Aposel 19:10 - Nupela Testamen long tokples Kandas

¹⁰ Aru kilalo i ser pami lenra. Ra det rop ra det kis una papor Asia, a taro Juda ma a taro ra awu sur a taro Juda kai, det longoro a wasiso anun a Labino.

Aposel 19:10 Iomraidhean Croise

Aposel 13:12

Ra a mugumugu i tama a utna ri i wanpat, i nurnur, uni i kisin una etowo una Labino.

Aposel 16:6

A Tokodos na Nion i turbat detul sur gong munung detul warawai nama Wakak na Wasiso, tong una papor Asia. Ra detul wan tuptupukus kut tong una ru papor, Pirigia ma o Galesia.

Aposel 18:11

Ra o Pol i kis tiro iai ara kilalo ma a wonom na kalang, ma i ususer det nama wasiso anun o God.

Aposel 18:4

Una kum Bung na Sabat i wasiso tomo nam det una rumu na lotu anun a taro Juda, sur in ukatutur a nuknukin a taro Juda, ma det kai ra awu sur a taro Juda, sur det in nurnur un o Iesu.

Aposel 19:20

Ra a wasiso anun a Labino i wan sarara, ra i lubung ma i dekdek.

Aposel 19:22

I tulu mugu ru o Timoti ma o Erastus, aru tagun det ra det ser waruti, utong o Masedonia, ma i ut, i kis melet pas ut munung tong una papor Asia.

Aposel 19:8

O Pol i ser ruk una rumu na lotu, ma i wasiso nama dekdek ma ke ngara. I lari sur in pukus pas a nuknukin det sur a matanitu anun o God. I pami lenra i elar nama tulu kalang.

Aposel 2:9

Dat a kum te Patia, a kum te Midia, a kum te Elam, ma dat tagitong una kum papapor Mesopotemia, Judia, Kapadosia, Pontus, Asia,

Aposel 20:18

Ra det wanpat toromi, i watungi tandet lena, “Mot tasmani ut anung a ngas na kinkinis una kum bung ra a kis pas nisamot, turpasi una bung ra a wanpat kibin nin una papor Asia.

Aposel 20:31

Mot in tumarong! Mot in nuk pasi lena, a tulu kilalo ka mana gusun mot rop nama wasiso na utumarong, una kum mirum ma a waspi, ma a lurlur na matang i puku uni.

Aposel 6:9

Ikut ara taro Juda det engaras nam o Stiwen. A taro ri tagun a rumu na lotu ra di watungi lena, Anun a Langolango na Taro. Det tagun aru tamon, o Sairini ma o Aleksanderia ma tagitong una ru papor, o Silisia ma o Asia.

A Pas anun o Pol torom a taro Rom 1:16

Ka maimai una Wakak na Wasiso, uni i a dekdekin o God sur in ulaun pas a taro rop ra det nurnur. Torom met a taro Juda mugu, ma uniri torom mot kai, ra awu sur a taro Juda.

A Pas anun o Pol torom a taro Rom 10:12

Ke senene torom a taro Juda ma torom a taro gisen kai: Ara Labino kut anundat rop. Ma in watung udan a taro rop ra det wararing toromi.

A Pas anun o Pol torom a taro Rom 10:18

Ikut, a iting lena, pepetlai, a taro Israel ka det longoro i utmakai a Wakak na Wasiso? Det longoro i ut. Elar nami ra di sa tumus tari una Buk Tabu lenri, “A taro taginin upiso det sa longoro in nalngandet. A wasiso ra i sa wan sarara una kum nubual rop una rakrakon bual.” Wkp 19:4

Galesia 3:28

Una nurnur un o Karisito, a taro Juda ma a taro gisen det elar umatan o God, lenkutkai ra a kum tene ititula ma det ra awu sur a kum tene ititula, a kum musano ma a wardain. Uni mot rop mot ara mukut un o Karisito Iesu.

Kolosi 3:11

Ra lenra, dat rop dat elar mukut: a taro Juda, a taro Grik, det ra di sa tok talilis tar det ma det ra ka di tok talilis det, ma a taro tagun osi na ngas na kabotaro, a kum tene ititula ma det kai ra ka det tene ititula. O Karisito ut i labo sakit, ma i kis un dat rop.

2 Timoti 1:15

U tasmani lena a taro rop, ra det kis una papor Asia, det sa wan pas gusun iau. O Pigelus ma o Emogenes aru tagun det.

1 Pita 1:1

Iau o Pita, a aposel anun o Iesu Karisito, a tumtumus torom mot ra o God i sa pilok pas mot, ma mot kis sarara elar nama kum usiro una kum papor Pontus, Galesia, Kapadosia, Asia ma o Bitinia.

Tamtama 1:11

I watungi lena, “Asau ra u tama i, un tumus ukai i una buk ra di puli ma un pitar ru i utong torom a kum tene lotu una wonom mawit na tamon ri: o Epeses, o Smerna, o Pergamum, o Taiataira, o Sardis, o Piladelpia ma o Laodisia.”

Tamtama 1:4

Iau o Jon, a tumtumus torom mot a taro na lotu una wonom mawit na tamon tong una papor Asia. A marmaris ma a malmal torom mot tan o naro ra i laun numugu, i laun uniri ma numur in nanpat, ma tan a wonom mawit na nion kai ra det tur numugu tan anun a kiskis na king,