Aposel 2:40 - Nupela Testamen long tokples Kandas

⁴⁰ Ma i utumarong det nama susut na wasiso kai, ma i udekdek det lena, “Mot in tumarong, ma mot in nan gisen gusun a sakino petutna anun a taro tagun uniri, sur gong mot los a warkurai na minabalu.”

Aposel 2:40 Iomraidhean Croise

Matiu 12:34

Mot a kum nutnutun a kum sui! Mot ra a laulau na taro, mot in watung petlan tu wakak na wasiso? Uni a wan a taro i watung puaso a petutna ra i bukus una nundet a nilaun.

Matiu 16:4

A taro tagun uniri, a sakino taro, anundet a nilaun i bakbak gusun o God. Det sasaring sur tu ukinalong, ikut ka din pam taio torom det. Din pam a ukinalong kut elar nami ra di sa pam tari un o Jona.” Ra o Iesu i wan gusun det.

Matiu 17:17

O Iesu i balu i lena, “Mot a taro tagun uniri, ka mot nurnur ma mot a kum tene sakino. A sa kis suano i torom mot. Nangisin mo mot in nurnur? Mot in ben a nat ra urin torom iau.”

Matiu 23:33

“Mot a kum sui! Mot a kum nutnutun a kum laulau na sui! Mot in kalabor eno pepetlai gusun a warkurai na minabalu una labino sungun?

A Wakak na Wasiso un o Iesu Karisito o Mak i tumusi 8:38

A taro tagun uniri, anundet a nilaun i bakbak gusun o God, ma det a kum tene pam sakino. Osi ra in maimai un iau ma una nung a kum wasiso epotor tan a taro ri, a Nutun a Musano kai in maimai uni, ra in nanpat tomo nama kum ensel anun o Tamano ma a minamar anun o Tamano.”

Luk 16:28

Uni a limo na tistising a kum musano kura det uni, ma in utumarong tar det, sako det bulung det in nan urin una nubual na ngunungut ri.’

Luk 21:36

Mot in tumarong mot una kum bung rop, mot in wararing sur mot in dekdek sur mot in walip gusun a kum utna rop ri ra milau det in nanpat. Ma mot in wararing kai sur mot in pet lar pasi sur mot in tur umatan a Nutun a Musano.”

A Wakak na Wasiso un o Iesu Karisito o Jon i tumusi 21:25

A susut na utna utkai o Iesu i sa pam tari. Ra gunuk din tumus rop pas det taktakai, a nuki lena a rakrakon bual ke labo sur din ubek a kum buk rop uni.

Aposel 10:42

Ma i tulu ru met, sur met in warawai ma met in wasiso puaso uni, lena i ut ra o God i sa pilok pasi sur in tene warkurai anundet ra det laun ma det kai ra det sa mat.

Aposel 15:32

O Judas ma o Sailas der pitar a susut na wasiso sur der in uragot a taro ra det tar tistisino una nurnur, ma sur der in udekdek det, uni der aru poropet.

Aposel 20:11

Numur o Pol i ka toto melet, i tibik pas a beret ra i wangon. Ma i wasiso tuk in matanas i pusu pat, ra numur i wan pas gusun det.

Aposel 20:2

I wan papas una kum tamon ra, ma i uragot tar det nama susut na wakak na wasiso. Numur i wan utong o Grik.

Aposel 20:21

A warawai torom a taro rop, a taro Juda ma det ra awu sur a taro Juda kai, sur det in nukpukus torom o God ma det in nurnur una nundat a Labino o Iesu.

Aposel 20:24

Ikut ka nuk labo pas anung a nilaun, ma ka maris bati. Awu! A pitar tar iau kut sur an pam sot rop tar anung a inawan ma a pinapam, ra a Labino o Iesu i pitar tari torom iau, sur an wasiso puaso una Wakak na Wasiso una marmaris anun o God.

Aposel 20:9

Ra ara barman, a risano o Iutikus, i kis taru una windo. O Pol i wasiso liklik, ra in matan o Iutikus i sunu doko, ma i inep dumun taru, ra i puku pirso tagisapat netes gusun a mantul na kukur rumu unago upiso. Ra det los pat tari, i sa mat.

Aposel 28:23

Det nam o Pol det kubus pas ara bung sur det in wasiso. A susut na taro det wanpat toromi, una rumu ra i kis uni. I turpas a wasiso una kobot ma i tuk una lirop. I papalos torom det una matanitu anun o God. Ma i papalos utkai una Warkurai anun o Moses ma a kum tumtumus anun a kum poropet, sur in ukatutur a nuknukin det sur det in nurnur un o Iesu.

Aposel 4:36

Ma o Josep kai, ara musano tagun a ailan Saipras, tagun a kabotaro Liwai, ma a kum aposel det watungi nam o Banabas, a kukurai ino lena “tene ururagot”.

2 Korin 5:20

I mo ra met tur ukinalong o Karisito. Ra met wasiso, i elar nam o God ut i saring mot sur mot in emarom nami, ma met saring mot una risan o Karisito, sur mot in emarom nam o God.

2 Korin 6:17

Ma a Labino i watungi kai lena, “Mot in pirso gusun det, ma mot in kis gisen gusun det. Ma gong mot patop una kum dur na petutna, ra iau an gas pas mot.” Ais 52:11

Galesia 5:3

A wasiso melet torom mot taktakai: Ra mot in mulaot pas a warkurai na tinotok talilis, mot in mur rop a kum Warkurai anun o Moses.

Epeses 4:17

Una risan a Labino, a inanos mot ma a utumarong mot lena, gong melet mo mot laun elar nama kum taro ra ka det nurnur. A nuknukin det ke topas tu utna.

Pilipai 2:15

sur mot in langolango gusun a kum etakun ma mot in tokodos, a kum nutnutun o God, ma katu niraro un mot, epotor tan a taro ra ka det tokodos ma a magirandet i laulau sakit. Ra mot etabor nama wasiso na nilaun, mot in talapor epotor tandet elar nama kum nangnang ra det talapor una rakrakon bual. Ra mot in pami lenra, an warango mot una bung anun o Karisito, uni in talapor lena, ka kalabor oros kut, ma anung a pinapam ke utna oros kut.

1 Tesalonaika 2:11

Mot tasmani lena anumetul a petutna torom mot rop taktakai, i elar nama petutna ra ara musano i pami torom a kum nutnutunu.

1 Timoti 4:16

Un tumarong anum a nilaun ma anum a etowo. Un tur dekdek un der, uni, ra un pami lenra, un ulaun pas ui ut, ma det kai ra det longoro ui.

1 Pita 5:12

O Sailas i warut iau ra a tumus a nat na pas ri torom mot. O Sailas a tising una nurnur, ra a nurnur doko uni. Una pas ri, a nemi sur an udekdek mot ma an wasiso talapor una marmaris mulus anun o God. Mot in tur dekdek uni.