Aposel 17:3 - Nupela Testamen long tokples Kandas

³ I watung palosi ma i upuaso i lena, i sot ut sur a Karisito in los a ngunungut ma in mat ma in katutur melet gusun a minat. Ma i watungi kai lena, “O Iesu ri a inanos mot nami, i ut a Karisito ra o God i tulu ru i urin.”

Aposel 17:3 Iomraidhean Croise

Luk 24:32

Ra der wasiso etalai torom der lena, “I lingmulus ut, in balandar i pirok nama gasgas ra i wasiso torom dar, ra datul wan nanan una kisapi ma i palos tar a wasiso na Buk Tabu torom dar.”

Luk 24:44

Ma i watungi tandet lena, “Ra a kis utmakai tomo nam mot, a sa inanos tar mot lenri: A kum utna rop ra di sa tumus tari un iau, una Warkurai anun o Moses, una wasiso anun a kum poropet ma una Kum Kelekele anun o Dewid din pam sot rop pasi.”

Luk 24:46

I watungi tandet lena, “Di sa tumus tari lenri: A Karisito in iru, ra a tulu bung in rop, in katutur melet gusun a minat,

A Wakak na Wasiso un o Iesu Karisito o Jon i tumusi 20:9

Ka der talapor utmakai una wasiso na Buk Tabu ra i watungi lena, o Iesu in katutur melet gusun a minat.

Aposel 1:4

Un ara bung tagun a kum bung numur tan anun a katkatutur melet gusun a minat, det kis tomo una inangon, ra i turbat det lena, “Gong mot wan gusun o Jerusalem, mot in kis langlang pas a Tokodos na Nion, ra o Tita i sa uliliman taru uni, ra a sa inanos tar mot nami.

Aposel 18:28

I balu dekdek a wasiso anun a taro Juda umatan a taro, ra i ulingmulusi nama wasiso na Buk Tabu lena, o Iesu ut a Karisito.

Aposel 18:5

Ra o Sailas ma o Timoti der wanpat tagitong una papor Masedonia, o Pol ke mana nama warawai nama wasiso anun o God, ma i upuaso i torom a taro Juda lena, o Iesu i a Karisito ra o God i tulu ru i urin.

Aposel 3:18

Ikut una kum utna ri mot pami, o God i pam sot pas a kum utna ra i sa watung mugu tari nama wasiso anun a kum poropet rop, lena anun a Karisito in mat.

Aposel 9:22

Ma a warawai anun o Sol i dekdek ra i watung a kum utna ra i ulingmulus pasi lena, o Iesu i ut a Karisito. Ma a taro Juda ra det kis tiro o Damaskus det nuknuk doko una nun a wasiso, ma ka det pet lar pasi sur det in balu i.

Galesia 3:1

A taro Galesia, mot a kum longlong! Osi mo ra i sangsagor, ra i ulokolokor a nuknuki mot? A sa inanos talapor tar mot una minat anun o Iesu Karisito unin nanai kutus, i elar nami ra mot ut mot tama i.