Aposel 17:2 - Nupela Testamen long tokples Kandas

² O Pol i ruk torom det una rumu na lotu elar nami ra i ser pami. Una tulu Bung na Sabat i wasiso tomo nam det una Buk Tabu.

Aposel 17:2 Iomraidhean Croise

Matiu 26:24

A Nutun a Musano in mat elar nami ra di sa tumus tari una Buk Tabu. Ikut in laulau sakit torom a musano ra in pitar tari torom a kum ebar. In wakak toromi ra ka din ususi, sur gong i taramo a dekdek na warkurai ra uni.”

Luk 4:16

O Iesu i wanpat tiro o Nasaret, a tamon ra i labo pat iai, ma i ruk una rumu na lotu una Bung na Sabat, elar nama nun a petutna ut, ma i tur sur in luluk.

A Wakak na Wasiso un o Iesu Karisito o Jon i tumusi 18:20

O Iesu i balu i lena, “A sa wasiso talapor umatan a taro rop, ma a ser ususer det una kum rumu na lotu ma ubalan in noworo ina rumu na etabor, ra a taro Juda det ser wan tomo iai. Ka inanos eno tar det un tu utna.

Aposel 13:14

O Pol ma o Banabas der katutur melet pas tagitong o Perga ra der wan utong o Antiok una papor Pisidia. Ma una Bung na Sabat der ruk una rumu na lotu anun a taro Juda, ra der kis tiro iai.

Aposel 13:5

Der wanpat tong o Salamis, ra der warawai nama wasiso anun o God, una kum rumu na lotu anun a taro Juda. Detul wan tomo nam o Jon, anunder a tene warut.

Aposel 14:1

O Pol ma o Banabas der ruk una rumu na lotu anun a taro Juda tong o Aikoniam ma der wasiso, elar nama ngasino ra der ser pami una kum tamon. Anunder a wasiso i talapor ra a susut na taro Juda det nurnur uni, ma a susut na taro gisen kai.

Aposel 17:10

Una bung na mirum ut ra, det ra det tar tistisino una nurnur det tulu lakit ru o Pol ma o Sailas utong o Beria. Numur ra der wanpat tiro iai, der ruk una rumu na lotu anun a taro Juda.

Aposel 17:17

I ruk una rumu na lotu anun a taro Juda, ra i wasiso tomo nama ramano taro Juda, ma a taro gisen kai ra det lotu torom o God. Ma una kum bung rop, i wasiso kai tomo nam det ra i pastorom det una nubual na inawan tomo.

Aposel 18:4

Una kum Bung na Sabat i wasiso tomo nam det una rumu na lotu anun a taro Juda, sur in ukatutur a nuknukin a taro Juda, ma det kai ra awu sur a taro Juda, sur det in nurnur un o Iesu.

Aposel 19:8

O Pol i ser ruk una rumu na lotu, ma i wasiso nama dekdek ma ke ngara. I lari sur in pukus pas a nuknukin det sur a matanitu anun o God. I pami lenra i elar nama tulu kalang.

Aposel 24:25

O Pol i wasiso una tokodos na petutna, ma una petutna ra taio in tamtamabat wakak anun a nilaun, ma una bung na warkurai kai anun o God ra numur in nanpat, ra o Peliks i ngara, ra i watungi lena, “Pol, un nan munung. Un tu bung ra an langolango, an itula melet sur ui.”

Aposel 28:23

Det nam o Pol det kubus pas ara bung sur det in wasiso. A susut na taro det wanpat toromi, una rumu ra i kis uni. I turpas a wasiso una kobot ma i tuk una lirop. I papalos torom det una matanitu anun o God. Ma i papalos utkai una Warkurai anun o Moses ma a kum tumtumus anun a kum poropet, sur in ukatutur a nuknukin det sur det in nurnur un o Iesu.

Aposel 8:35

Ra o Pilip i turpas a papalos toromi. I inanosi una Wakak na Wasiso un o Iesu, turpasi ut una buk ra a te Itiopia i luki.

Aposel 9:20

Uniutra i turpasi sur in warawai una kum rumu na lotu anun a taro Juda. I warawai un o Iesu lena, i a Nutun o God.

1 Korin 15:3

Uni a wasiso ra i labo doko, ra a sa los pasi, a sa pitar tari tamot. A wasiso ra i lenri: O Karisito i mat una nundat a kum sakino petutna, elar nami ra di sa tumus tari una Buk Tabu.