Aposel 21:34 - Nupela Testamen long tokples Kandas

³⁴ A ramano taro tagun a kunur na taro det watung ara wasiso, ma ara taro kai det watung ara wasiso gisen. Ra a labino mugumugu i itula sur din ben pas o Pol utiro una rumu anun a taro na inaim, uni, ke talapor lar pas una kibin a labino purpuruon ra.

Aposel 21:34 Iomraidhean Croise

Aposel 19:32

A kunur na taro det purpuruon. A ramano taro det kukukuk nama ara wasiso ut, ma ara taro det kukukuk nama se wasiso kai. Ma a susut tagun det, ka det tasman asau ra det wanpat suri.

Aposel 21:37

Ra milau mo det in ruk nam o Pol una rumu anun a taro na inaim, i ting a labino mugumugu lena, “I wakak kut sur an watung tu utna tam?” Ra a labino mugumugu i tingi lena, “Ai, u tasmani ut a wasiso Grik?

Aposel 22:24

Ma a labino mugumugu i pitar a warkurai lena, din ben o Pol utiro una rumu anun a kum tene inaim, din mirasi ma din tingi sur din tasman asau a kibino ra det kukukuk lenra uni.

Aposel 22:30

Una bung numur, a labino mugumugu i nemi sur in mananos wakak pas una utna ra a taro Juda det takun o Pol nami. Ra i palos ru a kum sen, i itula sur a kum lamlabino tene etabor torom o God, ma a taro na kiwung rop kai, sur det in nan tomo. Ra i ben pirso pas o Pol, ra i utur tari sa numugu umatandet.

Aposel 23:10

Ra i sa labo a wasiso na engaras, ma det sa turpas a inaim, a labino mugumugu anun a kum tene inaim i ngara, sako det in dat ngagos tar o Pol. Ra i tulu ru a taro na inaim, sur det in nan ma det in dat pasi gusun a taro, ma det in ben pasi utiro una rumu anun a taro na inaim.

Aposel 23:16

Ikut a laban o Pol i longoro a wasiso na epak ri, ra i wan utiro una rumu anun a kum tene inaim, ra i inanos o Pol uni.

Aposel 23:32

Ra una bung numur, a taro na inaim ra det kas una kum os, det wan saksakit nam o Pol, ma ara taro na inaim kai det milet melet usapat o Jerusalem.

Aposel 25:26

Ka tasman mulus tu utna ra an tumus ukai i uni, torom a Sisa. I mo ra a ben pati torom mot rop, ma torom ui, King Agripa, sur dat in ting tari sur an tasman asau ra an tumusi.