Aposel 18:4 - Nupela Testamen long tokples Kandas

⁴ Una kum Bung na Sabat i wasiso tomo nam det una rumu na lotu anun a taro Juda, sur in ukatutur a nuknukin a taro Juda, ma det kai ra awu sur a taro Juda, sur det in nurnur un o Iesu.

Aposel 18:4 Iomraidhean Croise

Luk 16:31

Ra o Abaram i balu meleti lena, ‘Ra ka det longoro o Moses ma a kum poropet, ra taio kai in katutur melet gusun a minat, ken ukatutur pas anundet a nurnur.’”

Luk 4:16

O Iesu i wanpat tiro o Nasaret, a tamon ra i labo pat iai, ma i ruk una rumu na lotu una Bung na Sabat, elar nama nun a petutna ut, ma i tur sur in luluk.

A Wakak na Wasiso un o Iesu Karisito o Jon i tumusi 7:35

A ramano kum te Juda det ting etetalai det lena, “A musano ri in nan mo urai, ra ka dat in sio lar pasi? Pepetlai, in nan sur a kum tamon anun a taro Grik ra anundat a taro det kis iai? Kutiro in ususeri mo a taro Grik?

Aposel 13:14

O Pol ma o Banabas der katutur melet pas tagitong o Perga ra der wan utong o Antiok una papor Pisidia. Ma una Bung na Sabat der ruk una rumu na lotu anun a taro Juda, ra der kis tiro iai.

Aposel 14:1

O Pol ma o Banabas der ruk una rumu na lotu anun a taro Juda tong o Aikoniam ma der wasiso, elar nama ngasino ra der ser pami una kum tamon. Anunder a wasiso i talapor ra a susut na taro Juda det nurnur uni, ma a susut na taro gisen kai.

Aposel 17:11

Det ri det wakak tandet tong o Tesalonaika, uni det rakon a wasiso ri nama gasgas, ma det luk wakak a kum wasiso tagun a Buk Tabu una kum bung rop, sur det in tama a wasiso anun o Pol, ra i lingmulus o awu.

Aposel 17:17

I ruk una rumu na lotu anun a taro Juda, ra i wasiso tomo nama ramano taro Juda, ma a taro gisen kai ra det lotu torom o God. Ma una kum bung rop, i wasiso kai tomo nam det ra i pastorom det una nubual na inawan tomo.

Aposel 18:13

Ma det takuni lena, “A musano ri i lari sur in pukus a nuknukin a taro sur det in lotu torom o God nama ngasino ra ke elar nama kum warkurai anumet a taro Juda.”

Aposel 18:19

Ra detul sot tong o Epeses, o Pol i wan pas gusun der tiro iai, ra i ruk una rumu na lotu, ma det wasiso tomo nama taro Juda.

Aposel 19:26

Nin o Epeses, ma una kum tamon rop nin una papor Asia, a musano ra, o Pol, i pukus a nuknukin a susut na taro, ma i ben raro det, ra i inanos det lena, a kum god ra dat ser pami nama lamandat, awu sur a kum god.

Aposel 19:8

O Pol i ser ruk una rumu na lotu, ma i wasiso nama dekdek ma ke ngara. I lari sur in pukus pas a nuknukin det sur a matanitu anun o God. I pami lenra i elar nama tulu kalang.

Aposel 26:28

Ra o Agripa i ting o Pol lena, “Pepetlai, u nuki lena un tu kukur du bung kut, un pukus pas iau, sur an nanpat a te Karisito?”

Aposel 28:23

Det nam o Pol det kubus pas ara bung sur det in wasiso. A susut na taro det wanpat toromi, una rumu ra i kis uni. I turpas a wasiso una kobot ma i tuk una lirop. I papalos torom det una matanitu anun o God. Ma i papalos utkai una Warkurai anun o Moses ma a kum tumtumus anun a kum poropet, sur in ukatutur a nuknukin det sur det in nurnur un o Iesu.

Aposel 9:20

Uniutra i turpasi sur in warawai una kum rumu na lotu anun a taro Juda. I warawai un o Iesu lena, i a Nutun o God.

2 Korin 5:11

I mo ra met papam doko sur met in ukatutur a nuknukin a taro sur det in nurnur, uni met ngara sur a Labino. O God i talapor un met lena, met osi na ngas na taro, ma a nurnur lenri mot kai mot talapor un met.