Aposel 19:19 - Nupela Testamen long tokples Kandas

¹⁹ Ma a susut kai tagun det ra det ser sangsagor, det los tomo pas anundet a kum buk na sangsagor, ra det tun ru det tiro umatan a taro rop. Ra det luk tomo pas a matan a kum buk rop, i elar ut nama limo na noino arip na mani.

Aposel 19:19 Iomraidhean Croise

Luk 14:33

Lenkutkai ra torom mot, ra taio tagun mot ken madek ru anun a kum utna rop, i awu sur anung a nat na ususer.

Luk 15:8

“Ra tu ino anunu tu noino mani, ra i sa ban raro ru ara. Pepetlai, ken ungangon pas a lam, ra in surupu a rumu, ma in sisio wakak ut suri, tuk ra in sio melet pasi?

Aposel 13:6

Detul wan potor una kudulano ailan ra, tuk tong o Papos. Tiro iai, detul etorom nam ara te Juda, a risano o Barjisas, a tene sangsagor, ma a torotoro na poropet,

Aposel 13:8

Ikut o Barjisas, ra di watungi kai nam o Elimas, a kukuraino a tene sangsagor, i turbat der. I nemi sur in turbat ru a mugumugu sur gong i nurnur.

Aposel 19:18

A susut tagun det ra det nurnur, det wanpat ma det watung puaso anundet a kum sakino petutna.

Ibru 10:34

Mot maris doko det ra det kis una karabus ra mot warut det. Ma mot gas kut ra a taro det ras pas anumot a kum ututna, uni mot tasmani lena anumot a kum ututna gisen, det in tur tukum, ma det wakak sakit taun a kum utna ra det ras pasi gusun mot.