Aposel 22:24 - Nupela Testamen long tokples Kandas

²⁴ Ma a labino mugumugu i pitar a warkurai lena, din ben o Pol utiro una rumu anun a kum tene inaim, din mirasi ma din tingi sur din tasman asau a kibino ra det kukukuk lenra uni.

Aposel 22:24 Iomraidhean Croise

A Wakak na Wasiso un o Iesu Karisito o Jon i tumusi 19:1

Ra o Pailat i itula sur din ben gisen pas o Iesu ma din mirasi namin narus na inaim.

Aposel 16:37

Ikut o Pol i watungi torom a ru polis lena, “Det miras mir umatan a taro, ma det uruk tar mir una karabus, ikut katutaio utmakai i warkurai tar mir. Mir aru te Rom ut mir. Ra uniri det nem na palos eno ru mir. Ikut awu! I wakak sur det ut det in nan urin ma det in palos ru mir.”

Aposel 21:34

A ramano taro tagun a kunur na taro det watung ara wasiso, ma ara taro kai det watung ara wasiso gisen. Ra a labino mugumugu i itula sur din ben pas o Pol utiro una rumu anun a taro na inaim, uni, ke talapor lar pas una kibin a labino purpuruon ra.

Aposel 21:37

Ra milau mo det in ruk nam o Pol una rumu anun a taro na inaim, i ting a labino mugumugu lena, “I wakak kut sur an watung tu utna tam?” Ra a labino mugumugu i tingi lena, “Ai, u tasmani ut a wasiso Grik?

Aposel 23:10

Ra i sa labo a wasiso na engaras, ma det sa turpas a inaim, a labino mugumugu anun a kum tene inaim i ngara, sako det in dat ngagos tar o Pol. Ra i tulu ru a taro na inaim, sur det in nan ma det in dat pasi gusun a taro, ma det in ben pasi utiro una rumu anun a taro na inaim.

Aposel 23:27

A musano ri, ra a tulu ru i torom ui, a kum taro Juda det pam ukai pasi, ma milau det in um doko i. Ikut met nama kum tene inaim, met wanpat, ma met ulaun pasi, uni a sa tasman tari lena i a te Rom.

Aposel 28:18

Ra a taro Rom det sa longoro tar anung a wasiso ra a wasiso bat iau nami, det nemi sur det in palos ru iau, uni ka det sio pas tu utna ra din um doko iau uni.

Ibru 11:35

Una nundet a nurnur, a kum wardain det gas pas a kum kukundet ra det sa laun melet gusun a minat. A ramano taro kai di ukadik laulau det, tuk ra det mat, uni ka det nemi sur det in ipul ru o God sur din palos ru det. Det pami lenra sur det in los a nilaun melet gusun a minat ra i wakak sakit taun a nilaun nin upiso.