Aposel 16:12 - Nupela Testamen long tokples Kandas

¹² Ra met wan tagitiro o Neapolis utong o Pilipai. A tamon ra, i labo sakit taun a kum tamon rop tong una papor Masedonia, ra a taro Rom det kis iai. Ra met kis pas a kabano bung tiro una tamon ra.

Aposel 16:12 Iomraidhean Croise

Aposel 16:10

Ra i sa tama tar a tamtama ra, uniutra met waninar pas sur a inawan utong o Masedonia, uni met tasmani lena o God ut i sa kabo pas met sur met in warawai torom det nama Wakak na Wasiso.

Aposel 16:21

Der ususer a taro una kum utna ra ke tokodos sur dat a taro Rom dat in longoro i, ma dat in muri.”

Aposel 16:9

Una mirum, o Pol i tama ara tamtama. I tama ara musano, a te Masedonia i tur taru ma i saringi lena, “Un nan urin o Masedonia, ma un warut met.”

Aposel 18:5

Ra o Sailas ma o Timoti der wanpat tagitong una papor Masedonia, o Pol ke mana nama warawai nama wasiso anun o God, ma i upuaso i torom a taro Juda lena, o Iesu i a Karisito ra o God i tulu ru i urin.

Aposel 19:21

Ra a kum utna ri i sa rop, o Pol i nuki lena in nan potor una ru papor Masedonia ma o Akaia sur in nan usapat o Jerusalem. Ma i watungi lena, “Ra a sa wan pas sapat o Jerusalem, an nan bulung utong o Rom.”

Aposel 19:29

Ma a taro rop tagun a tamon ra det purpuruon. Det kalabor ma det pam ukai pas o Gaius ma o Aristakus, aru te Masedonia ra detul wan tomo nam o Pol, ma det ruk nam der una nundet a labino rumu na kiwung.

Aposel 20:1

Ra i sa rop a purpuruon, o Pol i itula pas a taro na ususer, i udekdek tar det, ma i wasiso na itula taru tandet. Numur i wan utong una papor Masedonia.

Aposel 20:3

I kis tiro iai a tulin kalang. Numur i waninar sur in kas una sip utong una papor Siria, ikut i tasmani lena a kum te Juda det wasiso tomo pas sur det in um doko i. Ra i pukus a nuknukino ma i nuki lena i wakak sur in nan melet epotor una papor Masedonia.

Aposel 20:6

Ra i sa rop a labino bung na lotu na beret ra kalako is uni, met kas una sip tagitong o Pilipai. A limo na bung bat tari, met sot tong o Troas torom det ra det mugu gusun met, ma met kis pas a wonom mawit na bung tiro iai.

Aposel 27:2

Met kas una ara sip tagisa o Adramitiam, ra in nan sur in sot nanan una kum tamon nago korot una papor Asia. Ra met kas, a sip i wan. Met wan tomo nam o Aristakus tagitong o Tesalonaika una papor Masedonia.

A Pas anun o Pol torom a taro Rom 15:26

Uni a kum tene nurnur tong una aru papor Masedonia ma o Akaia det gas sur det in woro tomo a mani, sur det in warut a kum tene nurnur ra det sibo sapat o Jerusalem.

Pilipai 1:1

Iau o Pol, mir nam o Timoti, aru tultul anun o Karisito Iesu, mir tumtumus torom mot, a taro rop anun o God, tiro una tamon Pilipai. Torom mot ra mot laun un o Karisito Iesu, ma mot kai a kum mugumugu na lotu ma a kum tene warut.

Pilipai 1:5

uni mot tur tomo nam iau una Wakak na Wasiso, turpasi ut una mugano bung ra mot longoro i tuk uniri.

1 Tesalonaika 2:2

Mot tasmani lena numugu tan anumetul a inawan pat torom mot, a taro det ban laulau metul ma det ban umaimai metul tong o Pilipai. Ikut anundat a God i warut metul, ra metul dekdek ut sur metul in wasiso puaso una nun a Wakak na Wasiso torom mot, ma ka metul ngaran det ra det lari sur det in sakbat metul.