Aposel 23:10 - Nupela Testamen long tokples Kandas

¹⁰ Ra i sa labo a wasiso na engaras, ma det sa turpas a inaim, a labino mugumugu anun a kum tene inaim i ngara, sako det in dat ngagos tar o Pol. Ra i tulu ru a taro na inaim, sur det in nan ma det in dat pasi gusun a taro, ma det in ben pasi utiro una rumu anun a taro na inaim.

Aposel 23:10 Iomraidhean Croise

Aposel 21:37

Ra milau mo det in ruk nam o Pol una rumu anun a taro na inaim, i ting a labino mugumugu lena, “I wakak kut sur an watung tu utna tam?” Ra a labino mugumugu i tingi lena, “Ai, u tasmani ut a wasiso Grik?

Aposel 22:24

Ma a labino mugumugu i pitar a warkurai lena, din ben o Pol utiro una rumu anun a kum tene inaim, din mirasi ma din tingi sur din tasman asau a kibino ra det kukukuk lenra uni.

Aposel 23:16

Ikut a laban o Pol i longoro a wasiso na epak ri, ra i wan utiro una rumu anun a kum tene inaim, ra i inanos o Pol uni.

Aposel 23:27

A musano ri, ra a tulu ru i torom ui, a kum taro Juda det pam ukai pasi, ma milau det in um doko i. Ikut met nama kum tene inaim, met wanpat, ma met ulaun pasi, uni a sa tasman tari lena i a te Rom.

Aposel 23:28

A nemi sur an tasman asau a kibino ra di takuni, ra a beni torom anundet a taro na kiwung.

Aposel 23:32

Ra una bung numur, a taro na inaim ra det kas una kum os, det wan saksakit nam o Pol, ma ara taro na inaim kai det milet melet usapat o Jerusalem.

2 Korin 11:26

A sa wan una susut na inawan. A elar nama utna na iniru una inawan una kum danim, ma a ramano kum dino kai, milau an iru una laman a kum sakino taro. Milau an barato a iniru tan anung a taro ut, ma tan a kum usiro na taro kai. Milau an barato a iniru una kum tamon, ma una kum nubual kalako taro uni, ma sa utasi. Ma milau kai, an iru ulaman a kum torotoro na tistising una nurnur.

Jems 1:19

A kum wakak na tistising, mot in tasman a utna ri: I wakak ra mot rop, mot in longoro lakit, ikut gong mot wasiso lakit, ma gong mot kankan lakit.

Jems 3:14

Ikut, ra mot nuknuk laulau sur tu utna anun taio, ma mot nuknuk sur tu kisapi sur mot in ulabo pas mot nami, gong mot watung ulabo pas mot uni, ma gong mot toro bat pas a lingmulusino.