Aposel 20:4 - Nupela Testamen long tokples Kandas

⁴ Ma o Sopata, a te Beria, a nutun o Pairas, ma o Aristakus ma o Sekundas, aru te Tesalonaika, ma o Gaius a te Derbe, ma o Tikikus ma o Tropimus, aru te Asia, ma o Timoti, det wan tomo nam o Pol.

Aposel 20:4 Iomraidhean Croise

Aposel 14:20

Ikut, ra a taro na ususer det tur talilis pasi, i katutur, ra i ruk melet una tamon. Una bung numur, der wan tomo nam o Banabas utong o Derbe.

Aposel 14:6

Ikut ra der longoro i, der wan gisen utong una papor Likonia, sur aru tamon o Listra ma o Derbe, ma a ramano kum tamon kai ra det kis milau.

Aposel 16:1

O Pol ma o Sailas der wanpat tiro o Derbe ra numur utiro o Listra. Tiro o Listra, ara tagun a taro na ususer kura iai, a risano o Timoti. O nano a ino Juda ma a tene nurnur, ma o tamano a te Grik.

Aposel 16:6

A Tokodos na Nion i turbat detul sur gong munung detul warawai nama Wakak na Wasiso, tong una papor Asia. Ra detul wan tuptupukus kut tong una ru papor, Pirigia ma o Galesia.

Aposel 17:1

O Pol ma o Sailas der wan utong o Ampipolis ma o Apolonia, ra numur der wanpat tong o Tesalonaika. Tiro o Tesalonaika ara rumu na lotu anun a taro Juda kura iai.

Aposel 17:13

Ikut a taro Juda kurong o Tesalonaika det longoro i lena o Pol i warawai una wasiso anun o God tong o Beria, ra det wan utong ma det usungun balan a taro.

Aposel 19:29

Ma a taro rop tagun a tamon ra det purpuruon. Det kalabor ma det pam ukai pas o Gaius ma o Aristakus, aru te Masedonia ra detul wan tomo nam o Pol, ma det ruk nam der una nundet a labino rumu na kiwung.

Aposel 2:9

Dat a kum te Patia, a kum te Midia, a kum te Elam, ma dat tagitong una kum papapor Mesopotemia, Judia, Kapadosia, Pontus, Asia,

Aposel 20:16

O Pol i sa pam tari una nuknukino sur in nan sakiti kut o Epeses, sur gong melet mo i balon tong una papor Asia, uni i nemi sur in nan lakit usapat o Jerusalem sur in kis sapat, una bung na Pentikos.

Aposel 20:18

Ra det wanpat toromi, i watungi tandet lena, “Mot tasmani ut anung a ngas na kinkinis una kum bung ra a kis pas nisamot, turpasi una bung ra a wanpat kibin nin una papor Asia.

Aposel 21:29

Det watungi lenri, uni numugu ut munung, det sa tama tar der nam o Tropimus, a te Epeses, tiro una tamon, ma det nuki lena o Pol i ben ruk pasi una rumu na etabor.

Aposel 27:2

Met kas una ara sip tagisa o Adramitiam, ra in nan sur in sot nanan una kum tamon nago korot una papor Asia. Ra met kas, a sip i wan. Met wan tomo nam o Aristakus tagitong o Tesalonaika una papor Masedonia.

A Pas anun o Pol torom a taro Rom 16:21

O Timoti, ra mir papam tomo una pinapam anun o Karisito, i pitar anun a marmaris torom mot. Ma a tulu kukung kai, o Lusius, o Jeson ma o Sosipater, detul pitar anundetul a marmaris torom mot.

A Pas anun o Pol torom a taro Rom 16:23

O Gaius i pitar anun a marmaris torom mot. A musano ri i gas pas iau, tomo nama taro na lotu rop, ma i papos anun a rumu torom met. Ma o Erastus a tene tamtamabat a mani tagun a tamon ri, ma o Kwatus a tisindat, der kai der pitar anunder a marmaris.

2 Korin 1:1

Iau o Pol, a aposel anun o Karisito Iesu, una nemnem anun o God, mir nam o Timoti a tisindat, mir tumus a pas ri torom mot a taro na lotu anun o God tiro o Korin, ma torom a taro rop anun o God una papor Akaia.

2 Korin 1:19

Iau ma o Sailas ma o Timoti, metul warawai torom mot un o Iesu Karisito, a Nutun o God. O Karisito ke ser mulaot ma numur in ipul. Awu. In pam sot pasi ut anun a wasiso.

Epeses 6:21

O Tikikus, a wakak na tisindat ma a lingmulus na tene pinapam anun a Labino, in inanos mot una kum utna rop, sur mot in tasman asau ra a pami.

Pilipai 2:19

A nurnur una Labino o Iesu, ra milau mo an tulu ru o Timoti torom mot, sur an longoro tu wasiso un mot ra an gas.

Kolosi 4:10

O Aristakus, ra i kis tomo nam iau una karabus, i pitar anun a marmaris torom mot, der nam o Mak a malin o Banabas. Ra o Mak in nanpat torom mot, mot in gas pasi, elar nama wasiso ra mot sa rakon mugu tari.

Kolosi 4:7

O Tikikus in inanos mot una kum utna rop un iau. I a wakak na tisindat, a lingmulus na tene pinapam ma a tultul tomo nam met una pinapam anun a Labino.

1 Timoti 1:1

Iau o Pol, a aposel anun o Karisito Iesu, una itula anun o God, anundat a Tene Ulaun, ma o Karisito Iesu, o naro ra dat kis langlang suri nama nurnur.

2 Timoti 1:2

A tumus a pas ri torom ui Timoti, a wakak na nutunglik una nurnur. A marmaris ma a wakak na petutna ma a malmal, tan o God a Tamandat ma o Karisito Iesu anundat a Labino, in kis tomo nam ui.

2 Timoti 4:12

A sa tulu ru o Tikikus utiro o Epeses.

2 Timoti 4:20

O Erastus munung i kis sikot tong o Korin, ra a wan pas bulung gusun o Tropimus tong o Miletus, uni i misait.

Taitus 3:12

Ra an tulu ru o Artemas o, o Tikikus torom ui, un dekdek sur un nan torom iau tong o Nikopolis, uni an kis ru a kum kalang na kotokoto tong.

Pilimon 1:24

Ma det kai ri, o Mak, o Aristakus, o Demas ma o Luk. Met paspasano tomo una pinapam.

3 Jon 1:1

Iau, o Jon, a mugumugu, a tumtumus torom ui, a wakak na pasang o Gaius, ra a nem mulus ui.