Aposel 2:24 - Nupela Testamen long tokples Kandas

²⁴ Ikut, o God i ukatutur melet pasi, ma i los ru a minat gusuni, uni a minat ke pam ukai lar pasi.

Aposel 2:24 Iomraidhean Croise

Matiu 27:63

Det watungi tano lena, “Labino, met nuk pas a wasiso anun a tene torotoro ri. Ra i laun utmakai, i watungi lena, ra a tulu bung in rop, in laun pat melet.

A Wakak na Wasiso un o Iesu Karisito o Jon i tumusi 10:18

Kataio in rakon ru anung a nilaun, iau ut an pitari. Iau ut a utur ukai a dekdek sur an pitari, ma iau ut a utur ukai a dekdek sur an los melet pasi. Iri i a pinapam ra o Tita i tulu ru iau sur an pami.”

A Wakak na Wasiso un o Iesu Karisito o Jon i tumusi 10:35

I watung det lena det a kum god, det ra di pitar tar a wasiso anun o God tandet. Ma kataio in pet lar pasi sur in rakon ru a wasiso na Buk Tabu.

A Wakak na Wasiso un o Iesu Karisito o Jon i tumusi 12:39

Ma o Aisaia i sa watung tari kai lena, “O God i sa upulu bat ru a kum matmatan det, ma i sa udumun bat ru a kum nuknukin det, sur gong det tamtama nama matmatan det, ma gong det tasman lele i nama nuknukin det, ma ka det in tupukus torom iau, sur an ulaun pas det.” Ais 6:10 Iri a kibino ra ka det nurnur.

A Wakak na Wasiso un o Iesu Karisito o Jon i tumusi 20:9

Ka der talapor utmakai una wasiso na Buk Tabu ra i watungi lena, o Iesu in katutur melet gusun a minat.

Aposel 1:16

“A kum tistising, a wasiso anun a Tokodos na Nion, ra o Dewid i wasiso taru uni numugu utmakai una Buk Tabu, uniri di sa pam sot pasi. I wasiso un o Judas, i ra i mugu det ra det pam pas o Iesu.

Aposel 13:30

Ikut o God, i ukatutur melet pasi gusun a minat.

Aposel 13:37

Ikut, o naro ra o God i ukatutur pasi gusun a minat, ke mereseng.

Aposel 17:31

Uni i sa kubus tar a bung, sur in warkurai a rakrakon bual nama tokodos na warkurai. Ma i sa pilok tar a musano ra in pam a warkurai ra. I ukatutur melet pas a musano ra gusun a minat. Una nun a pinapam ra, i ulingmulus pas anun a pipilok torom a taro rop.”

Aposel 2:32

O Iesu ut ra, o God i ukatutur pasi gusun a minat, ma met rop met tama i, ra met wasiso talapor uni.

Aposel 3:15

Ra mot um doko ru o Iesu, i ra a kibin a nilaun, ikut o God i ukatutur melet pasi gusun a minat. Ma met, met tama i ma met wasiso talapor uni.

Aposel 3:26

O God i tulu ru anun a Tultul, i tulu mugu ru i torom mot a taro Juda, sur in ben pukus pas mot taktakai gusun anumot a kum sakino petutna, sur mot in dan.”

Aposel 4:10

Mot ma a taro Juda rop, mot in tasmani lena, a musano ri ra i tur numugu tamot, di ulangolango pasi nama risan o Iesu Karisito a te Nasaret, i ra mot sak wat tari unin nanai kutus, ma o God i ukatutur melet pasi gusun a minat.

Aposel 5:30

A God anun a kum tumtubun dat tagun numugu, i ukatutur melet pas o Iesu, i ra mot sak wat tari unin nanai kutus.

A Pas anun o Pol torom a taro Rom 10:9

Ra u upuaso i nam anum a wasiso lena, o Iesu i a Labino, ma u nurnur unin balam lena o God i sa ukatutur melet pasi gusun a minat, o God in ulaun ui.

A Pas anun o Pol torom a taro Rom 14:9

I mo ra o Karisito i mat ma i laun melet, sur i a Labino anundet ra det sa mat, ma anundet kai ra det laun.

A Pas anun o Pol torom a taro Rom 4:24

I watungi utkai un dat. Ra dat nurnur un o God, ra i ukatutur melet pas o Iesu anundat a Labino gusun a minat, in watung dat kai a kum tene tokodos.

A Pas anun o Pol torom a taro Rom 6:4

Lenra, ra di baptaiso dat, dat mat tomo nami ma di por tomo dat kai nami. O God a Tamandat i ukatutur pas o Karisito gusun a minat nama minamarino, lenkutkai ra dat in laun nama matok na nilaun.

