Aposel 16:2 - Nupela Testamen long tokples Kandas

² Det ra det tar tistisino una nurnur tong o Listra ma o Aikoniam, det watungi un o Timoti lena i a wakak na musano.

Aposel 16:2 Iomraidhean Croise

Aposel 1:15

Un ara bung epotor tan a kum bung ra, a kum tene nurnur det kis tomo. Det elar nam ara mar ma ru noino det. O Pita i tur ma i watungi lena,

Aposel 13:51

Ra der tang ru a kubus gusun a kum kikinder sur a ukinalong lena o God i sa rosumur gusun det. Numur der wan utong o Aikoniam.

Aposel 14:1

O Pol ma o Banabas der ruk una rumu na lotu anun a taro Juda tong o Aikoniam ma der wasiso, elar nama ngasino ra der ser pami una kum tamon. Anunder a wasiso i talapor ra a susut na taro Juda det nurnur uni, ma a susut na taro gisen kai.

Aposel 14:21

O Pol ma o Banabas der warawai nama Wakak na Wasiso tong o Derbe, ra der ususer a susut na taro ra det wanpat a kum nat na ususer. Numur der milet melet utong o Listra, Aikoniam, ma o Antiok.

Aposel 14:6

Ikut ra der longoro i, der wan gisen utong una papor Likonia, sur aru tamon o Listra ma o Derbe, ma a ramano kum tamon kai ra det kis milau.

Aposel 16:40

Ra der sa pirso gusun a karabus, der wan sur a rumu anun o Lidia. Tiro iai der tama det ra det tar tistisino una nurnur ra der uragot tar det. Numur der wan.

Aposel 6:3

A kum tistisi met, mot in pilok pas lako wonom mawit na wakak na musano tagun mot, det ra det mananos ma det bukus nama Tokodos na Nion, sur met in pitar tar a pinapam na etabor ri torom det.

Pilipai 2:22

Ikut mot sa tasman tar a magiran o Timoti, ra i papam tomo nam iau una warawai nama Wakak na Wasiso elar nama nat ra i papam tomo nam o tamano.

1 Timoti 3:7

I wakak sur a mugumugu i a ngas na musano ra a taro kai ra ka det ser lotu, det ser ru i. Ra awu, det in watung suri una nun a kum sakino petutna, ma in iru unin nukun anun o Satan.

1 Timoti 5:10

ra a taro rop det tasman anun a kum wakak na pinapam lenri: i ugu wakak a kum nat, i ser gas pas a taro una nun a rumu, i ser gos ru a kubus gusun a kikin a taro anun o God, i ser warut a taro ra a kum mamaut i los det, ma i pitar tar anun a nilaun sur a kum wakak na pinapam rop.

1 Timoti 5:25

Lenkutkai ra, una kum wakak na pinapam. A kum wakak na pinapam anun a ramano taro i sa wanpat talapor. Ikut, anun ara taro kai, ka din tama lele i uniri, numur ut in nanpat talapor.

2 Timoti 3:11

anung a kum mamaut, ma a kum ngunungut ra a taramo i. U tasman rop a kum lamlabino ngunungut ra a taramo i tong una tulu tamon ri: o Antiok, Aikoniam ma o Listra. Ikut a Labino ut i ulaun pas iau gusun a kum utna ri.

2 Timoti 3:15

ma u tasman a Buk Tabu turpasi ra u natlik utmakai. A Buk Tabu i utalapor a nuknukim, sur un nurnur un o Karisito Iesu, ra o God in ulaun pas ui.

Ibru 11:2

A kum lamlabino tagun numugu det nurnur lenra, ra o God i gas nam det ra i wasiso puaso un det lena det wakak, kibino una nundet a nurnur.