Aposel 24:1 - Nupela Testamen long tokples Kandas

¹ Ra i sa rop a limo na bung, o Ananias, a mugumugu na tene etabor torom o God ma a ramano kum mugumugu na lotu, ma o Tetulas, a tene mananos tagun a kum warkurai, det wanpat tong o Sisaria, ra det inanos o Peliks a labino mugumugu tagun a gapman una nundet a kum etakun un o Pol.

Aposel 24:1 Iomraidhean Croise

Aposel 12:21

Una bung ra o Erod i kubus tari tandet, i emar pas nama kum malu na king, ma i kis taru una kiskis na king, ra i wasiso torom a taro.

Aposel 21:27

Ra milau a wonom mawit na bung na utalapor in rop, a ramano taro Juda tagitong una papor Asia, det tama pas o Pol ubalan in noworo ina rumu na etabor. Ma det usungun balan a taro sur det in kankan torom o Pol ra det pam ukai pasi.

Aposel 23:2

Uniutra o Ananias a mugumugu na tene etabor torom o God, i tulu det ra det tur milau o Pol sur det in pasor a wano.

Aposel 23:24

Mur in ben lako ru os, sur o Pol in nan nami. Mot in tamtamabat wakaki tuk mot in nanpat nami torom o Peliks, a labino mugumugu tagun a gapman.”

Aposel 23:30

Ikut, ra di inanos iau lena det sa epak sur a musano ri, sur det in um doko i, a tulu lakit ru i torom ui. Ma a taro ra det takuni, a sa inanos tar det lena, det in nan torom ui nama nundet a etakun uni. I kut ra, ma i rop.

Aposel 23:33

Ra det wanpat tiro o Sisaria, det pitar tar a pas torom o Peliks, a labino mugumugu tagun a gapman, ra det pitar tar o Pol toromi.

Aposel 23:35

i watungi lena, “Una bung ra a taro ra det takun ui det in nanpat nin, an longoro i maragom anum a wasiso.” Ra i itula sur din tamtamabat o Pol una rumu anun o Erod.

Aposel 24:11

Ra un ting a taro, un tasmani lena, a noino ma ru bung bat iau kut, ra a wan usapat o Jerusalem, sur an lotu.

Aposel 24:2

Ra di sa kabo pas o Pol, o Tetulas i turpas a wasiso torom o Peliks lena, “Labino, met kis suano i una molmol utuntudu im. Una kum wakak na nuknukim, u ukodos a susut na utna sur anumet a kinkinis in wakak una nundat a papor.

Aposel 25:15

Ra a kis sapat o Jerusalem, a kum lamlabino tene etabor torom o God ma a kum mugumugu anun a taro Juda det inanos iau nama kum etakun uni, ra det saring iau sur an warkurai i sur din um doko i.

Aposel 25:2

A kum lamlabino tene etabor torom o God ma a kum mugumugu anun a taro Juda sapat o Jerusalem, det inanosi nama etakun un o Pol.

1 Korin 2:1

A kum tistising, ra a wanpat torom mot nama wasiso talapor un o God, ka wasiso nama ngas na wasiso ra a ulabo pas iau nami, ma ka wasiso nama ngas na wasiso ra a kum tene mananos det ser wasiso nami.

1 Korin 2:4

Ra a wasiso ma a warawai, ka wasiso nama wasiso na mananos anun a taro, ma ka wasiso nama ngas na wasiso ra in dat a nuknukin a taro, awu. A dekdekin a Tokodos na Nion i ulingmulus anung a wasiso,