Aposel 15:3 - Nupela Testamen long tokples Kandas

³ A taro na lotu det tulu o Pol, o Banabas ma ara taro kai. Det wan potor una papor Ponisia ma a papor Samaria. Det wasiso puaso nanan torom a kum tene nurnur una kum tamon, una taro ra awu sur a taro Juda, lena det sa nukpukus. Ma det ra det tar tistisino una nurnur, det gas doko ra det longoro i.

Aposel 15:3 Iomraidhean Croise

Luk 15:32

I wakak sur dat in gas ma dat in nangon, uni o tisimlik ri i sa mat ma uniri i sa laun melet, i raro pas, ma uniri i sa wanpat melet.’”

Aposel 1:15

Un ara bung epotor tan a kum bung ra, a kum tene nurnur det kis tomo. Det elar nam ara mar ma ru noino det. O Pita i tur ma i watungi lena,

Aposel 13:48

A taro ra awu sur a taro Juda det longoro a wasiso ri, ra det gas doko, ma det watung ulabo pas a wasiso anun a Labino. Ma det rop ra di sa pilok pas det sur a nilaun tukum, det nurnur.

Aposel 13:52

Ma a taro na ususer tong o Antiok det bukus nama gasgas ma a Tokodos na Nion.

Aposel 14:27

Ra der wanpat, der kabo tomo pas a taro na lotu, ma der inanos det una kum utna rop ra der pam sot pasi nama dekdekin o God. Der inanos det kai lena, o God i sa papos tar a kisapi na nurnur torom a taro ra awu sur a taro Juda.

Aposel 15:1

A ramano taro tagisapat una papor Judia det wan utong o Antiok, ma det ususer det ra det tar tistisino una nurnur lena, “Ra ka din tok talilis a pinimot elar nama Warkurai anun o Moses, ka din ulaun mot.”

Aposel 15:12

A taro na kiwung rop det kis wowowon taru kut. Det longoro o Pol ma o Banabas, ra der wasiso una kum ukinalong ma a kum utna na ukisin der pami nama dekdekin o God epotor tan a taro ra awu sur a taro Juda.

Aposel 15:22

A kum aposel, ma a kum mugumugu, ma a taro na lotu rop, det wasiso tomo pas sur det in pilok pas lako ru musano tagun det, sur det in nan tomo nam o Pol ma o Banabas utong o Antiok. Det pilok pas o Judas, ara risano kai o Basabas, ma o Sailas, aru mugumugu tagun det ra det tar tistisino una nurnur.

Aposel 15:32

O Judas ma o Sailas der pitar a susut na wasiso sur der in uragot a taro ra det tar tistisino una nurnur, ma sur der in udekdek det, uni der aru poropet.

Aposel 15:4

Ra det wanpat sapat o Jerusalem, a taro na lotu ma anundet a kum mugumugu ma a kum aposel det ugasgas pas det. Ra der inanos det una kum utna rop ra der pam sot pasi nama dekdekin o God.

Aposel 17:15

A taro ra det ben pas o Pol, det wan tomo nami utong o Atens. Numur i tulu melet det nama wasiso torom o Sailas ma o Timoti sur der in nan lakit toromi.

Aposel 20:38

Ma a taro det tupunuk doko, uni i sa inanos tar det lena ka det in tamtama tomo melet mo. Ra numur det wan tulu ru i sur in kas una sip.

Aposel 21:5

Ikut ra a wonom mawit na bung i sa rop, met wan melet, ra a taro na ususer rop det tulu tar met unago utasi, det tomo nam anundet a kum ino ma a kum nutnutun det. Ra met sa wanpat nago utasi, met kis butkeke una usalin, ma met wararing.

Aposel 28:15

Det ra det tar tistisino una nurnur tagitiro o Rom, det longoro a wasiso un met, ra det wan barato met tong una nubual na siuru a risano o Apius, ma tong una nubual di watungi nama A tulu Rumu na Usiro. Ra o Pol i tama pas det, i watung wakak torom o God. Ma a magirandet, i udekdek anun a nilaun.

Aposel 8:14

A kum aposel ra det kis sapat o Jerusalem, det longoro i lena a taro Samaria kai det sa mur a wasiso anun o God, ra det tulu ru o Pita ma o Jon torom det.

A Pas anun o Pol torom a taro Rom 15:24

Ra an nan utong o Spein, a nuki lena an kis lilik pas nisamot ma dat in gas tomo pas. Numur an katutur melet sur an nan utong o Spein. Ma a nemi sur mot in warut iau una nung a inawan utong.

1 Korin 16:11

Gong mot tama pisopiso i. Ra in milet urin torom iau, mot in tulu ru i nama malmal. Ma a kis langlang suri, ra in nanpat tomo nama kum tistisin dat.

1 Korin 16:6

Kutiro an kis lilik pas ut tomo nam mot tiro iai, o kutiro an kis tuk ra a kum kalang na kotokoto ma a labino wuwu in rop, ra numur mot in warut iau una nung a inawan sur a kum tamon gisen bulung ra an nan iai.

2 Korin 1:16

Ra an nan sur utong una papor Masedonia, a nuki lena an lumu tar mot. Numur, ra an milet melet tagitong, an kis melet pas nisamot, sur mot in warut iau una nung a inawan utong una papor Judia.

Taitus 3:13

Un tulu ru o Apolos ma o Senas, i ra a tene mananos tagun a kum warkurai, ma un warut der sur gong der sibo sur tu utna.