Aposel 19:21 - Nupela Testamen long tokples Kandas

²¹ Ra a kum utna ri i sa rop, o Pol i nuki lena in nan potor una ru papor Masedonia ma o Akaia sur in nan usapat o Jerusalem. Ma i watungi lena, “Ra a sa wan pas sapat o Jerusalem, an nan bulung utong o Rom.”

Aposel 19:21 Iomraidhean Croise

Aposel 16:12

Ra met wan tagitiro o Neapolis utong o Pilipai. A tamon ra, i labo sakit taun a kum tamon rop tong una papor Masedonia, ra a taro Rom det kis iai. Ra met kis pas a kabano bung tiro una tamon ra.

Aposel 18:12

Una kilalo ra o Galio i mugumugu tagun a gapman tong una papor Akaia, a taro Juda det tur tomo sur det in um o Pol, ma det beni sur in tur una warkurai.

Aposel 18:21

Ra det wan susuaro, i watungi tandet lena, “Ra a nemnem anun o God, an milet melet torom mot.” Ra i kas una sip ma i wan gusun a tamon Epeses.

Aposel 19:22

I tulu mugu ru o Timoti ma o Erastus, aru tagun det ra det ser waruti, utong o Masedonia, ma i ut, i kis melet pas ut munung tong una papor Asia.

Aposel 19:29

Ma a taro rop tagun a tamon ra det purpuruon. Det kalabor ma det pam ukai pas o Gaius ma o Aristakus, aru te Masedonia ra detul wan tomo nam o Pol, ma det ruk nam der una nundet a labino rumu na kiwung.

Aposel 20:16

O Pol i sa pam tari una nuknukino sur in nan sakiti kut o Epeses, sur gong melet mo i balon tong una papor Asia, uni i nemi sur in nan lakit usapat o Jerusalem sur in kis sapat, una bung na Pentikos.

Aposel 20:22

“Ra uniri, a Tokodos na Nion i ungongos iau sur an nan ut usapat o Jerusalem, ma ka tasman asau an etoromi sapat.

Aposel 21:17

Met wanpat sapat o Jerusalem, ra det ra met tar tistisino una nurnur det ben pas met nama gasgas.

Aposel 21:4

Ra met etorom pas a taro na ususer, met kis pas tiro iai a wonom mawit na bung. Ma a Tokodos na Nion i unuk tar det nama wasiso sur gong o Pol i wan usapat o Jerusalem.

Aposel 23:11

Una mirum utra, a Labino i wanpat torom o Pol, ra i watungi tano lena, “Gong u ngara, un tur dekdek. U sa wasiso talapor taru un iau nin o Jerusalem, lenkutkai ra un wasiso talapor un iau tong o Rom.”

Aposel 27:1

Ra di sa warkurai tari sur met in kas una sip utong o Itali, di pitar tar o Pol, ma a ramano kum karabus kai, tan ara mugumugu a risano o Julias, ara tagun a taro na inaim anun a Sisa.

Aposel 27:24

I watungi tang lena, ‘Pol, gong u ngara, un tur ut una warkurai umatan a Sisa. Ma det kai ra mot tomo una sip, o God i sa pitar tar det tam, sur mot in laun rop.’

Aposel 28:16

Ra met sa wanpat tong o Rom, di mulaot tar o Pol sur i kut in kis un tu rumu, ma tu tene inaim in tamtamabati.

A Pas anun o Pol torom a taro Rom 1:11

A nem doko i sur an tama mot, sur an tabor mot nama etabor, sur in udekdek a niomot.

A Pas anun o Pol torom a taro Rom 1:13

A kum tistising, a nemi sur mot in tasmani lena, a susut na bung a nuki lena an nan torom mot, sur an warut mot tuk ra an tama a win anung a etowo una numot a nilaun, elar nama win anung a etowo ra a tama i una kum tamon gisen tandet ra awu sur a taro Juda. Ikut, tuk uniri, a kum utna i turbat iau, ma ka wan lar pas.

A Pas anun o Pol torom a taro Rom 1:15

I mo ra a nem doko i, sur an warawai nama Wakak na Wasiso torom mot kai, tiro o Rom.

1 Korin 16:5

An nan utong una kum tamon una papor Masedonia. Ma numur an nan kai utiro torom mot, uni an nan ut utong o Masedonia.

1 Korin 4:19

Ikut, milau mo an milet melet torom mot, ra ut ra a Labino i nemi. Ra an nanpat, kan mananos kut una wasiso anun a taro ra det dat walos a lorindet, awu. An mananos utkai una dekdek ra det papam nami.

2 Korin 10:16

sur met in warawai kai nama Wakak na Wasiso torom a kum tamon kusa numugu tamot, ra kataio utmakai i warawai iai. Uni ka met nemi sur met in warango pas met, una pinapam ra ara gisen ut, i sa pam tari.

Galesia 2:1

Numur tan a noino ma wat na kilalo, a wan melet usapat o Jerusalem, mir nam o Banabas, ma a beni kai o Taitus.

1 Tesalonaika 1:7

Mot ese a ngasino ra i wakak sur a taro na nurnur rop tiro una aru papor, o Masedonia ma o Akaia, det in muri.