Aposel 16:16 - Nupela Testamen long tokples Kandas

¹⁶ Ara bung ra met wan sur a nubual na niaring, met etorom pas nam ara tultul na ino ra a laulau na nion kura uni, ma i ser wasiso mugu un asau ra in nanpat numur. Anun a kum mugumugu det ser los a labino mani tagun anun a pinapam.

Aposel 16:16 Iomraidhean Croise

Aposel 16:13

Una Bung na Sabat met pirso una matansako ina tamon ra, sur a danim, uni met nuki lena a nubual na niaring kura nisan a danim ra. Met kis taru, ma met wasiso nama wardain ra kura det sa kis tomo taru tiro iai.

Aposel 16:18

A susut na bung i pami lenra. Ra a pinin o Pol i sa ngoro nami, i tupukus, ra i watungi tan a laulau na nion lena, “Una risan o Iesu Karisito, a watungi tam, un pirso gusun a ino ri.” Uniutra a laulau na nion i pirso gusuni.

Aposel 16:19

A kum mugumugu anun a ino ra, det tasmani lena, ka det in tama melet lako mani mo gusuni. Ra det pam ukai pas o Pol ma o Sailas, ra det dat pas der torom a kum mugumugu una nubual na inawan tomo.

Aposel 19:24

Ara musano a risano o Dimitrius, a tene pam utna nama silwa. I ser pam a kum natnat na rumu na lotu anun a ino na god anundet, o Artemis, nama silwa. Ma a pinapam ri i pam pat a susut na mani torom o Dimitrius ma anun a taro na pinapam kai.

Galesia 5:20

a lotu torom a kum torotoro na god, a sangsagor, a petutna ra di nget a taro, a engaras, a nuknuk laulau un taio, a kankan, a nemnem sur a kinkinis na labino, a kinkinis sarara ma a tapagol susuaro,

1 Timoti 6:10

Uni a nemnem sur a mani, i a kimkibin a wur matano sakino petutna. Ma a ramano taro ra det ngara suri, det sa wan gisen gusun a nurnur, ma det ban laulau anundet a nilaun nama susut na mamaut.

2 Timoti 3:8

A kum ngas na musano lenra, det turbat a lingmulus na etowo, elar nam o Janes ma o Jambres der turbat o Moses. A nuknukin det i laulau doko ma anundet a nurnur awu sur i lingmulus.

2 Pita 2:3

Una nundet a labino nemnem sur a mani, det in usobor pas mot nama kum torotoro na wasiso, sur det in los anumot a mani. Ikut tagitiro numugu utmakai, o God i sa waninar tar anundet a warkurai na minabalu, ra milau mukut in nanpat un det.