Aposel 2:38 - Nupela Testamen long tokples Kandas

³⁸ O Pita i balu det lena, “Mot rop taktakai mot in nukpukus, ma din baptaiso mot nama risan o Iesu Karisito, sur din unus ru anumot a kum sakino petutna, ra din tabor mot nama Tokodos na Nion.

Aposel 2:38 Iomraidhean Croise

Matiu 28:19

I mo ra mot in nan, mot in ususer a taro tagun a kum gapman rop, sur det kai anung a kum nat na ususer. Mot in baptaiso det nama risan o Tita, ma o Nutunu, ma a Tokodos na Nion.

Matiu 3:2

ra i watungi lena, “Mot in nukpukus, uni a matanitu tagisapat una langit i sa milau.”

Matiu 3:6

Det watung puaso anundet a kum sakino petutna, ra i baptaiso det una danim Jodan.

Matiu 4:17

Turpasi una kilalo ra, o Iesu i warawai lena, “Mot in nukpukus, uni a matanitu tagisapat una langit i sa milau.”

A Wakak na Wasiso un o Iesu Karisito o Mak i tumusi 1:15

I watungi lena, “A du bung i sa sot, ma a matanitu anun o God i sa milau. Mot in nukpukus, ma mot in nurnur una Wakak na Wasiso.”

A Wakak na Wasiso un o Iesu Karisito o Mak i tumusi 16:16

Osi ra i nurnur ma di baptaiso i, din ulauni. Ikut i ra ke nurnur, din pitar a dekdek na warkurai na minabalu toromi.

Luk 24:47

ma din warawai una risano torom a taro tagun a kum gapman rop, turpasi sapat o Jerusalem. Din warawai torom det lena, det in nukpukus ma o God in unus ru anundet a kum sakino petutna.

Luk 3:10

A kunur na taro det tingi lena, “Asau ra met in pami?”

Aposel 10:43

Ma a kum poropet rop det wasiso puaso un o Iesu, lena osi ra i nurnur uni, din unus ru anun a kum sakino petutna nama risano.”

Aposel 10:48

Ra i itula sur din baptaiso det nama risan o Iesu Karisito. Ra numur det saring o Pita sur in kis munung torom det tu kabano bung.

Aposel 13:38

“I mo ra a kum tistising, a inanos mot sur mot in tasmani lena, un o Iesu, din unus ru anumot a kum sakino petutna. A Warkurai anun o Moses ken pet lar pasi sur in unus ru anumot a kum sakino petutna, sur din watung mot a kum tene tokodos.

Aposel 16:15

Ra di sa baptaiso tar o Lidia ma det kai ra det kis una nun a rumu, i ben pas met, ra i watungi lena, “Ra mot nuki lena a nurnur una Labino, mot in ruk una nung a rumu, ma mot in kis uni.” Ra i ungongos pas met.

Aposel 17:30

Una kum kilalo numugu, o God ke nuknuk una kum petutna anun a taro ra ka det nuk pasi. Ikut uniri, i pitar a warkurai sur a taro rop una rakrakon bual det in nukpukus.

Aposel 20:21

A warawai torom a taro rop, a taro Juda ma det ra awu sur a taro Juda kai, sur det in nukpukus torom o God ma det in nurnur una nundat a Labino o Iesu.

Aposel 22:16

Ra sau mo ra u kis pasi? Un tur, ma din baptaiso ui, ma una risano, un wararing sur din unus ru anum a kum sakino petutna.’

Aposel 26:18

Un utamtama det sur det in tupukus gusun a dumirum sur a talapor, ma gusun a dekdekin o Satan sur o God, sur din unus ru anundet a kum sakino petutna. Det in nurnur un iau, ma una nundet a nurnur, det in kis tomo nam det ra o God i sa pilok pas det sur anun a taro.’

Aposel 26:20

A warawai mugu torom a taro tong o Damaskus, ma numur sapat o Jerusalem ma una kum tamon una papor Judia rop, ra numur torom det kai ra awu sur a taro Juda. A warawai lena, det in nukpukus, ma det in tupukus torom o God, ma det in pam a kum pinapam, sur in ese i lena det sa nukpukus.

Aposel 3:19

Mot in nukpukus, ma mot in nan torom o God, sur in unus ru anumot a kum sakino petutna,

Aposel 5:31

I ut ra o God i ulabo pasi ma i ukisi una papor sot na lamano, sur in Labino Mugumugu ma in Tene Ulaun, ma in pam a kisapi sur a taro Israel det in nukpukus, ma din unus ru anundet a kum sakino petutna.

Aposel 8:12

Ikut uniri, a kum musano ma a wardain det nurnur una Wakak na Wasiso ra o Pilip i warawai nami, una matanitu anun o God, ma una risan o Iesu Karisito, ma di baptaiso det.

Aposel 8:20

Ra o Pita i balu i lena, “Ui tomo nam anum a mani mur in iru, uni u nuki lena un kul a etabor anun o God nama mani.

A Pas anun o Pol torom a taro Rom 6:3

Pepetlai, ka mot tasmani lena, dat rop ra di baptaiso dat un o Karisito Iesu, dat mat tomo nami una baptais ra?

Epeses 1:7

O Karisito i mat, ra a gapino i kul langolango pas dat, ma o God i unus ru anundat a kum sakino petutna. A marmaris ra, anun o God i labo sakit,

Taitus 3:5

i ulaun dat. Awu sur un lako kum tokodos na pinapam ra dat sa pam tari, awu. I ulaun dat uni i maris dat. I ulaun dat ma i rus talapor dat. A utalapor ra, a Tokodos na Nion i pami una nundat a nilaun, ra i usus matok dat, ma anundat a nilaun i wanpat matok uni.

1 Pita 3:21

In nolomom i tur ukinalong a baptais ra i ulaun mot uniri. Ka di baptaiso mot sur din rus ru a dur tagun a pinimot, awu. A baptais i elar nami ra mot pitar tar mot torom o God ma mot tasmani lena mot tokodos umatan o God. Ra i ulaun mot kibino una katutur melet anun o Iesu Karisito gusun a minat.