Aposel 2:47 - Nupela Testamen long tokples Kandas

⁴⁷ Ra det watung ulabo pas o God, ma a taro rop det gas nam det. Ma una kum bung rop, a Labino i ulaun a susut na taro, ra di luk tomo det nama kum tene nurnur.

Aposel 2:47 Iomraidhean Croise

Luk 19:48

Ikut det lagano nuknuk taru sur tu utna ra det in pami, uni a labino kunur na taro det nem doko i sur det in longoro a wasiso anun o Iesu.

Luk 2:52

O Iesu i labo pat nanan una pinino ma una nun a mananos, ma o God ma a taro kai det gas doko nami.

Aposel 11:21

A dekdekin a Labino i kis un det ra det wasiso, ma a susut na taro doko det nurnur ma det tupukus torom a Labino.

Aposel 13:48

A taro ra awu sur a taro Juda det longoro a wasiso ri, ra det gas doko, ma det watung ulabo pas a wasiso anun a Labino. Ma det rop ra di sa pilok pas det sur a nilaun tukum, det nurnur.

Aposel 14:1

O Pol ma o Banabas der ruk una rumu na lotu anun a taro Juda tong o Aikoniam ma der wasiso, elar nama ngasino ra der ser pami una kum tamon. Anunder a wasiso i talapor ra a susut na taro Juda det nurnur uni, ma a susut na taro gisen kai.

Aposel 14:21

O Pol ma o Banabas der warawai nama Wakak na Wasiso tong o Derbe, ra der ususer a susut na taro ra det wanpat a kum nat na ususer. Numur der milet melet utong o Listra, Aikoniam, ma o Antiok.

Aposel 16:5

Ra a taro na lotu una kum tamon det lubung una nurnur, ma a nilulukin det i labo nanan kut una kum bung.

Aposel 17:12

Ra a susut na taro Juda det nurnur, ma a susut na mugumugu na ino Grik, ma a susut na musano kai.

Aposel 2:39

Uni a etabor ri ra o God i sa uliliman taru uni, in nan torom mot, ma torom a kum nutnutu mot, ma det utkai ra det kis bakbak. In nan torom det rop, ra a Labino anundat a God in kabo pas det toromi.”

Aposel 2:41

Det ra det mur a wasiso anun o Pita, di baptaiso det. Det elar nama tulu arip det, ra di luk tomo det nama kum tene nurnur.

Aposel 4:21

Ra det sa turbat dekdek tar der, det palos ru der. Ka det sio lar pas tu utna ra det in um der uni, uni a taro rop det watung ulabo pas o God una utna na ukisin ra der sa pam tari.

Aposel 4:33

A kum aposel det wasiso nama dekdek, una nilaun melet anun a Labino o Iesu gusun a minat, ra det sa tama tari. Ra a labino marmaris anun o God i kis un det rop.

Aposel 4:4

Ikut, a susut na taro ra det longoro a wasiso anun o Pita ma o Jon, det nurnur. Ra a niluluk ina kum tene nurnur i labo nanan, a kum musano kut i elar nama limo na arip.

Aposel 6:1

Una kum bung ra, a niluluk ina taro na ususer i ka toto nanan. Det tagun aru ngas na taro, ara taro Juda ra det wasiso nama wasiso Grik, ma ara taro Juda kai ra det wasiso nama wasiso Ibru. Det ra det wasiso Grik, det ururai un det ra det wasiso Ibru, lena, “Ra mot ser tibo a kum ula nama utna na inangon una kum bung, mot wanan sakit ru i kut a kum ula tagun met.”

Aposel 6:7

A wasiso anun o God i wan sarara, ma a niluluk ina taro na ususer sapat o Jerusalem, i labo nanan kai. Ma a susut na tene etabor torom o God kai, det nurnur ma det mur a Wakak na Wasiso.

Aposel 9:31

Numur a taro na lotu tong una tulu papor Judia, Galili ma o Samaria, det kis na malmal. Det kis nama urur torom a Labino, ra a Tokodos na Nion i uragot det. Ra a niluluk ina taro na nurnur i labo nanan.

Aposel 9:35

Numur, det rop ra det kis una ru tamon, o Lida ma o Saron, det tama a musano ra, ma det nukpukus torom a Labino.

A Pas anun o Pol torom a taro Rom 14:18

Ma osi ra in mur a kum petutna ri una nun a pinapam torom o Karisito, o God in gas nami, ma a taro kai det in tama lele i lena anun a petutna i tokodos.

A Pas anun o Pol torom a taro Rom 8:30

Ma det ra o God i sa pilok pas det, i kabo pas det kai. Ma det ra i sa kabo pas det, i watung det, det tokodos umatano. Ma det ra i watung det, det tokodos umatano, i pitari kai a minamar torom det.

A Pas anun o Pol torom a taro Rom 9:27

Ikut o Aisaia i wasiso dekdek una taro Israel lenri, “A taro Israel det susut elar nama woio nago utasi, ikut o God in ulaun pas a pak na taro kut.

1 Korin 1:18

Uni a wasiso unin nanai kutus, a longlong na wasiso kut torom det ra det wan sur a iniru. Ikut, torom dat ra o God i ulaun dat, a wasiso unin nanai kutus, i a dekdekin o God.