Aposel 18:2 - Nupela Testamen long tokples Kandas

² Tiro iai der etorom pas nama ara te Juda, a risano o Akuila. I tagitong o Pontus, ma anun a ino, a risano o Prisila. Ke suano i kut ra der wanpat taru tagitong o Itali, uni a Sisa Klaudius i pitar tar a warkurai, sur a taro Juda rop det in nan gusun o Rom, i ra a labino tamon tong o Itali. Ra o Pol i wan torom der.

Aposel 18:2 Iomraidhean Croise

Aposel 11:28

Ara tagun det, a risano o Agabus, i tur, ra i wasiso nama dekdekin a Tokodos na Nion. I wasiso mugu taru una labino munurak ra in nanpat una rakrakon bual rop ra i kis utuntudu ina warkurai anun a taro Rom. A munurak ri i wanpat una kilalo ra o Klodius i mugumugu tagun a gapman.

Aposel 18:18

Ra o Pol i sa kis suano pasi tong o Korin, i wan gusun det ra det tar tistisino una nurnur, ma i wan utong o Senkria. Tiro iai, di kumur rop ru a iwu na lorino, sur in ese i lena, i sa pam sot pas anun a liliman torom o God. Ra detul nam o Prisila ma o Akuila detul kas una sip utong una papor Siria.

Aposel 18:26

I ruk una rumu na lotu, ra i turpas a wasiso ma ke ngara. Ra o Prisila ma o Akuila der longoro i, der ben pasi, ma der palos wakak a Kisapi anun o God toromi.

Aposel 2:9

Dat a kum te Patia, a kum te Midia, a kum te Elam, ma dat tagitong una kum papapor Mesopotemia, Judia, Kapadosia, Pontus, Asia,

Aposel 27:1

Ra di sa warkurai tari sur met in kas una sip utong o Itali, di pitar tar o Pol, ma a ramano kum karabus kai, tan ara mugumugu a risano o Julias, ara tagun a taro na inaim anun a Sisa.

Aposel 27:6

Tiro iai, ara sip tagitong o Aleksanderia, in nan utong o Itali. O Julias i sio pasi ra i ukas tar met uni.

1 Korin 16:19

A taro na lotu una kum tamon nin una papor Asia det pitar anundet a marmaris torom mot. O Akuila ma o Prisila ma a taro na lotu kai ra det ser lotu tomo una nunder a rumu, det pitar anundet a labino marmaris torom mot una risan a Labino.

2 Timoti 4:19

Un pitar anung a marmaris torom o Prisila ma o Akuila, ma det ra kura det kis tomo una rumu anun o Onesiporus.

Ibru 13:24

Mot in pitar anumet a marmaris torom anumot a kum mugumugu rop, ma torom a taro rop anun o God. Det kai tagitong o Itali det pitar anundet a marmaris torom mot.

1 Pita 1:1

Iau o Pita, a aposel anun o Iesu Karisito, a tumtumus torom mot ra o God i sa pilok pas mot, ma mot kis sarara elar nama kum usiro una kum papor Pontus, Galesia, Kapadosia, Asia ma o Bitinia.