Aposel 13:32 - Nupela Testamen long tokples Kandas

³² “Ra met inanos mot una Wakak na Wasiso lenri: A liliman ra o God i sa pitar tari torom a kum tumtubun dat tagun numugu,

Aposel 13:32 Iomraidhean Croise

Luk 1:19

Ra a ensel i balu i lena, “Iau o Gebriel, a ser tur umatan o God. I ut i tulu ru iau sur an inanos ui, ma an los a wakak na wasiso ri torom ui.

Luk 2:10

Ikut a ensel i watungi tandet lena, “Gong mot ngara. Mot tama i, a wanpat torom mot nama wakak na wasiso ra in ugasgas a taro rop.

Aposel 10:36

Mot tasmani lena, o God i sa pitar tar anun a wasiso torom a taro Israel. A wasiso ri, i a Wakak na Wasiso na malmal. A malmal epotor tan o God ma a taro, ra i kibino un o Iesu Karisito, i ra a Labino anun a taro rop.

Aposel 13:23

“Tagun a kabotaro anun o Dewid, o God i pitar a Tene Ulaun, o Iesu, torom a taro Israel, elar nama nun a liliman.

Aposel 13:38

“I mo ra a kum tistising, a inanos mot sur mot in tasmani lena, un o Iesu, din unus ru anumot a kum sakino petutna. A Warkurai anun o Moses ken pet lar pasi sur in unus ru anumot a kum sakino petutna, sur din watung mot a kum tene tokodos.

Aposel 14:15

“A taro, sur asau ra mot pam a kum utna ri? Mir aru musano kut, mir elar kut kai lar mot! Mir wanpat kut nama Wakak na Wasiso torom mot, ma mir inanos mot sur mot in tupukus gusun a kum utna oros kut ri ra mot lotu torom det, sur mot in mur a God ra i laun. I ra, i ukis a bakut, a rakrakon bual, a tasi, ma a kum utna rop ubalandetul.

Aposel 26:6

Ra uniri a tur una warkurai, uni a kis langlang nama nurnur sur a liliman ra o God i pam tari torom a kum tumtubu met tagun numugu.

Aposel 3:19

Mot in nukpukus, ma mot in nan torom o God, sur in unus ru anumot a kum sakino petutna,

Aposel 5:42

Ra una kum bung rop ubalan in noworo ina rumu na etabor, ma una nundet a kum rumu kai, ka det mana nama etowo ma a warawai nama Wakak na Wasiso lena o Iesu i a Karisito mulus.

A Pas anun o Pol torom a taro Rom 1:2

A Wakak na Wasiso ri, o God i sa uliliman mugu taru uni ma anun a kum poropet det sa tumus tari una Buk Tabu.

A Pas anun o Pol torom a taro Rom 10:15

Ra kataio i tulu a kum tene warawai, det in nan pepetlai nama wasiso? Elar nami ra di sa tumus tari una Buk Tabu lena, “A inawan pat anundet ra det wanpat nama Wakak na Wasiso, i wakak doko.” Ais 52:7

A Pas anun o Pol torom a taro Rom 4:13

O God i uliliman tar o Abaram sur in pitar tar a rakrakon bual tano ma torom a kum tumtubunu kai. A liliman ri, o God i pam tari torom o Abaram awu sur i kibino ra i mur a kum Warkurai, awu. I kibino uni i nurnur, ra o God i watungi lena i tokodos umatano.

A Pas anun o Pol torom a taro Rom 9:4

Det a taro Israel, ra o God i ras pas det sur det a kum nutnutunu. I ese anun a minamar tandet, i pam a kum kunubus tomo nam det, i pitar tar a kum Warkurai tandet, i ese tar det una kisapi na lotu mulus, ma i uliliman tar det.