Aposel 19:29 - Nupela Testamen long tokples Kandas

²⁹ Ma a taro rop tagun a tamon ra det purpuruon. Det kalabor ma det pam ukai pas o Gaius ma o Aristakus, aru te Masedonia ra detul wan tomo nam o Pol, ma det ruk nam der una nundet a labino rumu na kiwung.

Aposel 19:29 Iomraidhean Croise

Aposel 13:5

Der wanpat tong o Salamis, ra der warawai nama wasiso anun o God, una kum rumu na lotu anun a taro Juda. Detul wan tomo nam o Jon, anunder a tene warut.

Aposel 16:12

Ra met wan tagitiro o Neapolis utong o Pilipai. A tamon ra, i labo sakit taun a kum tamon rop tong una papor Masedonia, ra a taro Rom det kis iai. Ra met kis pas a kabano bung tiro una tamon ra.

Aposel 16:9

Una mirum, o Pol i tama ara tamtama. I tama ara musano, a te Masedonia i tur taru ma i saringi lena, “Un nan urin o Masedonia, ma un warut met.”

Aposel 17:8

A taro ma a kum mugumugu det longoro a wasiso ri, ra det balano sungun.

Aposel 19:21

Ra a kum utna ri i sa rop, o Pol i nuki lena in nan potor una ru papor Masedonia ma o Akaia sur in nan usapat o Jerusalem. Ma i watungi lena, “Ra a sa wan pas sapat o Jerusalem, an nan bulung utong o Rom.”

Aposel 19:22

I tulu mugu ru o Timoti ma o Erastus, aru tagun det ra det ser waruti, utong o Masedonia, ma i ut, i kis melet pas ut munung tong una papor Asia.

Aposel 19:32

A kunur na taro det purpuruon. A ramano taro det kukukuk nama ara wasiso ut, ma ara taro det kukukuk nama se wasiso kai. Ma a susut tagun det, ka det tasman asau ra det wanpat suri.

Aposel 20:34

Mot ut, mot tasmani lena, a papam ut nama aru lamang sur a kum utna ra in topas iau, ma det kai ra met wan tomo.

Aposel 20:4

Ma o Sopata, a te Beria, a nutun o Pairas, ma o Aristakus ma o Sekundas, aru te Tesalonaika, ma o Gaius a te Derbe, ma o Tikikus ma o Tropimus, aru te Asia, ma o Timoti, det wan tomo nam o Pol.

Aposel 21:30

Ma a taro rop det purpuruon ra det kalabor tomo, ma det pam ukai pas o Pol, ra det dat pirso pasi tagun in noworo ina rumu na etabor. Uniutra det tagar ru i mut a kum matansako.

Aposel 21:38

A len makai ui a te Ijip, ra numugu i turpas a inaim tomo nama gapman, ra i ben pas a wat na arip na tene pam purpuruon, usapat una nubual kalako taro uni.”

Aposel 27:2

Met kas una ara sip tagisa o Adramitiam, ra in nan sur in sot nanan una kum tamon nago korot una papor Asia. Ra met kas, a sip i wan. Met wan tomo nam o Aristakus tagitong o Tesalonaika una papor Masedonia.

A Pas anun o Pol torom a taro Rom 16:23

O Gaius i pitar anun a marmaris torom mot. A musano ri i gas pas iau, tomo nama taro na lotu rop, ma i papos anun a rumu torom met. Ma o Erastus a tene tamtamabat a mani tagun a tamon ri, ma o Kwatus a tisindat, der kai der pitar anunder a marmaris.

1 Korin 1:14

A watung wakak torom o God uni ka baptaiso tar taio tagun mot. O Krispus kut ma o Gaius ra a baptaiso der.

1 Korin 4:9

Uni a nuki lena o God i ubek tar met a kum aposel, sur met in musano oros kut. Met elar nama kum karabus ra di sa kuro tar det sur det in mat ma din urongon un det. A taro ma a kum ensel kai det in tama det.

2 Korin 8:19

Det ut, det pilok tari sur met in nan tomo usapat o Jerusalem, sur met in los ru a mani na etabor. Met in pam a pinapam ri, sur met in ulabo pas a Labino, ma sur met in ese i lena, met nem na warut a taro na lotu sapat o Jerusalem.

Kolosi 4:10

O Aristakus, ra i kis tomo nam iau una karabus, i pitar anun a marmaris torom mot, der nam o Mak a malin o Banabas. Ra o Mak in nanpat torom mot, mot in gas pasi, elar nama wasiso ra mot sa rakon mugu tari.

Pilimon 1:24

Ma det kai ri, o Mak, o Aristakus, o Demas ma o Luk. Met paspasano tomo una pinapam.

3 Jon 1:1

Iau, o Jon, a mugumugu, a tumtumus torom ui, a wakak na pasang o Gaius, ra a nem mulus ui.