Aposel 15:22 - Nupela Testamen long tokples Kandas

²² A kum aposel, ma a kum mugumugu, ma a taro na lotu rop, det wasiso tomo pas sur det in pilok pas lako ru musano tagun det, sur det in nan tomo nam o Pol ma o Banabas utong o Antiok. Det pilok pas o Judas, ara risano kai o Basabas, ma o Sailas, aru mugumugu tagun det ra det tar tistisino una nurnur.

Aposel 15:22 Iomraidhean Croise

Aposel 1:23

Ra det watung pat pas aru musano: O Josep, di watungi nam o Basabas, ma ara risano kai o Jastus, der nam o Matias.

Aposel 11:19

A taro na nurnur ra det wan sarara tagisapat o Jerusalem, uni di ban laulau det numur tan a minatin o Stiwen, det wan bakbak utong o Saipras, ma una papor Ponisia, ma a tamon Antiok. Det wasiso torom a taro Juda kut nama Wakak na Wasiso un o Iesu.

Aposel 11:20

Ikut ara taro tagun a taro na nurnur ra, a taro Saipras ma a taro Sairini, det wan utong o Antiok, ra det wasiso torom a taro ra awu sur a taro Juda kai, nama Wakak na Wasiso una Labino o Iesu.

Aposel 11:22

A taro na lotu sapat o Jerusalem det longoro a wasiso un asau ra i wanpat, ra det tulu ru o Banabas utong o Antiok.

Aposel 11:27

Una kilalo ra, a ramano kum poropet det wan tagisapat o Jerusalem utong o Antiok.

Aposel 15:23

Ra det tumus tar a pas sur det in losi. A pas ra i watungi lenri: Met a kum aposel ma a kum mugumugu, met a kum tistisi mot, met tumtumus torom mot a kum tene nurnur tagun a taro ra awu sur a taro Juda ra mot kis tong o Antiok, ma una ru papor Siria ma o Silisia: A marmaris torom mot.

Aposel 15:25

Uniri met sa wasiso tomo pas, ma met rop met mulaot sur met in pilok pas lako ru musano, sur met in tulu der torom mot. Der in nan tomo nama ru wakak na paspasa met, o Banabas ma o Pol,

Aposel 15:27

I mo ra met tulu ru o Judas ma o Sailas torom mot, sur der in inanos mot una kum wasiso ri met tumusi una pas.

Aposel 15:3

A taro na lotu det tulu o Pol, o Banabas ma ara taro kai. Det wan potor una papor Ponisia ma a papor Samaria. Det wasiso puaso nanan torom a kum tene nurnur una kum tamon, una taro ra awu sur a taro Juda, lena det sa nukpukus. Ma det ra det tar tistisino una nurnur, det gas doko ra det longoro i.

Aposel 15:30

Numur di tulu det, ra det wan utong o Antiok. Tiro iai det kabo tomo pas a taro na lotu, ra det pitar tar a pas ra tandet.

Aposel 15:32

O Judas ma o Sailas der pitar a susut na wasiso sur der in uragot a taro ra det tar tistisino una nurnur, ma sur der in udekdek det, uni der aru poropet.

Aposel 15:40

Ra o Pol i pilok pas o Sailas, sur der in nan tomo. Ma a kum tistisin der una nurnur, det pitar tar der una marmaris anun a Labino.

Aposel 16:19

A kum mugumugu anun a ino ra, det tasmani lena, ka det in tama melet lako mani mo gusuni. Ra det pam ukai pas o Pol ma o Sailas, ra det dat pas der torom a kum mugumugu una nubual na inawan tomo.

Aposel 16:25

Una labino mirum, o Pol ma o Sailas der wararing, ma der kelekele torom o God. Ma a taro kai ra det kis una karabus, det longoro der.

Aposel 16:29

A tene tamtamabat i kakabo sur lako kum lam, ra i kalabor ruk lakit torom o Pol ma o Sailas. I ngara ma i neneder, ra i puku pirso taru numugu tander.

Aposel 17:10

Una bung na mirum ut ra, det ra det tar tistisino una nurnur det tulu lakit ru o Pol ma o Sailas utong o Beria. Numur ra der wanpat tiro iai, der ruk una rumu na lotu anun a taro Juda.

Aposel 17:14

Uniutra det ra det tar tistisino una nurnur det tulu ru o Pol unago utasi. Ikut o Sailas der nam o Timoti der kis utmakai tong o Beria.

Aposel 17:4

Ara taro Juda ma a susut na te Grik ra det lotu torom o God, ma a susut na mugumugu na ino kai, det nurnur ma det mur o Pol ma o Sailas.

Aposel 18:5

Ra o Sailas ma o Timoti der wanpat tagitong una papor Masedonia, o Pol ke mana nama warawai nama wasiso anun o God, ma i upuaso i torom a taro Juda lena, o Iesu i a Karisito ra o God i tulu ru i urin.

Aposel 8:14

A kum aposel ra det kis sapat o Jerusalem, det longoro i lena a taro Samaria kai det sa mur a wasiso anun o God, ra det tulu ru o Pita ma o Jon torom det.

2 Korin 1:19

Iau ma o Sailas ma o Timoti, metul warawai torom mot un o Iesu Karisito, a Nutun o God. O Karisito ke ser mulaot ma numur in ipul. Awu. In pam sot pasi ut anun a wasiso.

1 Tesalonaika 1:1

Iau o Pol, o Sailas, ma o Timoti, metul tumtumus torom mot a taro na lotu tong o Tesalonaika, mot ra mot laun un o God a Tamandat ma a Labino o Iesu Karisito. A marmaris ma a malmal torom mot.

2 Tesalonaika 1:1

Iau o Pol, o Sailas ma o Timoti, metul tumtumus torom mot a taro na lotu tong o Tesalonaika, mot ra mot laun un o God a Tamandat ma a Labino o Iesu Karisito.

1 Pita 5:12

O Sailas i warut iau ra a tumus a nat na pas ri torom mot. O Sailas a tising una nurnur, ra a nurnur doko uni. Una pas ri, a nemi sur an udekdek mot ma an wasiso talapor una marmaris mulus anun o God. Mot in tur dekdek uni.