Aposel 18:7 - Nupela Testamen long tokples Kandas

⁷ I pirso gusun a rumu na lotu, ra i ruk una rumu anun ara musano, a risano o Titius Jastus, i ara tene lotu torom o God. Anun a rumu i tur milau nisan a rumu na lotu.

Aposel 18:7 Iomraidhean Croise

A Wakak na Wasiso un o Iesu Karisito o Jon i tumusi 9:31

Dat sa tasmani lena o God ken longoro a niaring anun a kum tene sakino, in longoro det kut ra det pam a petutna ra i wakak umatan o God ma det ser mur anun a nemnem.

Aposel 10:2

O Konelias ma det rop ra det kis una nun a rumu det a kum tene lotu mulus ma det ser urur torom o God. O Konelias i a tene etabor, i ser tabor a kum sibo na taro, ma a kum bung rop i ser wararing torom o God.

Aposel 10:22

Detul balu i lena, “O Konelias, a mugumugu anun ara mar na taro na inaim i tulu ru metul. O Konelias i ara tene tokodos ma a tene urur un o God, ma a taro Juda rop det ru i. A ensel anun o God i inanos tari lena, in itula pas ui utong una nun a rumu, sur in longoro anum tu wasiso.”

Aposel 13:42

O Pol ma o Banabas der pirso gusun a rumu na lotu, ra a taro det saring der sur der in milet una Bung na Sabat sapat, sur der in wasiso melet torom det una kum utna ri.

Aposel 13:43

Ra a taro det wan susuaro gusun a rumu na lotu, a susut na te Juda ma det kai a taro gisen ra det ruk una lotu Juda ma det lotu nama lingmulus, det mur o Pol ma o Banabas. Der wasiso torom det, ma der uragot det, sur det in tur dekdek una marmaris anun o God.

Aposel 13:50

Ikut a kum te Juda, det ukatutur a nuknukin a kum mugumugu na ino ra det ser urur torom o God, ma a nuknukin a kum mugumugu na musano kai tagun a tamon ra, sur det in ban laulau o Pol ma o Banabas. Ma det lakro ru der gusun anundet a papor.

Aposel 16:14

Ara ino tagun det ra det longoro met, a risano o Lidia, a ino tagitong o Taiataira, a tene siuru pepol na malu ma a tene lotu torom o God. Ra a Labino i pukus pas anun a nilaun sur in mur a kum wasiso ra o Pol i watungi.

Aposel 17:4

Ara taro Juda ma a susut na te Grik ra det lotu torom o God, ma a susut na mugumugu na ino kai, det nurnur ma det mur o Pol ma o Sailas.

Kolosi 4:11

O Iesu, ara risano kai o Jastus, i kai i pitar anun a marmaris torom mot. Detul ri, detul a tulu te Juda ra detul nurnur, ma detul sot kut tagun a taro Juda, detul papam tomo nam iau sur a matanitu anun o God. Ma detul udekdek iau.