Aposel 26:11 - Nupela Testamen long tokples Kandas

¹¹ A susut na dino a ruk una kum rumu na lotu sur an ukadik det, ma a ser ungongos det sur det in wasiso laulau un o Iesu. A ser kankan dekdek torom det, ra a ser wan una ramano kum tamon gisen, sur an sio pas det ma an ukadik det.

Aposel 26:11 Iomraidhean Croise

Matiu 10:17

Mot in tumarong mot, uni a taro det in pitar mot ulaman a kum tene warkurai, ma det in miras mot una nundet a kum rumu na lotu.

A Wakak na Wasiso un o Iesu Karisito o Mak i tumusi 13:9

“Mot in tumarong mot. A taro det in pitar mot ulaman a kum tene warkurai, ma det in miras mot una kum rumu na lotu. Mot in tur una kum warkurai numugu umatan a kum lamlabino mugumugu ma a kum king, uni mot anungi. Mot in wasiso talapor un iau torom det.

A Wakak na Wasiso un o Iesu Karisito o Mak i tumusi 3:28

A inanos mot nama lingmulus, din unus ru a kum sakino petutna rop anun a taro, ma anundet a kum sakino wasiso kai un o God.

Luk 15:17

“Ra a wakak na nuknuk i wanpat melet toromi, i watungi lena, ‘A kum tultul rop anun o tita det wangangon ma det masmasur pas kut gusun a kum utna. Ikut iau, kuri a mat nama munurak!

Luk 21:12

“Numugu ra a kum utna ri ka det wanpat utmakai, din dat pas mot, din ukadik mot, ma din dat mot una kum rumu na lotu sur a warkurai, ma din uruk mot una kum karabus. Ma din dat pas mot sur a warkurai sa numugu umatan a kum king, ma a kum lamlabino mugumugu, uni mot anungi.

Luk 6:11

Ikut in balandet i sungun, ma det wasiso tomo sur tu ngas na utna det in pami un o Iesu.

Aposel 13:45

Ra a kum te Juda det tama a kunur na taro, a nuknukin det i laulau torom o Pol ma o Banabas, ma det mang sakosako a kum wasiso ra o Pol i wasiso nami.

Aposel 18:6

Ikut a taro Juda det wasiso batbat o Pol ma det watung a kum sakino wasiso uni. Ra o Pol i tutupu anun in namalu, a ukinalong lena, in rosumur gusun det. Ma i watungi tandet lena, “Ra mot in iru una warkurai anun o God, i kibino un mot ut, ma iau, a langolango. Turpasi uniri, an nan mukut torom det ra awu sur a taro Juda.”

Aposel 22:19

Ma a watungi tano lena, ‘Labino, det tasmani lena a ser ruk una kum rumu na lotu rop ma a ser dat pas det ra det nurnur un ui ra a ser uruk tar det una karabus, ma a ser miras det.

Aposel 22:5

A mugumugu na tene etabor torom o God ma a taro na kiwung rop det talapor una kum utna ri, ma det pet lar pasi sur det in wasiso uni. A los pas a kum pas gusun det ra det tumusi torom a kum tistisin det a kum te Juda tong o Damaskus. Ra a wan utong sur an ker pas a taro ra det mur a Kisapi anun a Labino, ma an ben det usapat o Jerusalem sur din ukadik det.

Aposel 9:1

Una kum bung ra, o Sol i ungara a taro na ususer anun a Labino nama dekdek na wasiso lena, in um doko det. I wan torom a mugumugu na tene etabor torom o God,

Jems 2:7

O God i pitar tar a wakak na rising anun o Karisito torom mot. Ma osi ra i ser watung laulau a rising ri? A kum tene gongon kut.

2 Pita 2:16

A kum dongki ka det ser wasiso. Ikut a dongki anun o Balam a poropet, i wasiso toromi una nun a niraro namin nalngan a musano, ma i turbat anun a longlong na pinapam.