Aposel 16:15 - Nupela Testamen long tokples Kandas

¹⁵ Ra di sa baptaiso tar o Lidia ma det kai ra det kis una nun a rumu, i ben pas met, ra i watungi lena, “Ra mot nuki lena a nurnur una Labino, mot in ruk una nung a rumu, ma mot in kis uni.” Ra i ungongos pas met.

Aposel 16:15 Iomraidhean Croise

Matiu 10:41

Osi ra in gas pas a poropet uni i tasmani lena, i a poropet, in losi utkai a ngas na ikul elar nama poropet in losi. Ma osi ra in gas pas a tene tokodos, uni i tasmani lena, i a tene tokodos, in losi utkai a ngas na ikul elar nama tene tokodos in losi.

Matiu 3:6

Det watung puaso anundet a kum sakino petutna, ra i baptaiso det una danim Jodan.

Luk 14:23

A labino i watungi tan a tultul lena, ‘Un nan sur a kum tartarai na kisapi ma a kum natnat na kisapi sa ubual, ma un ungongos pas a taro sur det in ruk, sur anung a rumu in bukus wakak.

Luk 24:29

Ma der turbat dekdeki lena, “Un kis tomo nam mir, uni i sa lirop. In matanas i ling na sup mo.” Ra detul ruk ma i kis tomo nam der.

Aposel 11:14

In inanos ui un lako kum wasiso ra in ulaun ui tomo nam det rop ra det kis una num a rumu.’

Aposel 16:31

Ra der balu i lena, “Un nurnur una Labino o Iesu, ra o God in ulaun ui tomo nam det ra det kis una num a rumu.”

Aposel 16:33

Una bung na mirum ut ra, a tene tamtamabat i ben pas der, ma i gos a kum kinano lokono kadas ra kura una pininder. Ra uniutra di baptaiso a tene tamtamabat, ma det rop ra det kis una nun a rumu.

Aposel 16:34

I ben pas der utiro una nun a rumu, ma i tabor der nama utna na inangon. I gas sakit, ma anun a taro kai det gas, uni det sa nurnur un o God.

Aposel 18:8

O Krispus, ara mugumugu tagun a rumu na lotu, ma det rop kai, ra det kis una nun a rumu, det nurnur una Labino. Ma a susut na taro Korin, ra det longoro a warawai anun o Pol, det nurnur, ma di baptaiso det.

Aposel 8:12

Ikut uniri, a kum musano ma a wardain det nurnur una Wakak na Wasiso ra o Pilip i warawai nami, una matanitu anun o God, ma una risan o Iesu Karisito, ma di baptaiso det.

Aposel 8:38

Ra i turbat a karis sur in tur. Numur der wan pirso sur a danim, ra o Pilip i baptaiso i.

A Pas anun o Pol torom a taro Rom 16:23

O Gaius i pitar anun a marmaris torom mot. A musano ri i gas pas iau, tomo nama taro na lotu rop, ma i papos anun a rumu torom met. Ma o Erastus a tene tamtamabat a mani tagun a tamon ri, ma o Kwatus a tisindat, der kai der pitar anunder a marmaris.

2 Korin 12:11

A sa watung tar a kum longlong na wasiso ri, uni ka mot nuki lena iau a aposel mulus. I lingmulus ut, iau a musano oros kut, ikut i tokodos sur mot in tama lele iau lena iau a aposel mulus, uni ka natino tandet ra mot watung det a kum lamlabino aposel.

2 Korin 5:14

A marmaris anun o Karisito i ukatutur met, sur met in papam toromi. Uni met tasman mulusi lena, o Karisito i mat sur dat rop. Ra lenra, dat rop dat mat tomo nami.

Galesia 6:10

Ra dat in pet lar pasi, dat in pam a wakakino torom a taro rop. Dat in pam mugu i torom a kum tene nurnur, ma numur torom a taro gisen kai.

Epeses 1:1

Iau o Pol, a aposel anun o Karisito Iesu una nemnem anun o God. A tumus a pas ri torom mot a taro anun o God ra mot kis tiro o Epeses, mot a kum lingmulus na tene nurnur un o Karisito Iesu.

Pilipai 1:7

I tokodos sur an nuknuk lenri un mot rop, uni mot kis mulus una nuknuking. Dat rop dat tur tomo una pinapam ra o God i pitar tari tang una nun a marmaris. Dat tur tomo ra a kis una karabus, ra a wasiso balu det ra det watung laulau a Wakak na Wasiso, ra a upuaso i torom a taro.

Pilimon 1:17

Ra u nuki lena dar pasano, un gas melet pas o Onesimus, elar nami ra un gas pas iau ut.

Ibru 13:2

Gong mot dumano i sur mot in gas pas a kum usiro. Uni ara taro ra det pam a ngasino ra, det sa gas pas a kum ensel, ikut ka det tasmani.

1 Pita 5:12

O Sailas i warut iau ra a tumus a nat na pas ri torom mot. O Sailas a tising una nurnur, ra a nurnur doko uni. Una pas ri, a nemi sur an udekdek mot ma an wasiso talapor una marmaris mulus anun o God. Mot in tur dekdek uni.

2 Jon 1:10

Ra taio in nan torom mot nam tu ngas na etowo gisen, gong mot gas pasi ma gong mot ben ruki una numot a kum rumu.

3 Jon 1:5

A wakak na pasang, u lingmulus una pinapam ra u pami torom a kum tistisin dat, ra det usiro pat torom ui.

3 Jon 1:8

Lenra, i wakak sur dat in warut a ngas na taro ra, sur dat in papam tomo nam det sur a lingmulusino in nan sarara.