Aposel 23:12 - Nupela Testamen long tokples Kandas

^12-13 Una bung palu una kobot, a ramano kum te Juda, elar nama wat na noino ma i puku, det wasiso tomo pas ra det liliman lena, ka det in nangon, ma ka det in inum, tuk ut ra det sa um doko tar o Pol.

Aposel 23:12 Iomraidhean Croise

Matiu 26:4

Det wasiso tomo pas sur det in pam ukai eno pas o Iesu, ma det in um doko i.

Matiu 26:74

Ma i liliman torom det lena, “Ra an toro o God in warkurai dekdek iau. Ka tasman a musano ra.” Ra uniutra a kereke i kurkurirakuk mut.

Matiu 27:25

A taro rop det balu i lena, “I wakak kut, a warkurai na minabalu una gapino in kis un met ma una kum nutnutumet kai.”

Aposel 23:14

Det wan torom a kum lamlabino tene etabor torom o God, ma a kum mugumugu na lotu, ra det watungi lena, “Met sa liliman taru sur ka met in nan tu utna tuk ut ra met sa um doko ru tar o Pol.

Aposel 23:21

Gong u longoro det, uni a wat na noino ma i puku na taro det sa parau taru suri. Uni det sa liliman taru lena, ka det in nangon ma ka det in inum, tuk ut ra det sa um doko ru tar o Pol. Ra uniri det kis langlang sur anum tu nimulaot.”

Aposel 23:30

Ikut, ra di inanos iau lena det sa epak sur a musano ri, sur det in um doko i, a tulu lakit ru i torom ui. Ma a taro ra det takuni, a sa inanos tar det lena, det in nan torom ui nama nundet a etakun uni. I kut ra, ma i rop.

Aposel 25:3

Ra det saring o Pestus sur in mulaot tandet, ma det watungi lena, “Un maris met, ma un tulu ru o Pol urin o Jerusalem.” Uni det sa epak pas sur det in um doko i kut epotor una nun a inawan.

Aposel 9:23

Ra i sa rop a susut na bung, a taro Juda det epak sur det in um doko o Sol.

Aposel 9:24

Ikut o Sol i sa tasmani lena det epak suri. Una kum mirum ma a waspi, det tamtama una kum matansako ina tamon sur o Sol, sur det in um doko i.

1 Korin 16:22

Osi ra ke nem a Labino, in iru tukum. Wan urin a Labino!

2 Korin 11:26

A sa wan una susut na inawan. A elar nama utna na iniru una inawan una kum danim, ma a ramano kum dino kai, milau an iru una laman a kum sakino taro. Milau an barato a iniru tan anung a taro ut, ma tan a kum usiro na taro kai. Milau an barato a iniru una kum tamon, ma una kum nubual kalako taro uni, ma sa utasi. Ma milau kai, an iru ulaman a kum torotoro na tistising una nurnur.

Galesia 3:13

A kum Warkurai i ubek tar dat una dekdek na kankan anun o God. Ikut o Karisito i kul langolango pas dat gusun a kankan ra. I ut i tur keles dat, ra i rakon pas a dekdek na kankan. I elar nami ra di sa tumus tari una Buk Tabu lena, “Osi ra di ukete i netes unin nanai, a dekdek na kankan anun o God i kis uni.” Lo 21:23

1 Tesalonaika 2:16

uni det lari sur det in turbat metul, sur gong metul warawai torom a taro ra awu sur a taro Juda sur gong o God i ulaun pas det. Ma una kisapi ra, det palataun anundet a kum sakino petutna tuk ra anundet a kum sakino petutna i bukus. I mo ra uniri a kankan anun o God i sa wanpat torom det.