Aposel 20:25 - Nupela Testamen long tokples Kandas

²⁵ “A tasmani lena mot rop, ra a wan tuptupukus torom mot nama warawai una matanitu anun o God, ka mot in tama melet iau mo.

Aposel 20:25 Iomraidhean Croise

Matiu 10:7

Ra mot nan, mot in warawai nanan lenri, ‘A matanitu tagisapat una langit i sa milau.’

Matiu 13:19

Osi ra i longoro a wasiso una matanitu tagisapat una langit, ma ke mananos uni, i elar nama kum pitino wit ra det puku una kisapi. A Laulau na Musano i wanpat ra i rakon ru a wasiso ra di sa marut tari unin balano.

Matiu 13:52

Ra o Iesu i watungi tandet lena, “I mo ra a kum tene ususer rop tagun a Warkurai, ra det sa ususer pas una matanitu tagisapat una langit, det elar nam ara musano ra i uleng a kum wakak na utna una nun a rumu. Ra i upirso a kum wakak na utna ra, gusun anun a rumu sur in papam nami, a ramano kum utna, a kum matokino, ma a ramano kai, a kum turaino.”

Matiu 4:17

Turpasi una kilalo ra, o Iesu i warawai lena, “Mot in nukpukus, uni a matanitu tagisapat una langit i sa milau.”

Matiu 4:23

O Iesu i wan tuptupukus una papor Galili rop, ma i ususer a taro una nundet a kum rumu na lotu. I warawai nama Wakak na Wasiso una matanitu anun o God. Ma i ulangolango pas a taro gusun a kum wur ngas na misait rop.

Luk 16:16

“A kum Warkurai ma a kum etowo anun a kum poropet i tuk taru ut un o Jon. Turpasi una kilalo ra, di warawai nama Wakak na Wasiso una matanitu anun o God ma a taro rop det raras sur det in ruk uni.

Luk 9:60

Ikut o Iesu i watungi tano, “Un madek ru a kum minat det in por anundet a kum minat. Ikut ui, un nan ma un warawai nama matanitu anun o God.”

Aposel 20:38

Ma a taro det tupunuk doko, uni i sa inanos tar det lena ka det in tamtama tomo melet mo. Ra numur det wan tulu ru i sur in kas una sip.

Aposel 28:31

Ra i ser warawai una matanitu anun o God, ma i ser ususer a taro una Labino o Iesu Karisito, ma ke ngara, ma kataio kai i turbati.

Aposel 8:12

Ikut uniri, a kum musano ma a wardain det nurnur una Wakak na Wasiso ra o Pilip i warawai nami, una matanitu anun o God, ma una risan o Iesu Karisito, ma di baptaiso det.

A Pas anun o Pol torom a taro Rom 15:23

Ikut, uniri anung a pinapam una kum papor ri, i sa rop. Ma a susut na kilalo, a nem doko i sur an tama mot.

Galesia 1:22

Ikut a taro na lotu anun o Karisito tong una papor Judia ka det tasman iau.

Kolosi 2:1

A nemi sur mot in tasmani lena, a papam dekdek sur mot, ma sur a taro Laodisia, ma sur det rop kai, ra ka etorom det utmakai.