Aposel 20:6 - Nupela Testamen long tokples Kandas

⁶ Ra i sa rop a labino bung na lotu na beret ra kalako is uni, met kas una sip tagitong o Pilipai. A limo na bung bat tari, met sot tong o Troas torom det ra det mugu gusun met, ma met kis pas a wonom mawit na bung tiro iai.

Aposel 20:6 Iomraidhean Croise

Aposel 12:3

I tama i lena a taro Juda, det gas nama minatin o Jems, ra i dat pas o Pita bulung una ra bung epotor tan a kum lamlabino bung na lotu na beret ra kalako is uni.

Aposel 16:10

Ra i sa tama tar a tamtama ra, uniutra met waninar pas sur a inawan utong o Masedonia, uni met tasmani lena o God ut i sa kabo pas met sur met in warawai torom det nama Wakak na Wasiso.

Aposel 16:12

Ra met wan tagitiro o Neapolis utong o Pilipai. A tamon ra, i labo sakit taun a kum tamon rop tong una papor Masedonia, ra a taro Rom det kis iai. Ra met kis pas a kabano bung tiro una tamon ra.

Aposel 16:8

I mo ra detul wan sakit a papor Misia, ma detul wan utong o Troas.

Aposel 20:16

O Pol i sa pam tari una nuknukino sur in nan sakiti kut o Epeses, sur gong melet mo i balon tong una papor Asia, uni i nemi sur in nan lakit usapat o Jerusalem sur in kis sapat, una bung na Pentikos.

Aposel 20:5

Det ri det mugu utong, ra det kis langlang met tong o Troas.

Aposel 21:4

Ra met etorom pas a taro na ususer, met kis pas tiro iai a wonom mawit na bung. Ma a Tokodos na Nion i unuk tar det nama wasiso sur gong o Pol i wan usapat o Jerusalem.

Aposel 21:8

Una bung numur, met wan melet, ra met wanpat tong o Sisaria, ma met kis una rumu anun o Pilip, a tene warawai nama Wakak na Wasiso, ara tagun a wonom mawit det ra a kum aposel det pilok pas det.

Aposel 28:14

Tiro iai met pastorom pas a kum tistisi mot una nurnur, ra det saring met sur met in kis pas lako wonom mawit na bung nisandet. Numur met wan mo utong o Rom.

Pilipai 1:1

Iau o Pol, mir nam o Timoti, aru tultul anun o Karisito Iesu, mir tumtumus torom mot, a taro rop anun o God, tiro una tamon Pilipai. Torom mot ra mot laun un o Karisito Iesu, ma mot kai a kum mugumugu na lotu ma a kum tene warut.

1 Tesalonaika 2:2

Mot tasmani lena numugu tan anumetul a inawan pat torom mot, a taro det ban laulau metul ma det ban umaimai metul tong o Pilipai. Ikut anundat a God i warut metul, ra metul dekdek ut sur metul in wasiso puaso una nun a Wakak na Wasiso torom mot, ma ka metul ngaran det ra det lari sur det in sakbat metul.

2 Timoti 4:13

Ra un nan urin, un los anung a saket, kura a wan gusun tari nisan o Karpus tong o Troas. Un losi utkai anung a kum buk, ma gong u dumano a ramano ra di pami nama pinin a wewegua.