utra, a Labino i wanpat torom o Pol, ra i watungi tano lena, “Gong u ngara, un tur dekdek. U sa wasiso talapor taru un iau nin o Jerusalem, lenkutkai ra un wasiso talapor un iau tong o Rom.”

Aposel 26:15

Ra a tingi lena, ‘Labino, osi ui?’ Ma i balu iau lena, ‘Iau o Iesu, ra u ser ban laulau iau.

Aposel 6:4

Ma met, met in balon ut nama niaring ma a pinapam na warawai nama wasiso anun o God.”

A Pas anun o Pol torom a taro Rom 1:5

Un o Karisito ut, o God i maris met ma i pitar a pinapam na aposel torom met, sur met in ulabo pas a risan o Karisito, ma met in warawai torom a taro rop ra awu sur a taro Juda, sur det in nurnur ma det in mur anun a wasiso.

A Pas anun o Pol torom a taro Rom 15:16

sur an tene pinapam anun o Karisito Iesu torom a taro ra awu sur a taro Juda. A elar nama tene etabor torom o God. A warawai nama Wakak na Wasiso anun o God, sur a taro ra awu sur a taro Juda, det anung a etabor torom o God ra in gas nami. Ma a Tokodos na Nion i sa rus talapor tar det.

2 Korin 4:1

O God i maris met ra i pitar tar a pinapam ri tamet. Iri a kibino ra ka met tusako.

2 Korin 5:18

I wanpat ut tan o God, i ra i dat tomo tar dat nami, una minatin o Karisito. Ra i sa pitar tar a pinapam tamet, sur met in dat pasi kai a taro torom o God.

Galesia 1:12

Ka losi tan a taro, ma katu musano kai i ususer iau nami. O Iesu Karisito ut i upuaso tari tang.

Galesia 2:2

A wan uni o God ut i inanos iau sur an nan. A etorom det ra di watung det nama kum mugumugu anun a kum tene nurnur. Ra met kut met kis, a inanos det nama Wakak na Wasiso ra a ser warawai nami torom a taro ra awu sur a taro Juda. A nemi sur det in mulaot uni, sur gong i utna oros kut anung a pinapam na warawai tagitiro ut tuk uniri.

Epeses 3:3

Ma o God i utalapor iau una utna ra numugu i kis eno. Ma una pas ri a sa tumtumus lilik pas uni.

Kolosi 1:23

Ra mot in dekdek nama nurnur, ma mot in tur dekdek uni, o God in pam a utna ri. Ma gong mot wan gisen gusun a kinkinis langlang nama nurnur sur a kum utna ra o God in pami, ra mot sa longoro tari una Wakak na Wasiso. A Wakak na Wasiso ra, di sa inanos taru nami torom a taro rop una rakrakon bual. Iau, o Pol, a wanpat a tultul tagun a Wakak na Wasiso.

Kolosi 1:25

O God i ubek tar iau, sur iau a tultul anun a taro na lotu. I pitar tar a pinapam ri tang, sur an warawai nam anun a kum wasiso rop torom mot.

Kolosi 1:7

O Epapras i sa ususer tar mot uni. I a wakak na tultul, ra i papam tomo nam met, ra met nem doko i, ma i a lingmulus na tene pinapam anun o Karisito, ra i tur ukinalong met.

1 Tesalonaika 3:2

Ra mir sa tulu ru o Timoti a tisindat, ma a tene pinapam anun o God tomo nam mir, ra metul ser wasiso talapor nama Wakak na Wasiso un o Karisito. Mir sa tulu ru i torom mot, sur in udekdek mot, ma in uragot mot una numot a nurnur,

1 Timoti 1:12

A watung wakak torom o Karisito Iesu anundat a Labino, ra i pitar tar a dekdek tang. A watung wakak toromi uni i nurnur un iau, ma i ubek tar iau sur an papam toromi.

1 Timoti 4:6

Ra un ususer a kum tistisim nama kum etowo ri, ui a wakak na tultul anun o Karisito Iesu. Una pinapam ri in talapor lena u labo pat una nurnur mulus, ma a wakak na etowo ra u muri.

2 Timoti 4:5

Un nuknuk wakak una kum bung rop. Ra un taramo a kum mamaut, un tur dekdek ut. Un dekdek nama warawai una Wakak na Wasiso, ma un pam sot pas anum a kum pinapam rop, ra o God i sa pitar tari tam.