Aposel 13:12 - Nupela Testamen long tokples Kandas

¹² Ra a mugumugu i tama a utna ri i wanpat, i nurnur, uni i kisin una etowo una Labino.

Aposel 13:12 Iomraidhean Croise

Matiu 27:54

A mugumugu anun a kum tene inaim, ma det kai ra kura tomo nami ra det tamtamabat o Iesu, det taramo a guri, ma det tama a kum utna ra i wanpat, ra det ngara doko. Det watungi lena, “I lingmulus ut, a musano ri a Nutun o God.”

Luk 4:22

Det rop det watung ulabo pasi, ma det kisin una nun a wakak na wasiso. Ra det iting lena, “A musano ri, a nutun o Josep, niko?”

Luk 7:16

A taro rop det kisin ma det ngara, ma det watung ulabo pas o God, ma det watungi lena, “A labino poropet i sa wanpat epotor tandat. O God i sa wanpat sur in warut dat, anun a taro.”

A Wakak na Wasiso un o Iesu Karisito o Jon i tumusi 7:46

A kum tene tamtamabat tagun a rumu na etabor det balu det lena, “Katutaio utmakai i ser wasiso elar nama musano ri!”

Aposel 13:48

A taro ra awu sur a taro Juda det longoro a wasiso ri, ra det gas doko, ma det watung ulabo pas a wasiso anun a Labino. Ma det rop ra di sa pilok pas det sur a nilaun tukum, det nurnur.

Aposel 13:49

Ra a wasiso anun a Labino i wan sarara una kum tamon rop una papor ri.

Aposel 13:7

i ara pasan o Sergius Paulus. Sergius Paulus i a mugumugu tagun a ailan ra, a tene mananos, ra i itula pas o Banabas ma o Sol, uni i nem na longoro a wasiso anun o God.

Aposel 13:8

Ikut o Barjisas, ra di watungi kai nam o Elimas, a kukuraino a tene sangsagor, i turbat der. I nemi sur in turbat ru a mugumugu sur gong i nurnur.

Aposel 15:35

Ikut o Pol ma o Banabas der kis kut tong o Antiok. Der tomo nama susut na taro, det ususer a taro ma det warawai nama wasiso anun a Labino.

Aposel 15:36

A ramano kum bung numur, o Pol i watungi tan o Banabas lena, “Dar in milet melet sur a kum tamon rop, ra dar sa warawai taru uni torom det nama wasiso anun a Labino, sur dar in tama a kum tistisin dar, ra det pepetlai mo.”

Aposel 18:12

Una kilalo ra o Galio i mugumugu tagun a gapman tong una papor Akaia, a taro Juda det tur tomo sur det in um o Pol, ma det beni sur in tur una warkurai.

Aposel 19:10

Aru kilalo i ser pami lenra. Ra det rop ra det kis una papor Asia, a taro Juda ma a taro ra awu sur a taro Juda kai, det longoro a wasiso anun a Labino.

Aposel 19:20

Ra a wasiso anun a Labino i wan sarara, ra i lubung ma i dekdek.

Aposel 19:38

A kinkinis na warkurai ma a kum tene warkurai kuri ut det. Ra o Dimitrius ma a kum tene pinapam ra det wan tomo nami, det nem na takun taio un tu utna, det in inanos a kinkinis na warkurai nami.

Aposel 19:7

Kutiro a niluluk ina kum musano i elar nama noino ma aru.

Aposel 28:7

Ara mugumugu tagitiro una ailan ri, a risano o Publius, anun a du piso pi kura iai. I ben pas met utiro una nun a rumu, ma i ugasgas met. Ra met kis pas a tulu bung tiro una nun a rumu.

Aposel 6:10

Det lagano balubalu tar anun a wasiso, uni a Tokodos na Nion ut i pitar a mananos tano.

Aposel 8:25

Ra o Pita ma o Jon der sa wasiso talapor taru una kum utna ra a Labino i pami, ma der sa warawai taru kai nam anun a wasiso, der milet melet usapat o Jerusalem. Ma una nunder a inawan, der warawai nanan nama Wakak na Wasiso una susut na tamon una papor Samaria.