Aposel 26:13 - Nupela Testamen long tokples Kandas

¹³ King, una labino suan, ra a wan una kisapi, a tama pas a tarai na talapor tagisapat una langit. I sisio doko tan a talapor ina in nusuan, ma i sisio talilis pas iau tomo nam det ra met wan tomo.

Aposel 26:13 Iomraidhean Croise

Matiu 17:2

Tiro iai, detul tama a pinin o Iesu i wanpat senene. In masarino i sisio elar namin matanas, ma anun a kum malu kai i kabang doko elar nama talapor.

Aposel 22:6

“Ra a wan milau nanan o Damaskus, una labino suan, a labino talapor tagisapat una langit i wanpat kisin ma i sisio talilis pas iau.

Aposel 22:9

Ra a taro ra met wan tomo, det tama a talapor, ikut ka det longoro in nalngan ara ra i wasiso torom iau.

Aposel 26:12

“Una nung ara inawan melet una nung a pinapam ra, a wan utong o Damaskus, nama warkurai anun a kum lamlabino tene etabor torom o God nama nimulaot anundeti.

Aposel 26:14

Ra met rop met sa puku pirso una piso, a longoro in nalngan ara i wasiso torom iau nama wasiso Ibru lena, ‘Sol, Sol, sur asau ra u ser ban laulau iau? Ui ut u um pas ui nama kum ukadik ra u pami un iau.’

Aposel 9:3

Ra i wan milau o Damaskus, a labino talapor tagisapat una langit i wanpat kisin, ma i sisio talilis pasi.

Tamtama 1:16

I pam pas a wonom mawit nin nangnang una sot na lamano, ma in totok na inaim ra aru paporino rop der wangon doko, kura uwano i gom pasi. Ma in masarino i pilpil elar namin matanas ra i talapor doko.

Tamtama 21:23

A tamon ra ke sibo sur in matanas ma a kalang sur der in utalapori, uni a minamarin o God ut i utalapori, ma a Barman na Sipsip i ut ra a lam taguni.