Aposel 16:6 - Nupela Testamen long tokples Kandas

⁶ A Tokodos na Nion i turbat detul sur gong munung detul warawai nama Wakak na Wasiso, tong una papor Asia. Ra detul wan tuptupukus kut tong una ru papor, Pirigia ma o Galesia.

Aposel 16:6 Iomraidhean Croise

Luk 1:2

A taro ra det sa tama tar a kum utna ri numugu, ma det ser ususer a taro una Wakak na Wasiso, det ut det inanos met una kum utna ri.

Aposel 10:19

Ra o Pita i nuknuk utmakai una tamtama ra, a Tokodos na Nion i watungi tano lena, “Tama i! A tulu musano detul sisio sur ui.

Aposel 11:12

Ra a Tokodos na Nion i inanos iau sur an nan tomo nam detul, ma gong a nuknuk larlar uni. Ma a wonom na musano kai ri, ra met tar tistisino una nurnur met wan tomo nam detul utong o Sisaria ra met ruk una rumu anun a musano ra i itula sur iau.

Aposel 16:7

Detul wanpat una tuktuk ina papor Misia, ra detul nemi sur detul in nan utong una papor Bitinia, ikut a Nion o Iesu ke mulaot sur detul in nan utong.

Aposel 18:23

Ra i sa kis pas a susut na bung tiro iai, i wan melet pas gusun det. Ra i wan tuptupukus una kum tamon una ru papor Galesia ma o Pirigia, ma i udekdek a nurnur anun a taro na ususer rop.

Aposel 19:10

Aru kilalo i ser pami lenra. Ra det rop ra det kis una papor Asia, a taro Juda ma a taro ra awu sur a taro Juda kai, det longoro a wasiso anun a Labino.

Aposel 20:16

O Pol i sa pam tari una nuknukino sur in nan sakiti kut o Epeses, sur gong melet mo i balon tong una papor Asia, uni i nemi sur in nan lakit usapat o Jerusalem sur in kis sapat, una bung na Pentikos.

Aposel 20:28

“Mot in tamtamabat wakak taru un mot, ma a kum sipsip kai, ra a Tokodos na Nion ut i sa pitar tari torom mot sur mot in tamtamabat det. Mot in tamtamabat a taro na lotu anun o God, ra i sa kul pas det nama gapino ut.

Aposel 20:4

Ma o Sopata, a te Beria, a nutun o Pairas, ma o Aristakus ma o Sekundas, aru te Tesalonaika, ma o Gaius a te Derbe, ma o Tikikus ma o Tropimus, aru te Asia, ma o Timoti, det wan tomo nam o Pol.

Aposel 21:27

Ra milau a wonom mawit na bung na utalapor in rop, a ramano taro Juda tagitong una papor Asia, det tama pas o Pol ubalan in noworo ina rumu na etabor. Ma det usungun balan a taro sur det in kankan torom o Pol ra det pam ukai pasi.

Aposel 6:9

Ikut ara taro Juda det engaras nam o Stiwen. A taro ri tagun a rumu na lotu ra di watungi lena, Anun a Langolango na Taro. Det tagun aru tamon, o Sairini ma o Aleksanderia ma tagitong una ru papor, o Silisia ma o Asia.

Aposel 8:29

Ra a Tokodos na Nion i watungi tan o Pilip lena, “Un nan milau a karis, ma un nan tomo nami.”

A Pas anun o Pol torom a taro Rom 16:5

Mot in pitar anung a marmaris kai torom a taro na lotu ra det ser lotu tomo una nunder a rumu. Mot in pitar anung a marmaris torom a wakak na pasang o Epenetus, i a mugano musano tagitong una papor Asia ra i nukpukus ma i nurnur un o Karisito.

1 Korin 12:11

Ara Nion sot kut ra i pam a kum pinapam rop ri. Ma una nun a nemnem ut, i tabor arara taktakai.

1 Korin 16:1

An inanos mot un asau ra mot in pami nama mani ra mot woro tomo i sur a taro anun o God ra det kis sapat o Jerusalem. Mot in pami elar nami ra a sa inanos tar a taro na lotu una kum tamon tong una papor Galesia sur det in pami.

1 Korin 16:19

A taro na lotu una kum tamon nin una papor Asia det pitar anundet a marmaris torom mot. O Akuila ma o Prisila ma a taro na lotu kai ra det ser lotu tomo una nunder a rumu, det pitar anundet a labino marmaris torom mot una risan a Labino.

2 Korin 1:8

A kum tistisi met, met nemi sur mot in tasman a kum ngunungut ra i los met una kum tamon tong una papor Asia. Met taramo a labino mamaut doko. Ka met dekdek mo, ma ka met nuki mo lena, met in laun.

Galesia 1:2

A kum tistising rop ra met kis tomo nin, det mulaot tomo nam iau sur an tumus a pas ri torom mot, a kum tene nurnur rop tiro una papor Galesia.

Galesia 3:1

A taro Galesia, mot a kum longlong! Osi mo ra i sangsagor, ra i ulokolokor a nuknuki mot? A sa inanos talapor tar mot una minat anun o Iesu Karisito unin nanai kutus, i elar nami ra mot ut mot tama i.

2 Timoti 1:15

U tasmani lena a taro rop, ra det kis una papor Asia, det sa wan pas gusun iau. O Pigelus ma o Emogenes aru tagun det.

2 Timoti 4:10

uni o Demas i sa wan pas gusun iau, uni i nem a kum utna tagun a rakrakon bual, ra i sa wan utong o Tesalonaika. O Kresens i wan utong una papor Galesia ma o Taitus i wan utong una papor Dalmatia.

Ibru 11:8

Una nun a nurnur, o Abaram i mur a wasiso ra o God i kabo pasi sur in nan sur a tamon ra o God i sa uliliman tari sur numur anunu. I wan, ikut ke tasman a tamon ra i wan suri.

1 Pita 1:1

Iau o Pita, a aposel anun o Iesu Karisito, a tumtumus torom mot ra o God i sa pilok pas mot, ma mot kis sarara elar nama kum usiro una kum papor Pontus, Galesia, Kapadosia, Asia ma o Bitinia.

Tamtama 1:11

I watungi lena, “Asau ra u tama i, un tumus ukai i una buk ra di puli ma un pitar ru i utong torom a kum tene lotu una wonom mawit na tamon ri: o Epeses, o Smerna, o Pergamum, o Taiataira, o Sardis, o Piladelpia ma o Laodisia.”

Tamtama 1:4

Iau o Jon, a tumtumus torom mot a taro na lotu una wonom mawit na tamon tong una papor Asia. A marmaris ma a malmal torom mot tan o naro ra i laun numugu, i laun uniri ma numur in nanpat, ma tan a wonom mawit na nion kai ra det tur numugu tan anun a kiskis na king,