Aposel 14:23 - Nupela Testamen long tokples Kandas

²³ Der pilok pas a ramano taro sur det a kum mugumugu anun a taro na lotu, una tulu tamon taktakai. Der wararing ma der wewel, ra der pitar tar det torom a Labino, o naro ra det nurnur uni.

Aposel 14:23 Iomraidhean Croise

A Wakak na Wasiso un o Iesu Karisito o Mak i tumusi 3:14

I pilok pas a noino ma aru musano, ra i urising det a kum aposel. I pilok det sur det in nan tomo nami, ma sur in tulu det sur det in warawai.

Luk 23:46

Ra o Iesu i kukuk dekdek lena, “Tita, a pitar tar a niong un aru lamam.” Ra i sa watung tari lenri, i mat.

Aposel 1:24

Ma det wararing lena, “Labino, u sa tasman a balan a taro rop, un ese met, osi mulus tagun der ri u sa pilok pasi,

Aposel 11:30

Det woro tomo tar a mani, ra o Banabas ma o Sol der losi torom a kum mugumugu na lotu sapat o Jerusalem.

Aposel 14:26

Ra der sa pam sot pas anunder a pinapam una kum tamon, der kas una sip tagitong o Atalia utong o Antiok. O Antiok a tamon ra a kum tene nurnur, det pitar tar der una marmaris anun o God, ma det tulu der sur a pinapam ri.

Aposel 15:23

Ra det tumus tar a pas sur det in losi. A pas ra i watungi lenri: Met a kum aposel ma a kum mugumugu, met a kum tistisi mot, met tumtumus torom mot a kum tene nurnur tagun a taro ra awu sur a taro Juda ra mot kis tong o Antiok, ma una ru papor Siria ma o Silisia: A marmaris torom mot.

Aposel 15:4

Ra det wanpat sapat o Jerusalem, a taro na lotu ma anundet a kum mugumugu ma a kum aposel det ugasgas pas det. Ra der inanos det una kum utna rop ra der pam sot pasi nama dekdekin o God.

Aposel 15:6

A kum aposel ma a kum mugumugu det kiwung sur det in nuknuk wakak una utna ri.

Aposel 20:17

Met wanpat una tamon Miletus, ra o Pol i itula utong o Epeses sur a kum mugumugu anun a taro na lotu.

Aposel 20:32

“Uniri a pitar tar mot ulaman o God, ma a pitar tar mot una nun a wasiso ra i upuaso anun a marmaris. A wasiso ra, i pet lar pasi sur in udekdek mot, ma in tabor mot nama kum wakak na etabor ra o God i ser tabor anun a taro nami.

2 Korin 8:19

Det ut, det pilok tari sur met in nan tomo usapat o Jerusalem, sur met in los ru a mani na etabor. Met in pam a pinapam ri, sur met in ulabo pas a Labino, ma sur met in ese i lena, met nem na warut a taro na lotu sapat o Jerusalem.

1 Timoti 5:1

Ra un ukodos tu musano ra a mugano tam, gong u wasiso na kankan, un wasiso wowon kut elar nami ra u pami torom o tamam. Un pam a wakak na petutna torom a kum barman elar nami ra u pami torom a kum tistisim.

1 Timoti 5:22

Gong u ubek lakit aru lamam netes un taio ma u wasiso udani sur a pinapam anun a Labino. Ma gong u mur a taro una sakino petutna. Un tumarong anum a nilaun sur in tokodos.

2 Timoti 1:12

Iri a kibino ra a taramo a ngunungut lenri. Ikut, ka maimai, uni a tasman o naro ra a nurnur uni, ma a tasman mulusi lena, in pet lar pasi sur in tamtamabat a pinapam, ra i sa pitar tari tang, tuk una bung na warkurai.

2 Timoti 2:2

A kum etowo ra u sa longoro pasi tang umatan a susut na taro, un ususer lako taro nami. A taro ra u nurnur un det lena det in pet lar pasi sur det in ususer lako taro kai nami.

Taitus 1:5

A wan gusun ui tiro una ailan Krit, sur ui mo un urop a kum pinapam ra ke rop utmakai, ma un pilok pas lako kum mugumugu na lotu, una kum tamon rop, elar nami ra a sa watung tari tam.

Jems 5:14

Ra taio tagun mot i misait, in itula sur a kum mugumugu na lotu, sur det in wararing uni, ma una risan a Labino, det in talusi nama wel.

1 Pita 5:1

Uniri an wasiso torom mot a kum mugumugu na lotu, uni iau kai a mugumugu elar kut nam mot. Ra o Karisito i taramo a kum ngunungut, a tama tari, ma numur ra in nanpat, an rarakon una nun a minamar.

1 Pita 5:10

Ikut o God, i a God na marmaris, ma un o Karisito i kabo pas mot sur mot in kis tomo nami una nun a minamar ra ken rop. Ra mot sa taramo tar a ngunungut un tu nat na du bung kut, numur i ut in uwakak pas mot melet, in udekdek mot ma in warut mot sur mot in tur dekdek.

2 Jon 1:1

Iau o Jon, ara mugumugu, a tumtumus torom ui, a ino ra o God i sa pilok pas ui, tomo nama kum nutnutum, ra a nem mulus mot. Awu sur iau kut, met rop kai ra met tasman a lingmulusino met nem mot.

3 Jon 1:1

Iau, o Jon, a mugumugu, a tumtumus torom ui, a wakak na pasang o Gaius, ra a nem mulus ui.