Aposel 23:35 - Nupela Testamen long tokples Kandas

³⁵ i watungi lena, “Una bung ra a taro ra det takun ui det in nanpat nin, an longoro i maragom anum a wasiso.” Ra i itula sur din tamtamabat o Pol una rumu anun o Erod.

Aposel 23:35 Iomraidhean Croise

Matiu 2:1

Di usus o Iesu una tamon Betliem tiro una papor Judia, una kilalo ra o Erod i king. Numur a ramano kum tene mananos tagun a kum nangnang det wan tagitiro una nubual ra in matanas i pusu pat iai, ra det wanpat sapat o Jerusalem.

Matiu 2:16

Ra o Erod i tama i lena a kum tene mananos tagun a kum nangnang det sa toro tari, i kankan doko ra i itula sur din um doko rop ru a kum nat musano tong o Betliem ma una kum tamon kai ra det kis milau. I pitar a warkurai sur din um doko det ra aru kilalo anundet, ma det kai ra ke ru kilalo utmakai anundet, uni a kum tene mananos det sa inanos tari una kilalo anun a natlik.

Matiu 2:3

Ra o king Erod i longoro i, i talara a nuknukino ma a nuknukin a taro Jerusalem rop kai.

Matiu 27:27

A kum tene inaim anun a mugumugu tagun a gapman det dat pas o Iesu utiro urumu una labino rumu anun anundet a mugumugu. Ra det ben tomo pas a kum tene inaim rop toromi.

A Wakak na Wasiso un o Iesu Karisito o Jon i tumusi 18:28

Una kobot raut, di ben pas o Iesu gusun a rumu anun o Kaiapas sur a labino rumu anun o Pailat, ara mugumugu tagun a gapman Rom. A kum te Juda ka det nem na ruk una nun a rumu, uni det sa rus talapor pas det umatan o God, sur det in nangon una labino bung na lotu na Wanlakai. Uni osi ra in ruk una rumu anun taio, ra awu sur a te Juda, in dur umatan o God.

Aposel 23:30

Ikut, ra di inanos iau lena det sa epak sur a musano ri, sur det in um doko i, a tulu lakit ru i torom ui. Ma a taro ra det takuni, a sa inanos tar det lena, det in nan torom ui nama nundet a etakun uni. I kut ra, ma i rop.

Aposel 24:1

Ra i sa rop a limo na bung, o Ananias, a mugumugu na tene etabor torom o God ma a ramano kum mugumugu na lotu, ma o Tetulas, a tene mananos tagun a kum warkurai, det wanpat tong o Sisaria, ra det inanos o Peliks a labino mugumugu tagun a gapman una nundet a kum etakun un o Pol.

Aposel 24:10

O Peliks, a labino mugumugu tagun a gapman, i pikmato o Pol sur in wasiso, ra o Pol i watungi lena, “A gas sur an wasiso batbat iau, uni a tasmani lena u sa tene warkurai a susut na kilalo torom met a taro Juda.

Aposel 24:19

Ikut a ramano taro Juda tagitong una papor Asia, det kis una rumu na etabor una bung ra di pam ukai pas iau. Ra tu utna din takun iau nami, in wakak sur det ut det in nan urin ma det in takun iau umatam.

Aposel 24:22

O Peliks i talapor wakak ut una lotu ri di watungi nama Kisapi anun o Karisito, ra i umana tar a warkurai munung, ma i watungi lena, “Ra o Lisias, a labino mugumugu anun a taro na inaim in nanpat, an ubeki maragom a warkurai una etakun ri.”

Aposel 24:23

Ra i inanos a mugumugu anun a kum tene inaim lena, “O Pol in kis na karabus una num a warkurai. Un tamtamabati nama marmaris, ma gong u turbat a kum paspasano sur det in waruti.”

Aposel 25:16

A inanos det lena, ‘Awu sur a ngasino anun a taro Rom, sur din pitar tar tu musano sur din warkurai i sur in mat, ra kabaut i tur tomo nam det ra det takuni, sur in wasiso bati ut gusun a kum etakun.’