Aposel 21:40 - Nupela Testamen long tokples Kandas

⁴⁰ Ra a labino mugumugu i mulaot tari, o Pol i tur una leta ina rumu, ra i turbat a taro nama lamano. Ra det sa tur wowon, i wasiso tandet nama wasiso Ibru lena,

Aposel 21:40 Iomraidhean Croise

Luk 23:38

Di tumus tari kai a tumtumus sapat netes unin nanai kutus lena, “iri a king anun a taro juda.”

A Wakak na Wasiso un o Iesu Karisito o Jon i tumusi 19:13

O Pailat i longoro a kum wasiso ri, ra i ben pirso pas o Iesu unago upiso. Numur o Pailat i kis taru una kiskis na warkurai, kura una dino ra di watungi o Gabata una wasiso Ibru. A kukuraino i lena, di ubek bat a piso nama kum watat.

A Wakak na Wasiso un o Iesu Karisito o Jon i tumusi 19:17

O Iesu i pirso gusun a tamon Jerusalem, i los pas anun in nanai kutus ra i wan sur a nubual ra di watungi nama “Nubual na Lor na Minat,” ma una wasiso Ibru di watungi lena o Golgota.

A Wakak na Wasiso un o Iesu Karisito o Jon i tumusi 19:20

A susut na taro Juda det luk a tumtumus ri, uni a nubual ra di sak wat o Iesu unin nanai kutus iai, i milau kut o Jerusalem, ma di tumus a tumtumus ri una tulu ngas na wasiso, a wasiso Ibru, Latin ma Grik.

A Wakak na Wasiso un o Iesu Karisito o Jon i tumusi 5:2

Ara kabopolo, di watungi nam o Besata una wasiso Ibru, i kis sapat o Jerusalem, milau una labino matansako ra di watungi nama “Matansako na sipsip”. Ma a limo na parada det tur talilis pas a kabopolo ra.

Aposel 1:19

Det rop ra det kis tiro o Jerusalem, det longoro i, ma det watung a piso ra nam anundet a wasiso, Akeldama, a kukuraino, a piso na gap.

Aposel 12:17

Ra i turbat det nama lamano, sur det in kis wowowon. Numur i inanos det una pinapam anun a Labino ra i ben pirso petlan pasi gusun a karabus. Ma i watungi lena, “Mot in inanos o Jems ma det, ra dat tar tistisino una nurnur, una utna ri.” Ra i wan gusun det sur ara tamon gisen.

Aposel 13:16

O Pol i katutur, ra i turbat det nama lamano sur det in kis wowowon, ra i watungi lena, “Mot a taro Israel, ma mot a taro gisen kai ra mot lotu torom o God, mot in longoro iau.

Aposel 19:33

A taro Juda det sugut pat tar o Aleksanda usa numugu tan a kunur na taro. Ma det kukukuk nama wasiso sur in watung asau. Ra o Aleksanda i turbat det nama lamano, sur det in kis wowowon, sur in wasiso bati ut umatan a taro.

Aposel 21:35

Ra o Pol i wanpat nisan a leta ina rumu, a taro na inaim det los pasi, uni a kunur na taro det balano sungun doko.

Aposel 22:2

Ra det longoro i ra i wasiso nama wasiso Ibru torom det, det tur wowon rop. Ra i watungi lena,

Aposel 26:14

Ra met rop met sa puku pirso una piso, a longoro in nalngan ara i wasiso torom iau nama wasiso Ibru lena, ‘Sol, Sol, sur asau ra u ser ban laulau iau? Ui ut u um pas ui nama kum ukadik ra u pami un iau.’

Aposel 6:1

Una kum bung ra, a niluluk ina taro na ususer i ka toto nanan. Det tagun aru ngas na taro, ara taro Juda ra det wasiso nama wasiso Grik, ma ara taro Juda kai ra det wasiso nama wasiso Ibru. Det ra det wasiso Grik, det ururai un det ra det wasiso Ibru, lena, “Ra mot ser tibo a kum ula nama utna na inangon una kum bung, mot wanan sakit ru i kut a kum ula tagun met.”

Tamtama 16:16

Ma a tulu laulau na nion detul ben tomo tar a kum king una nubual di watungi nama wasiso Ibru Amagedon.

Tamtama 9:11

A ensel tagun in labino tung ra katu tuktukino, i ra anundet a king. Di watungi o Abadon una wasiso Ibru, ma o Apolion una wasiso Grik.