Aposel 22:3 - Nupela Testamen long tokples Kandas

³ “Iau a te Juda, di usus iau tong o Tasus una papor Silisia. A barman taru ut nin o Jerusalem, ma iau a nat na ususer anun o Gamaliel, ma i ususer wakak iau una Warkurai anun a kum tumtubun dat tagun numugu, ma a papam dekdek torom o God lenutri mot pami.

Aposel 22:3 Iomraidhean Croise

Luk 10:39

Ma ara tisino kai, a ino, a risano o Maria, i kis nisan aru kikin a Labino, ma i longoro anun a wasiso.

Luk 2:46

Ra der sa sisio pas a tulu bung, der tama torom pasi ubalan in noworo ina rumu na etabor. I kis tomo nama kum tene ususer tagun a Warkurai, i longoro det, ma i ting det.

Luk 8:35

Ra a taro det wan sur det in tama asau ra i wanpat. Det wanpat torom o Iesu, det tama a musano ra a kabo liur na laulau na nion det pirso pas gusuni. Kura mukut i kis taru nisan aru kikin o Iesu, i sa pipis pas ma a nuknukino i sa talapor melet. Ma a taro ra det ngara doko.

Aposel 11:25

Numur o Banabas i wan bulung utong o Tasus, sur in sisio sur o Sol.

Aposel 15:23

Ra det tumus tar a pas sur det in losi. A pas ra i watungi lenri: Met a kum aposel ma a kum mugumugu, met a kum tistisi mot, met tumtumus torom mot a kum tene nurnur tagun a taro ra awu sur a taro Juda ra mot kis tong o Antiok, ma una ru papor Siria ma o Silisia: A marmaris torom mot.

Aposel 15:41

Ra der wan tuptupukus epotor una papor Siria ma una papor Silisia, ma der udekdek a taro na lotu una kum tamon.

Aposel 21:20

Ra det longoro i, det watung ulabo pas o God. Ra numur det watungi tan o Pol lena, “Tisimet, u tasmani lena a susut na arip tandat a taro Juda, det sa nurnur, ra det rop det dekdek sur det in mur a Warkurai anun o Moses.

Aposel 21:39

Ma o Pol i balu i lena, “Iau a te Juda tagitong o Tasus, una papor Silisia, awu sur iau tagitiro un tu tamon oros kut. A saring ui, sur un mulaot iau sur an wasiso torom a taro ri.”

Aposel 23:34

O Peliks i luk tar a pas, ra i ting o Pol lena, “Ui tagun osi na papor?” Ra i sa tasmani lena o Pol a te Silisia,

Aposel 23:6

O Pol i tasmani lena, a ramano taro tagun det, a kum Sadusi, ma ara taro kai a kum Parisi, ra i kakabo una kiwung lena, “A kum tistising, iau a Parisi, ma a nutun a Parisi. Uniri di takun iau uni a kis langlang nama nurnur una katkatutur melet anun a kum minat.”

Aposel 26:5

Det tasman iau tagun numugu, ma ra det nemi, det ut det in wasiso talapor un iau lena a muri ut a ngasino anun a kum Parisi. Met ara kabotaro tagun a taro Juda ra met mur sot rop pas a kum Warkurai tagun anumet a lotu.

Aposel 26:9

“Iau kai numugu, a nuki ut lena i wakak sur an lar rop a kum kisapi sur an turbat a risan o Iesu, a te Nasaret.

Aposel 5:34

Ikut ara Parisi, a risano o Gamaliel, a tene ususer tagun a Warkurai, ra a taro rop det ser ru i, i tur una kiwung, ra i watungi lena a kum aposel det in pirso pas munung.

Aposel 6:9

Ikut ara taro Juda det engaras nam o Stiwen. A taro ri tagun a rumu na lotu ra di watungi lena, Anun a Langolango na Taro. Det tagun aru tamon, o Sairini ma o Aleksanderia ma tagitong una ru papor, o Silisia ma o Asia.

Aposel 9:1

Una kum bung ra, o Sol i ungara a taro na ususer anun a Labino nama dekdek na wasiso lena, in um doko det. I wan torom a mugumugu na tene etabor torom o God,

Aposel 9:11

Ra a Labino i watungi tano lena, “Un katutur, ma un nan sur a rumu anun o Judas, una kisapi di watungi nama Tokodos na Kisapi, ma un iting sur o Sol, a te Tasus, kurong i wararing.

Aposel 9:30

Det ra det tar tistisino una nurnur, det longoro i. Ra det beni utong o Sisaria, ra numur det tulu ru i utong o Tasus.

A Pas anun o Pol torom a taro Rom 11:1

I mo ra a iting lena, pepetlai, o God i rosumur gusun anun a taro? Awu, i nuk pas det ut. Iau kai, a te Israel ut, o tubun o Abaram ma tagun a kabotaro Benjamin.

2 Korin 11:22

Det warango pas det lena, det a kum te Ibru, niko? Iau kai a te Ibru. Det a kum te Israel, niko? Iau kai a te Israel. Det a kum nutnutun o Abaram, niko? Iau kai a nutun o Abaram.

Galesia 1:14

A tur dekdek una lotu Juda, ma anung a mananos una lotu i labo taun det rop ra anumet a kilalo i elar. A dekdek doko sur an mur wakak a kum petutna anun a taro Juda tagun numugu.

Galesia 1:21

Numur a wan utong una papor Siria, ma una papor Silisia.