Aposel 24:17 - Nupela Testamen long tokples Kandas

¹⁷ “A kabano kilalo, a kis gisen gusun o Jerusalem, ra numur a milet melet usapat sur an los tar a mani na etabor torom anung a taro ra det sibo, ma sur an pitari kai a kum wewegua sur din tun det elar nama etabor torom o God.

Aposel 24:17 Iomraidhean Croise

Aposel 20:16

O Pol i sa pam tari una nuknukino sur in nan sakiti kut o Epeses, sur gong melet mo i balon tong una papor Asia, uni i nemi sur in nan lakit usapat o Jerusalem sur in kis sapat, una bung na Pentikos.

Aposel 20:31

Mot in tumarong! Mot in nuk pasi lena, a tulu kilalo ka mana gusun mot rop nama wasiso na utumarong, una kum mirum ma a waspi, ma a lurlur na matang i puku uni.

Aposel 21:26

Una bung numur, o Pol i wan tomo nama wat na musano, ra i utalapori tomo nam det. Numur i ruk una rumu na etabor, ra i watung puaso tar a bung ra a pinapam na utalapor in rop, ma din tun a etabor anundet taktakai uni.

Aposel 24:26

Ra i ititula liklik suri, ra der ser wasiso tomo, uni i nemi utkai lena o Pol in ukodosi nam tu mani, sur in palos ru i.

A Pas anun o Pol torom a taro Rom 15:31

Mot in saring o God sur in ulaun iau gusun a taro ra ka det nurnur, ra kurong det una papor Judia. Ma mot in wararing kai sur a taro anun o God sapat o Jerusalem det in gas pas anung a pinapam na etabor torom det.

2 Korin 8:6

I mo ra met saring o Taitus sur in warut mot sur mot in pam sot pas a pinapam na etabor ri, uni i ut i warut mot ra mot turpas a pinapam na etabor ri.

2 Korin 8:9

Uni mot tasman a marmaris anun anundat a Labino o Iesu Karisito. I ut i tadaru sakit nama susut na utna, ikut i wan gusun anun a wakak na kinkinis sapat netes una langit, uni i maris mot, ma i kis na sibo nin una rakrakon bual, sur mot, mot in tadaru nama wakak na nilaun.

2 Korin 9:12

A pinapam na warut ri mot pami, ke waruti kut a taro anun o God nama utna ra det sibo suri, i pam pati utkai a watung wakak torom o God tan a susut na taro.

Galesia 2:10

Ma detul saring mir sur mir in pam ara utna kut lenri, mir in nuk pas a kum sibo na taro, a pinapam ra iau utkai a nemi sur an pami.