Aposel 17:26 - Nupela Testamen long tokples Kandas

²⁶ O God i ukis tar a mugano musano. Ra tagun a musano ra, a kum kabotaro rop det wanpat taguni, ma det kis una rakrakon bual rop. Una nuknukino ut i nuki lena det in kis awai, ma nangisin det in nanpat, ma nangisin det in rop melet.

Aposel 17:26 Iomraidhean Croise

Aposel 14:17

Ikut o God ke dumano mot, i ukis tar a kum utna sur mot in tasmani lena, i ut o God. Una nun a marmaris i tabor mot nama bato tagisapat una bakut, ma a kum duwai det wu una kalangin det ut. I tabor mot nama utna na inangon, ma i ubukus mot nama gasgas.”

1 Korin 15:22

Uni, un o Adam, a taro rop det in mat, lenkutkai ra a taro rop un o Karisito det in utur ukai a nilaun.

1 Korin 15:47

A mugano Adam i taginin upiso, ma o God i pami nama piso. A manru na Adam tagisapat una langit.

Ibru 2:3

Ra i lenra, in pepetlai torom dat, ra dat rosumur gusun a labino pinapam na ulaun a taro ra o God i sa pam tari? Ka dat in kalabor eno lar pas gusun anun a warkurai na minabalu. A pinapam na ulaun a taro, a Labino ut i sa wasiso puaso mugu taru uni. Ma det ra det longoro in nalngano, det upuaso i torom dat lena i lingmulus sakit.