Aposel 14:15 - Nupela Testamen long tokples Kandas

¹⁵ “A taro, sur asau ra mot pam a kum utna ri? Mir aru musano kut, mir elar kut kai lar mot! Mir wanpat kut nama Wakak na Wasiso torom mot, ma mir inanos mot sur mot in tupukus gusun a kum utna oros kut ri ra mot lotu torom det, sur mot in mur a God ra i laun. I ra, i ukis a bakut, a rakrakon bual, a tasi, ma a kum utna rop ubalandetul.

Aposel 14:15 Iomraidhean Croise

Matiu 16:16

Ra o Saimon Pita i balu i lena, “Ui a Karisito, a Nutun o God ra i laun.”

A Wakak na Wasiso un o Iesu Karisito o Jon i tumusi 5:26

O God a kimkibin a nilaun. Ma lenkutkai ra i pitari torom o Nutunu sur i kai a kimkibin a nilaun.

A Wakak na Wasiso un o Iesu Karisito o Jon i tumusi 7:18

Osi ra i wasiso kut nama nuknukino, i nemi kut sur din ulabo pasi. Ikut iau, a nemi sur din ulabo pas o God ra i tulu ru iau urin. A wasiso nama lingmulus, ma katu torotoro i kis un iau.

Aposel 10:26

Ra o Pita i dat utur pasi, ma i watungi lena, “Un tur, iau kai a musano kut.”

Aposel 13:32

“Ra met inanos mot una Wakak na Wasiso lenri: A liliman ra o God i sa pitar tari torom a kum tumtubun dat tagun numugu,

Aposel 14:21

O Pol ma o Banabas der warawai nama Wakak na Wasiso tong o Derbe, ra der ususer a susut na taro ra det wanpat a kum nat na ususer. Numur der milet melet utong o Listra, Aikoniam, ma o Antiok.

Aposel 14:7

Ra der warawai nama Wakak na Wasiso torom det tiro iai.

Aposel 16:30

I ben pirso pas der, ra i ting der lena, “Aru musano, asau ra an pami sur din ulaun iau?”

Aposel 27:10

“A taro, gong dat wan taru. A tama i lena, ra dat in nan kut, a sip in iru tomo nama kum utna, ma dat kai dat in iru.”

Aposel 27:21

A susut na bung ka det wangon. Numur o Pol i tur umatandet ma i watungi tandet lena, “A taro! Ra gunuk mot in longoro pas iau, ma gong dat wan taru tagitong o Krit, katu utna lenri in monong dat, ra a sip tomo nama ututna ken laulau.

Aposel 27:25

A taro, gong mot ngara, uni a nurnur un o God lena a kum utna in nanpat elar ut nami ra i sa inanos tar iau nami.

Aposel 4:24

Ra det longoro i, det wararing tomo torom o God lena, “Labino, u ukis a bakut, a rakrakon bual, a tasi, ma a kum utna rop ubalandetul.

Aposel 7:26

“A bung numur tano, i tama melet aru te Israel, ra der waim, ra i nemi sur in umalmal der, ma i watungi tander lena, ‘Aru musano, mur pasano kut. Pepetlai ra mur ban laulau etalai melet mur?’

1 Korin 8:4

An inanos mot una ngasino ra a taro det ser pami ra det wan a kum utna, ra di sa etabor taru nami torom a kum torotoro na god. Dat tasmani lena a toktok i a utna oros kut tagun a rakrakon bual, awu sur i laun. Dat tasmani lena ara God sot kut, ma kataio melet.

Epeses 4:17

Una risan a Labino, a inanos mot ma a utumarong mot lena, gong melet mo mot laun elar nama kum taro ra ka det nurnur. A nuknukin det ke topas tu utna.

1 Tesalonaika 1:9

Uni det ut det wasiso talapor una numot a wakak na petutna ra mot gas pas metul. Ma det wasiso talapor kai un mot lena, mot sa tupukus torom o God, ma ka mot lotu mo torom a kum torotoro na god. Mot papam mo torom o God, i ra a lingmulusino ma i laun.

1 Timoti 3:15

Ra kan nanpat lakit, u sa tasman a kum ngas na petutna ra a taro anun o God det in pami epotor tandet. A taro na lotu anun o God, ra i laun, det elar nama pos ma a kibin a rumu ra i udekdek a lingmulusino.

Ibru 3:12

A kum tistising, mot in tumarong, sako taio tagun mot a nuknukino in mur a sakino petutna ma ken nurnur, ma in nan gisen gusun o God, ra i laun.

Jems 5:17

O Elaija, a poropet, i a musano i elar kut nam dat. I wararing sur gong i bato, ra a tulu kilalo ma wonom na kalang ke bato.

Tamtama 14:7

I wasiso namin labino walngano lena, “Mot in ngara sur o God, ma mot in watung ulabo pasi, uni anun a du bung na warkurai i sa wanpat. Mot in lotu torom o God, i ra i ukis a bakut, a rakrakon bual, a tasi ma a kum matmatano danim.”

Tamtama 19:10

Numur, a puku pirso nama urur nisan a ru kikino sur an lotu toromi. Ikut i watungi tang lena, “Gong! Iau kai, a tultul kut elar nam ui ma a kum tistisim ra det pam ukai a wasiso puaso anun o Iesu. Un lotu torom o God! Uni a wasiso puaso anun o Iesu, i ut ra i ukatutur a taro sur det in wasiso na poropet.”

Tamtama 19:19

Numur a tama a kuabor na wewegua ma a kum king tagun a rakrakon bual, ma anundet a kum kunur na taro na inaim ra det wan tomo, sur det in waim nam o naro ra i kas una os tomo nama nun a kunur na taro na inaim.

Tamtama 22:9

Ikut i watungi tang lena, “Gong! Iau kai, a tultul kut, elar nam ui ma a kum tistisim, a kum poropet ma det rop kai ra det mur a kum wasiso tagun a buk ri. Un lotu torom o God!”

Tamtama 4:11

“Anumet a Labino ma anumet a God, i tokodos sakit sur din ulabo pas ui ma din ru ui, ma i tokodos sakit sur un utur ukai a dekdek. Uni ui, u ukis a kum utna rop. U ukis det una num a nemnem ut, ma det laun kut tagun ui.”