A Pas anun o Pol torom a taro Rom 8:11

A Nion o God, ra i ukatutur pas o Iesu gusun a minat, i laun un mot. Una pinapam anun a Niono ra i laun un mot, i ra i ukatutur pas o Karisito gusun a minat, in pitar a nilaun una pinimot, ra i ser mat.

A Pas anun o Pol torom a taro Rom 8:34

Osi ra in watungi lena, din pitar a warkurai na minabalu torom dat? Katutaio. Uni o Karisito Iesu i sa mat sur dat. Awu sur i kut ra, o God i sa ukatutur melet pasi kai gusun a minat, ma uniri kusapat mo i kis una papor sot na laman o God, ma i ser wararing sur dat.

1 Korin 15:12

Ra di warawai un o Karisito ra o God i ukatutur melet pasi gusun a minat, sur asau ra ara taro kura epotor tamot det watungi lena kalako katkatutur melet gusun a minat?

1 Korin 15:15

Ma ara utna kai, din tama i lena anumet a wasiso un o God, a torotoro kut, uni met wasiso talapor un o God lena i ukatutur melet pas o Karisito gusun a minat. Ikut, ra kalako katkatutur melet gusun a minat, o God ken ukatutur melet pas o Karisito gusun a minat.

1 Korin 15:20

Ikut i lingmulus, o God i sa ukatutur melet o Karisito gusun a minat. I a mugano musano ra i katutur melet gusun a minat, ma i ese i lena numur a kum minat kai det in katutur melet.

1 Korin 15:4

Di uruk tari una kulam na minat, ma tulu bung bat tari o God i ukatutur melet pasi gusun a minat, elar nami ra di sa tumus tari una Buk Tabu.

1 Korin 6:14

Una dekdekin o God ut, i ukatutur melet pas a Labino gusun a minat, ma dat kai in ukatutur melet pas dat.

2 Korin 4:14

Uni met tasmani lena o God, i ra i sa ukatutur melet pas a Labino o Iesu gusun a minat, lenkutkai ra in ukatutur melet pas met tomo nam o Iesu, ra in ben pas met tomo nam mot, sur dat in kis tomo nami umatan o God.

Galesia 1:1

Iau o Pol, a aposel, a tumus a pas ri torom mot. Katutaio taginin upiso i pilok pas iau sur an aposel, ma awu sur a taro kai det tulu iau sur an pam a pinapam ri. O Iesu Karisito ut ma o God o Tamano der tulu iau, o God ra i ukatutur melet pas o Iesu gusun a minat.

Epeses 1:20

i ukatutur pas o Karisito gusun a minat, ma i ukis tari una papor sot na lamano sapat netes una langit.

Kolosi 2:12

Ra di baptaiso mot, di por mot tomo nam o Karisito. Ma mot katutur melet tomo nami, uni mot nurnur una dekdekin o God, i ra i ukatutur melet pas o Karisito gusun a minat.

1 Tesalonaika 1:10

Ra mot kis langlang sur o Nutunu, ra in nan pirso tagisapat una langit, i ra o God i sa ukatutur melet pasi gusun a minat. O naro ra, o Iesu, ra i ulaun pas dat gusun a kankan anun o God, ra in nanpat.

Ibru 13:20

A wararing torom o God ra i ser pitar a malmal. I ra i ukatutur melet pas anundat a Labino o Iesu gusun a minat. O Iesu, i a labino tene tamtamabat anun a kum sipsip ra i mat ma i pitar tar a gapino ut sur in pam a kunubus ra in tur tukum. I mo ra o God i ukatutur melet pasi gusun a minat.

Ibru 2:14

A kukurai ina kum nat liklik ra, a kum mulusino ut. Ma o Iesu kai i wanpat a mulusino, a pinino ma a gapino ut. I pami lenra sur una nun a minat in ban laulau ru o Satan, i ra i utur ukai a dekdekin a minat.

1 Pita 1:21

Ma mot nurnur un o God i kibino ut un o Karisito. Ra o God ut i ukatutur melet pas o Karisito gusun a minat, ra i pitar tar a minamar toromi. I mo ra, mot nurnur un o God ma mot kis langlang nama nurnur sur a utna ra in pami numur.

Tamtama 1:18

Iau a laun. A sa mat pas, tama i, a sa laun tukum ma a pam ukai a kum ki ina minat ma ina tamon Edes, a tamon anundet ra det mat.