Aposel 15:20 - Nupela Testamen long tokples Kandas

²⁰ Dat in tumtumus torom det, ma dat in inanos det lena, det in mur a kum warkurai kut lenri: Gong det wan tu utna ra di sa etabor taru nami torom a kum torotoro na god, uni a ngas na lotu lenri i udur a utna na inangon. Gong det pam a kum petutna na pamuk. Gong det wan tu utna ra ka di gos wakak a gap gusuni, ma tu wewegua ra di pos doko i kut ra a gap kura utmakai uni.

Aposel 15:20 Iomraidhean Croise

Aposel 15:29

Gong mot wan tu utna ra di sa etabor taru nami torom a kum torotoro na god. Gong mot wan tu utna ra ka di gos wakak a gap gusuni, ma tu wewegua ra di pos doko i kut, ra a gap kura utmakai uni. Ma gong mot pam a kum petutna na pamuk. Ra ka mot in pam a kum utna ri, in wakak torom mot. I kut ra, ma i rop. A marmaris torom mot.

Aposel 21:25

Un ra bung dat sa tumus tar a buk torom a kum tene nurnur tagun det ra awu sur a taro Juda, lenri: Gong det wan tu utna ra di sa etabor taru nami torom a kum torotoro na god. Gong det wan tu utna ra ka di gos wakak a gap gusuni, ma tu wewegua ra di pos doko i kut, ra a gap kura utmakai uni. Ma gong det pam a kum petutna na pamuk.”

1 Korin 5:11

Ikut a tumtumus torom mot, sur gong mot lason tomo nam det ra det watungi lena det a kum tistisin dat una nurnur, ikut det ser pam a kum sakino petutna lenri: Det ser pam a kum pamuk na petutna, det a kum matano muk, det ser lotu torom a kum torotoro na god, det ser mang laulau a taro, det a kum tene ininum ma det ra det ras pas a ututna ra awu sur anundet. Ma gong kai mot wangon tomo nama ngas na taro lenra.

1 Korin 6:13

Sako taio in watungi kai lenri, “A utna na inangon sur a balandat, ma a balandat sur a utna na inangon.” Ikut o God in kamar rop ru der. A pinindat awu sur tagun a kum pamuk na petutna, awu, sur a Labino ut, ma a Labino sur a pinindat.

1 Korin 6:18

Mot in nan gisen gusun a kum pamuk na petutna. A kum sakino petutna gisen ra taio i pami, ka det kis una pinino. Ikut, ra taio in pam a kum pamuk na petutna, i pam a sakino una pinino ut.

1 Korin 6:9

Pepetlai, ka mot tasmani lena det ra det pam a sakino ka det in rakon a matanitu anun o God? Gong mot toro mot ut. Uni det ra det pam a kum pamuk na petutna, ma det ra det lotu torom a kum torotoro na god, ma det ra ka det ru a kinkinis na nolin, ma det ra a kum pamuk na musano ra det siuru a pinpinin det, ma a kum musano ra det nolin melet nama kum musano,

1 Korin 7:2

Ikut, kibino una kum pamuk na petutna ra kura, i wakak sur arara musano in nolin nam anun a ino ut, ma arara ino kai in nolin nama nun a musano ut.

1 Korin 8:1

An inanos mot una kum utna na inangon ra di sa etabor taru nami torom a kum torotoro na god. Dat tasmani lena, dat rop dat sa mananos. A mananos i ser pam pat a petutna sur taio in dat walos in lorino, ikut a marmaris i ser pam pat a petutna sur taio in udekdek a taro.

2 Korin 12:21

A ngara, sako ra an nanpat tiro, anung a God in unatino pas iau umatamot. Ma an tupunuk una susut tagun mot, ra det pam sakino tagun numugu utmakai ma ka det nukpukus gusun anundet a kum dur na petutna, a kum pamuk na petutna ma a kum nemnem sur a sakino petutna ra det ser muri.

Galesia 5:19

Dat sa tasman a kum sakino petutna ra a nemnem ina pinindat i ser pami. Iri a kum petutna: A kum pamuk na petutna, a dur na petutna, a nemnem sur a sakino petutna,

Epeses 5:3

Gong tu pamuk na petutna i kis epotor tamot, gong tu dur na petutna, ma gong kai mot nemnem sur a susut na ululeng. Uni a kum petutna ri ke tokodos sur a tokodos na taro anun o God det in pami.

Kolosi 3:5

I mo ra, mot in doko ru a kum sakino petutna taginin upiso, ra kura una numot a nilaun. Iri a kum petutna ra: a kum petutna na pamuk, a kum dur na petutna, a laulau na nemnem, a nemnem sur a kum sakino petutna ma a nemnem sur a susut na ululeng. A nemnem sur a susut na ululeng, i ra, a lotu torom a torotoro na god.

1 Tesalonaika 4:3

O God i nemi sur anumot a nilaun gong i dur umatano, ra mot in nan gisen gusun a kum pamuk na petutna.

Ibru 12:16

Mot in tumarong, sur gong taio i pam a pamuk na petutna, ma gong taio i rosumur gusun o God, elar nam o Iso. Ra i milau sur o Iso in los a susut na ululeng tan o tamano, uni i a mugano nutunu, o Iso i siuru ru a kum ululeng ra, sur ara pelet na utna kut.

Ibru 13:4

I wakak ra mot rop, mot in ru a kinkinis na nolin, ma gong tu dur na petutna in kis uni. Uni o God in kuro taio ra i pam a sakino nam tu ino anun taio o tu musano anun taio, ma taio kai ra i pam a kum pamuk na petutna.

1 Pita 4:3

Numugu mot pam a kum sakino petutna, ma i sa suano mot ra mot kis ubalan a kum sakino petutna ra. A kum sakino petutna ra, a kum taro ra ka det nurnur, det gas sur det in pami. Det pam a kum petutna na pamuk, det mur a kum laulau na nemnem, det sipak, det pam a kum labino lukaro ra det wangon dokodoko det, det wan tomo sur det in gas nama ininum, ma det lotu torom a kum torotoro na god, ra a warkurai anun o God i turbat dat gusuni.

Tamtama 10:2

I pam pas a nat na buk ra di ser puli, kura i papos una lamano. I utur tar a sot na kikino netes una tasi, ma a kair na kikino una piso.

Tamtama 10:8

Numur in nalngan ara, ra a sa longoro tari tagisapat una langit i wasiso melet torom iau, i watungi lena, “Un nan ma un los pas a buk, ra kura i papos taru una laman a ensel ra i tur taru netes una tasi ma una piso.”

Tamtama 2:14

Ikut a takun mot una kum utna ri: Ara taro ra kura det epotor tamot, det sa mur a etowo anun o Balam, i ra i ususer o Balak sur in usobor a taro Israel ma det pam a sakino petutna, ra det wan a utna na inangon di etabor nami torom a kum torotoro na god, ma det pam a kum petutna na pamuk.

Tamtama 2:20

Ikut, a takun mot una utna ri: Ka mot lu ru o Jesabel, a ino ra i watungi lena i a poropet. I ususer raro anung a kum tultul, sur det in pam a kum pamuk na petutna ma sur det in nan a utna ra di sa etabor taru nami torom a kum torotoro na god.

Tamtama 9:20

Ma a taro ra a laulau na ukadik ri ke um doko det, ka det nukpukus gusun a kum toktok ra det pami nama lamandet. Ka det mana gusun a lotu torom a kum laulau na nion ma a kum torotoro na god ra di pam a malalarindet nama gol, a silwa, a bras, a wat, o a nuduwai. A kum malalar ra ka det tamtama, ka det longoro ma ka det wanan.