Aposel 12:19 - Nupela Testamen long tokples Kandas

¹⁹ Ra o Erod i longoro i lena, o Pita ke kis mo una karabus, i itula sur det in sisio suri. Ikut ka det sio pasi. Numur i tikin wakak a taro na inaim ra det tamtamabat una karabus, ma i itula sur din um doko det. Numur o Erod i wan tagitiro una papor Judia utong o Sisaria, sur in kis pas munung tong iai.

Aposel 12:19 Iomraidhean Croise

Matiu 2:1

Di usus o Iesu una tamon Betliem tiro una papor Judia, una kilalo ra o Erod i king. Numur a ramano kum tene mananos tagun a kum nangnang det wan tagitiro una nubual ra in matanas i pusu pat iai, ra det wanpat sapat o Jerusalem.

Matiu 2:13

Ra det sa wan taru, a ensel anun a Labino i wanpat torom o Josep una ririon ra i watungi lena, “Un katutur, un ben pas derano, ma motul in kalabor eno utong o Ijip. Ma motul in kis tong iai, tuk una bung ra an inanos melet ui, uni o Erod in sisio sur a natlik sur in um doko i.”

Matiu 2:16

Ra o Erod i tama i lena a kum tene mananos tagun a kum nangnang det sa toro tari, i kankan doko ra i itula sur din um doko rop ru a kum nat musano tong o Betliem ma una kum tamon kai ra det kis milau. I pitar a warkurai sur din um doko det ra aru kilalo anundet, ma det kai ra ke ru kilalo utmakai anundet, uni a kum tene mananos det sa inanos tari una kilalo anun a natlik.

Aposel 12:18

Ra una kobot, a kum tene inaim det sisio sur o Pita, ma a nuknukin det i talara lena, “Awai mi uniri?”

Aposel 12:4

Ra i sa dat pas o Pita, i uruk tari una karabus. Ra a noino ma wonom na tene inaim det tamtamabati. Det ukukeles, a wat det munung, numur a wat det bulung, i lenkutra. O Erod i nemi sur in ben pirso i sur din warkurai i umatan a taro, numur tan a kum lamlabino bung na lotu na Wanlakai.

Aposel 12:6

Una mirum, numugu tan a bung ra o Erod in ben pat o Pita sur a warkurai, o Pita i inep epotor tan a ru tene inaim. Det sa ker tari nama ru sen. Ma a ramano kum tene inaim kai, det tur una matansako ma det tamtamabat a karabus.

Aposel 16:27

A tene tamtamabat i tuangun, ra i tama a kum matansako det sa papos. I dat pirso pas anun in totok na inaim sur in um doko i ut nami, uni i nuki lena a kum karabus det sa kalabor song.

Aposel 21:8

Una bung numur, met wan melet, ra met wanpat tong o Sisaria, ma met kis una rumu anun o Pilip, a tene warawai nama Wakak na Wasiso, ara tagun a wonom mawit det ra a kum aposel det pilok pas det.

Aposel 25:13

Ra i sa rop a kabano bung, a King Agripa der nama bunu ano, o Benaisi, der wanpat tong o Sisaria, ra der wasiso na ugasgas pas o Pestus una nun a kinkinis na mugumugu.

Aposel 27:42

Ra a kum tene inaim det nem na um doko a kum karabus, sako lako taro tagun det, det in was pirso, ma det in kalabor song.

Aposel 8:40

O Pilip i tama i lena, kurong mi una tamon Asdot. I wan tagitiro iai, ra i warawai nanan nama Wakak na Wasiso una kum tamon tuk tong o Sisaria.