Aposel 2:30 - Nupela Testamen long tokples Kandas

³⁰ Ikut o Dewid a poropet, ra i tasmani lena, o God i sa liliman dekdek taru toromi lena, i ut in ukis tar taio tagun a kabotaro anunu sur in kelesi una nun a kiskis na king.

Aposel 2:30 Iomraidhean Croise

Matiu 22:43

O Iesu i watungi tandet lena, “Ra i lenra, ilai ra a Tokodos na Nion i mugu o Dewid ra i watung a Karisito lena ‘anung a Labino’? Uni o Dewid i watungi lena,

Matiu 27:35

Ra det sa sak wat tari unin nanai kutus, det pilai laki sur det in isuaro anun a kum malu torom det taktakai.

A Wakak na Wasiso un o Iesu Karisito o Mak i tumusi 12:36

A Tokodos na Nion i mugu o Dewid ra i watungi lena, ‘A Labino i watungi torom anung a Labino lena, “Un kis una papor sot na lamang, tuk ra an winim pas anum a kum ebar sur det in kis utuntudu in anum a warkurai.” ’ Sng 110:1

Luk 24:44

Ma i watungi tandet lena, “Ra a kis utmakai tomo nam mot, a sa inanos tar mot lenri: A kum utna rop ra di sa tumus tari un iau, una Warkurai anun o Moses, una wasiso anun a kum poropet ma una Kum Kelekele anun o Dewid din pam sot rop pasi.”

Aposel 1:16

“A kum tistising, a wasiso anun a Tokodos na Nion, ra o Dewid i wasiso taru uni numugu utmakai una Buk Tabu, uniri di sa pam sot pasi. I wasiso un o Judas, i ra i mugu det ra det pam pas o Iesu.

A Pas anun o Pol torom a taro Rom 1:3

A Wakak na Wasiso i wasiso un o Nutunulik, ra di usus pasi tagun a kabotaro anun o king Dewid.

A Pas anun o Pol torom a taro Rom 15:12

O Aisaia kai i wasiso na poropet un o Karisito lena, “Ara in nanpat tagun a kabotaro anun o Jesi. In kis na king ma in warkurai sur a taro tagun a kum gapman rop, ma a taro ra awu sur a taro Israel det in kis langlang nama nurnur sur a wakakino ra in pami.” Ais 11:10

2 Timoti 2:8

Un nuk pas o Iesu Karisito, i ra tagun a kabotaro anun o Dewid, ra i katutur melet gusun a minat. Iri a Wakak na Wasiso ra a warawai nami.

Ibru 1:1

Numugu utmakai o God i wasiso torom a kum tumtubun dat nama wan a kum poropet. I wasiso una susut na dino ma una wur ngas na kisapi.

Ibru 3:7

I mo ra dat a taro anun o God, dat in mur a wasiso anun a Tokodos na Nion ra i watungi lena, “Uniri, ra mot longoro in nalngano,

Ibru 4:7

I talapor lenri, uni a susut na kilalo numur tandet ra ka det mur a wasiso anun o God, o God i wasiso utmakai una nun a tamon na mana. I wasiso una wan o Dewid lena, “Uniri, ra mot longoro in nalngano, gong mot udekdek bat a balamot.” Sng 95:7-8 Ra o God i watungi lena “uniri,” i kukuraino lena i sa kubus tar ara bung melet sur a taro det in ruk una nun a tamon na mana.

Ibru 6:17

Ma o God kai, i udekdek anun a liliman nama risano ut, sur in upuaso i torom anun a taro, det ra i uliliman tar det, lena ken pukusi melet a nuknukino.

Ibru 7:21

Ikut ra o Iesu i los a pinapam na tene etabor, o God i uliliman tari lena, “A Labino i sa liliman taru, ma ken pukus a nuknukino. ‘Ui a tene etabor torom o God, ma anum a pinapam in tur tukum.’” Sng 110:4

2 Pita 1:21

Uni katu wasiso na poropet i wanpat kut tagun a nuknukin tu musano, awu. A Tokodos na Nion ut, i mugu a taro ra det wasiso nama wasiso tan o God.

Tamtama 17:14

Det in waim nama Barman na Sipsip, ma a Barman na Sipsip in winim pas det, uni i a Labino anun a kum lamlabino, ma a King anun a kum king. Ma det ra i sa pilok pas det, ma i kabo pas det, ma det nurnur mulus uni, det in win tomo nami.”

Tamtama 19:16

Ma una nun in namalu ma una balangot na kikino di sa tumus tar a risano lenri, a king anun a kum king ma a labino anun a kum lamlabino.