Aposel 16:23 - Nupela Testamen long tokples Kandas

²³ Ra di sa miras dekdek tar der, di uruk tar der una karabus, ma di inanos tar a tene tamtamabat sur in tamtama dekdek taru un der.

Aposel 16:23 Iomraidhean Croise

Matiu 26:48

O naro ra in pitar tar o Iesu ulaman a kum ebar i sa inanos mugu tar a kunur na taro una ukinalong ra in pami lenri, “O naro ra an gom a pangpagor na wano, i ut ra. Mot in pam ukai i.”

Luk 21:12

“Numugu ra a kum utna ri ka det wanpat utmakai, din dat pas mot, din ukadik mot, ma din dat mot una kum rumu na lotu sur a warkurai, ma din uruk mot una kum karabus. Ma din dat pas mot sur a warkurai sa numugu umatan a kum king, ma a kum lamlabino mugumugu, uni mot anungi.

Aposel 12:18

Ra una kobot, a kum tene inaim det sisio sur o Pita, ma a nuknukin det i talara lena, “Awai mi uniri?”

Aposel 12:4

Ra i sa dat pas o Pita, i uruk tari una karabus. Ra a noino ma wonom na tene inaim det tamtamabati. Det ukukeles, a wat det munung, numur a wat det bulung, i lenkutra. O Erod i nemi sur in ben pirso i sur din warkurai i umatan a taro, numur tan a kum lamlabino bung na lotu na Wanlakai.

Aposel 16:27

A tene tamtamabat i tuangun, ra i tama a kum matansako det sa papos. I dat pirso pas anun in totok na inaim sur in um doko i ut nami, uni i nuki lena a kum karabus det sa kalabor song.

Aposel 16:36

Ra a tene tamtamabat i inanos o Pol lena, “A kum tene warkurai det itula sur din palos ru mur. Uniri mur in pirso, ma mur in nan nama malmal.”

Aposel 5:18

Ra det pam ukai pas det, ma det uruk det una karabus.

Aposel 5:23

“Met wanpat una karabus, ra met tama i lena di sa tagar dekdek tari, ma a kum tene tamtamabat det tur ut una kum matansako, ikut ra met papos, ka met tama det mo.”

Aposel 8:3

Ra o Sol i ban laulau a taro na lotu. I ruk una nundet a kum rumu, i dat pas a kum musano ma a wardain, ra i uruk tar det una karabus.

Aposel 9:2

ra i saringi lena, “Un tumus tar lako kum pas, sur an losi utong una kum rumu na lotu tong o Damaskus.” A mugumugu i tumus tari una kum pas lena, ra in barato lako kum musano ma wardain, ra det mur a Kisapi anun o Iesu, in ker pas det ma in ben det usapat o Jerusalem.

2 Korin 11:23

Det a kum tultul anun o Karisito, niko? Iau a wakak na tultul tandet rop. A wasiso elar nama longlong. A papam dekdek bing tandet rop, a sa kis papas una karabus, a kum inaim di pami un iau i dekdek sakit, a susut na dino milau an mat. A kum utna rop ri, ra di pami un iau, i labo taun a utna ra di pami un det.

2 Korin 6:5

Di um met, ma di uruk met una karabus ma di ukatutur a inaim torom met. Met papam dekdek, ka met inep una kum bung na mirum, ma met taramo a munurak.

Epeses 3:1

I mo ra iau o Pol, a wararing sur mot. Iau a karabus anun o Karisito Iesu, uni a papam torom mot ra awu sur a taro Juda.

Epeses 4:1

A kis una karabus uni a papam torom a Labino. Anung a dekdek na sasaring torom mot i lenri: Mot in laun elar nama nilaun ra o God i sa kabo pas mot suri.

2 Timoti 2:9

Ma a taramo a ngunungut, ma di ker iau elar nama tene sakino, uni a warawai nama Wakak na Wasiso. Ikut, a wasiso anun o God ka din turbat lar pasi.

Pilimon 1:9

Ikut, a saring wakak ui, uni a nem ui. Iau, o Pol, a sa takano, ma uniri a kis na karabus, uni a nurnur un o Karisito Iesu,

Tamtama 1:9

Iau o Jon, a tisimot ma a pasamot ra dat tur tomo una kum ngunungut, ma una matanitu anun o God ma una tuntunur dekdek ra dat taramo a ngunungut, uni dat anun o Iesu. A kis na karabus una ailan Patmos, uni a warawai nama wasiso anun o God ma nama wasiso talapor anun o Iesu.

Tamtama 2:10

Gong mot ngaran a kum ngunungut ra milau mo in monong mot. Tama i, o Satan in uruk tar a ramano taro tagun mot una karabus sur in lar mot, ma mot in taramo a ngunungut una noino bung. Ra a taro det nem na um doko mot, mot in tur dekdek ut una numot a nurnur, ra an pitar tar a nilaun torom mot elar nami ra di pitar a ikul torom taio ra i winim pas a kinalabor.