Aposel 24:10 - Nupela Testamen long tokples Kandas

¹⁰ O Peliks, a labino mugumugu tagun a gapman, i pikmato o Pol sur in wasiso, ra o Pol i watungi lena, “A gas sur an wasiso batbat iau, uni a tasmani lena u sa tene warkurai a susut na kilalo torom met a taro Juda.

Aposel 24:10 Iomraidhean Croise

Luk 12:11

Ra din dat pas mot sur a warkurai una kum rumu na lotu, ma umatan a kum tene warkurai ma a kum mugumugu, gong mot nuknuk bing sur asau ra mot in balu lako kum etakun nami, o asau ra mot in watungi.

Luk 12:14

Ra o Iesu i balu i lena, “Le, osi ra i ubek tar iau sur an tene warkurai ma sur an isuaro anumur a kum ululeng torom mur?”

Luk 18:2

I watungi lena, “Ara tene warkurai i kis una ara tamon, ke ngara sur o God, ma ke nuk pas a taro kai.

Aposel 12:17

Ra i turbat det nama lamano, sur det in kis wowowon. Numur i inanos det una pinapam anun a Labino ra i ben pirso petlan pasi gusun a karabus. Ma i watungi lena, “Mot in inanos o Jems ma det, ra dat tar tistisino una nurnur, una utna ri.” Ra i wan gusun det sur ara tamon gisen.

Aposel 13:16

O Pol i katutur, ra i turbat det nama lamano sur det in kis wowowon, ra i watungi lena, “Mot a taro Israel, ma mot a taro gisen kai ra mot lotu torom o God, mot in longoro iau.

Aposel 18:15

Ikut, ra mot takuni kut una kum wasiso, ma una kum rising, ma una anumot a kum warkurai ut, i wakak sur mot ut mot in warkurai i. Iau kan warkurai i una kum ngas na utna ri.”

Aposel 19:33

A taro Juda det sugut pat tar o Aleksanda usa numugu tan a kunur na taro. Ma det kukukuk nama wasiso sur in watung asau. Ra o Aleksanda i turbat det nama lamano, sur det in kis wowowon, sur in wasiso bati ut umatan a taro.

Aposel 21:40

Ra a labino mugumugu i mulaot tari, o Pol i tur una leta ina rumu, ra i turbat a taro nama lamano. Ra det sa tur wowon, i wasiso tandet nama wasiso Ibru lena,

Aposel 23:24

Mur in ben lako ru os, sur o Pol in nan nami. Mot in tamtamabat wakaki tuk mot in nanpat nami torom o Peliks, a labino mugumugu tagun a gapman.”

Aposel 26:1

O Agripa i watungi tan o Pol lena, “A mulaot ui sur un wasiso talapor una kum etakun un ui.” Ra o Pol i kodos a lamano ra i turpasi sur in wasiso bati ut lena,

1 Pita 3:15

Ikut mot in utur ukai o Karisito sur in nanpat a Labino una nilaun anumot. A kum bung rop, mot in kis na waninar sur mot in balu taio ra in ting mot lena, asau a kibino ra mot kis langlang nama nurnur. Ikut, ra mot balu i, mot in balu i nama wowowon na petutna ma a urur.