Aposel 18:6 - Nupela Testamen long tokples Kandas

⁶ Ikut a taro Juda det wasiso batbat o Pol ma det watung a kum sakino wasiso uni. Ra o Pol i tutupu anun in namalu, a ukinalong lena, in rosumur gusun det. Ma i watungi tandet lena, “Ra mot in iru una warkurai anun o God, i kibino un mot ut, ma iau, a langolango. Turpasi uniri, an nan mukut torom det ra awu sur a taro Juda.”

Aposel 18:6 Iomraidhean Croise

Matiu 10:14

Ra taio ken gas pas mot, ma ken longoro anumot a wasiso, ra mot in nan gusun anun a rumu, o a tamon ra, mot in tang ru a kubus gusun a kikimot.

Matiu 21:41

Det balu i lena, “In um doko rop ru a sakino taro ra, ma in pitar tar a kinobot ra torom lako taro na pinapam gisen, sur det in tamtamabati. A taro na pinapam maragom ra, det in pitar tar anunu lako kum kur wain toromi una kalang na nginigit.”

Matiu 21:43

I mo ra a watungi tamot lena, din rakon ru a matanitu anun o God gusun mot, ma din pitari tan ara taro ra det in wu a wakak na windet.”

Matiu 22:10

Ra a kum tultul det wan una kum kisapi, ma det ben tomo det rop ra det etorom det, a kum sakino taro ma a kum wakak na taro kai, ma a lukaro na unolin i bukus nam det.

Matiu 27:25

A taro rop det balu i lena, “I wakak kut, a warkurai na minabalu una gapino in kis un met ma una kum nutnutumet kai.”

Matiu 8:11

A watungi tamot lena kura numur a susut na taro det in nan tagitiro na matmatano tobar ma a matmatano lubur, ra det in kis tomo nam o Abaram, o Aisak ma o Jekop una lukaro una matanitu sapat una langit.

Luk 22:65

Ma det mang sakosako i nama susut na wasiso utkai.

Luk 9:5

Ra lako taro ka det in gas pas mot, ra mot in nan gusun anundet a tamon, mot in tang ru a kubus gusun a kikimot, sur a ukinalong na utumarong torom det.”

Aposel 13:51

Ra der tang ru a kubus gusun a kum kikinder sur a ukinalong lena o God i sa rosumur gusun det. Numur der wan utong o Aikoniam.

Aposel 26:11

A susut na dino a ruk una kum rumu na lotu sur an ukadik det, ma a ser ungongos det sur det in wasiso laulau un o Iesu. A ser kankan dekdek torom det, ra a ser wan una ramano kum tamon gisen, sur an sio pas det ma an ukadik det.

Aposel 26:20

A warawai mugu torom a taro tong o Damaskus, ma numur sapat o Jerusalem ma una kum tamon una papor Judia rop, ra numur torom det kai ra awu sur a taro Juda. A warawai lena, det in nukpukus, ma det in tupukus torom o God, ma det in pam a kum pinapam, sur in ese i lena det sa nukpukus.

Aposel 28:28

Ra o Pol i watungi tandet lena, “I mo ra mot in tasmani lena, a pinapam anun o God ra i ulaun pas a taro, i sa wan torom det ra awu sur a taro Juda. Ra det, det na rakoni!”

A Pas anun o Pol torom a taro Rom 3:29

Pepetlai, o God i a God anun a taro Juda kut? Pepetlai, i a God anun a taro gisen utkai? Lingmulus, i a God anun a taro gisen utkai.

1 Timoti 5:22

Gong u ubek lakit aru lamam netes un taio ma u wasiso udani sur a pinapam anun a Labino. Ma gong u mur a taro una sakino petutna. Un tumarong anum a nilaun sur in tokodos.

2 Timoti 2:25

Det ra ka det nem anun a etowo, in ukodos wowowon det, sako o God in mulaot pas det sur det in nukpukus, ma det in tasman a lingmulusino.

1 Pita 4:14

Ra di watung laulau mot uni mot tagun o Karisito, mot dan. Uni a Nion o God, a Nion na minamar, i kis tomo nam mot.

1 Pita 4:4

Ra uniri, a kum paspasa mot det kisin doko, ra ka mot nemi melet mo sur mot in pam a kum laulau na petutna ra, tomo nam det, ra det watung laulau mot.